ISUA KA NEI

ISUA KA NEI ************** hei hi han inzâwt ve fo la,ISUA ka nei tih hi. Harsatna hmunah i awmin,ISUA i nei. Rethei leh tlachham a i awmin,ISUA i nei. Beidawng leh lungngai a i awmin, ISUA i nei. Hlauhna hmuna i awmin,ISUA i nei. Tuilai rap a i awmin, ISUA i nei. Tihduhdahna leh nêksâwrna hmuna i awmin,ISUA i nei. Thian dang rêng i neihloh in,ISUA i nei. Tawrhna leh chânna ruamah i awmin,ISUA i nei. Sawichhiatna hmuna i awmin,ISUA i nei. I awmdan tur i relfel thiamloh hunin,ISUA i nei. Khawiah pawh LALISUA nen chuan awm ila,he khawvela min hruaina apiangah chuan;AMAH lovin a chuai ang lawmna ber pawh,ISUA nen chuan engmah rêng ka hlau lovang.tiin.

VAWIKHAT CHU

VAWIKHAT CHU ****************** Vawikhat chu ruah leh thli na tak hnuaiah pa pakhat lo sûl haw hian thing lianpui bul bêlin chu ruah leh thli na tak lak a him in beisei in a chawl ta ringawt mai a,a kalna tur a la thui ve em si avang chuan chu ruah leh thlipui na lutuk a himna hmun chu a zawng a ni. Chu ruah leh thli na tak chuan a nuai rei em avang chuan a thâwk a chham țêp nghe nghe a,chuan, thei leh theilo chuan chu thinglianpui mai bul chu a lothleng reng mai hi a lo nia. A chau chhe hman lo chauh hi a ni ber a ni. Tichuan thingbul phênah chuan tawmhim zai a rêl ta a,chutia thingbul vuan a a chawlh mêk lai chuan țêk a rawn tla ta mai pek a,chu a awmna thing lian tak zãr chu rawn dêngin,a kãk ah tak a dêng a,a auh nghâl țhawt mai a,a zâr chu a rawn tliak thla ta mai pek a,a vânneih a siamin chu thingzâr kâk bal thla chuan a rawn fulo hlauh mai a,a lâwm ru kher mai. Chuan,chu thinghnuai chu a la bêl ta fan reng a,a chhan chu,belh tur dang hre heklo le!? Chutah a rilru ah he hla chãng khat te mai hi a lolang ta nawlh mai a,hlauhna hmuna ka awm min hrilh,ka hlauh min hnehsak ta,ka rin veleh a khawngaihna duhawm a lolang ta tih hla chu a ni.a sa a sa ta a,nakin deuh ah chuan chu ruah leh thlipui leh țëk tla chu a lo reh fel ve ta hlauh mai a,ruah leh thli a hân ta maw tih ah chuan,PATHIAN hnena lãwmthu sawi chung zelin in ah him takin a haw thleng thei ta hlauh mai a ni. Awle,unau duhtak, hlauhna in a rawn man che a nih pawn hei hi hria ang che. Englaipawh a pângngâi reng chu CHHANDAMTU ISUA a ni a,i himna tur a nih hria in,chutiang hmun leh hun ah ngei chuan i lo hrechhuak ve fo țhin ang a,i auh chuan a chhâng ang che. Khawi hmunah pawh harsatna i lo tâwk palh thei,hlimna leh lâwmna pawh i lo chang thei.i hriatchhuah hmasak ber tur chu i LAL ngei hi a ni si a.AMAN a lo țanpui ang che.i dilna leh lawmthu sawina leh AMAH i lo hriatchhuahna ngei kha rimtui ah a lo pawmsak fo dawn che a ni.AMAH ringzo tak a AMAH a i innghah ngheh tlat phawt chuan. Mi au la,ka chhâng ang che,thil ropui leh inthup,i hriat ngailoh chu ka entir ang che. Tih a lo hrilh diam tawh che a ni.i engkimah LALISUA hre hmasa ber la,rinchhan tlat la,i tisual ngailovang.

VAN LAWMNA KIM

LAWMNA TAK MAI THINLUNGA KA NEIH HI ISUA MIN PÊK A NI. vawikhat chu ka chawlhni zân inkhawm kha ro tak leh lâwm manglo khan ka inkhawm ve râwih pek a,ka rilru a hlim em em teh vaklo a ni. Chutia biakin a rilru hlim mang hleilova ka han inkhawm chu biakin kalkawngah hian an fakhla sak ri kha ka rilru min khawih ve tlat pek a,a hma a ka lo hriat țhin hla mah nisela,ka rilru ah a lo thar nawn leh ta thut mai a ni. Chu hla chu lawmna tak mai thinlunga ka neih hi ISUA min pêk a ni,lei lâwmna aia lâwmna ropui,van lawmna in ka khat țhin tih hi. Hnathawh hah,taksa la silțhûm a la reh silo,dik tak chuan chawlhni hun chu chawlh ve ka duh ru lutuk a,mahsela, inkhawm ka duhru ve thut mai pek a nih chu mawle.chuan kalkawnga ka kallai mêk chuan chu hla an sak,ka lo hriat fo tawh țhin ngei mai chu ka rilru khawih thar tu ah a lo țang ta. Hlim em em in biakin lam ka pan theih phah ta a ni.chuan,ka han lût chiah a,ka țhutna tur te thlang fel ta in,țhut hmun ka han rem fel ta a,chuan,lawmthu ka sawi ta mial mial mai a ni. Chuan țan hla an han sa chiah a,hlim em em in ka zai ve thei ta a,a țhen lamtualah an han lâm a,hlim takin kan inkhawm za ni ber hian ka hre ve tlat pek a,ISUAN a vantirhkoh te nen min lo telpuiin,hlim em em hian kan inkhawmna biakin chu a rawn fangkual ta ni ber hian ka hmu ta tlat pek a nih chu.a ropui ka ti kher mai. Awle,ka han sawilan duh leh ka thu hmâwr bâwkna atan chuan hei hi hnutchhiah tel loh theihloh ni ber a ka han hriat chu a ni. Lei ah hian lawm a kim theilo,lei hlimna leh lawmna chuan chatuan a daihlova,a reiah lungngaihna thuah tam tak a rawn keng tel zawk a ni Van lawmna erawh a tirin eng nilo niin i lo hre mai thei,a rei tulh tulh a,a nuam tulh tulh thung țhin a ni. Chu i thinlung lâwmna erawh chu, nangmah a LALPA hnathawh i chan a ni a,chumi ni thei tur chuan i rilru chu hlimna leh lãwmna a chhûnkhah ngai i lo ni ta a ni.nangmah in hlim tum in țan la chiam chiam mahla,i theilo chhiava a ni. PATHIAN THU awih tur pawn he thinlung thianghlimna leh damna lo chuan a theihloh,chu pawh nangma thawh rah a nilo,LALPAN nangmah a hna a lo thawhsak hmasak che i hriatloh lai a khawi ațang nge!? Engtiklai a awm nge i hriatloh kha a ni.chumi rahchhuah chu nangmah a LALPAN hmun a lochan theihna leh LALPAN lâwmna a lo neih theihna ah a lût a,nangmah ngei khan a nawmna i chên dawn hlei hlei a ni. Hmanhmawh suh, LALPA hnathawh nghãk fan fan rawh. Nangman thawh khalh tum mahla,i theilo sa zia bawk a lolang leh thovang. LALPAN nangmah a hna a thawhsak che i rinna ah chuan nuam ti em em in,he lei a i mit a la khap fak fak chhûng ngeiin vanram i temlãwk ta țhin a lo ni e. Nangmah a LALPA hnathawh nghâk lova tih ve i tum țalh chuan ti rawh.i hlawhchham tho tho vang a,i hah thlâwn ang a,i na vek mai ang.a tuar tur chu nangmah tho tho ini e. LALPAN khawpui a vênțhatloh chuan,a vêngtute chu an meng rim thlâwn mai a ni.tiin psalm ziaktu chuan min lo hrilh a ni. I ruala kaldan min zirtir la,i THU nise,ka damchhûng hla an.i lo ti ve fo țhin dawnia aw.

RILRU LAWM HLUTZIA

RILRU LAWM HLUTZIA ÷÷÷÷÷÷÷÷÷÷÷÷÷÷÷÷ A hmasa a ka han sawi duh chu lawmna chungchang hi a ni.hetizâwng hian kan thupui i han keuhthal tawp phawt mai teh ang aw. Midang in i hnena thil a thlâwn a an tihsak che leh i duhzâwng ang a an awm a,i duh zâwng an sawi chuan,i rilru a lo nuam a,i hlim a,an bul a awm nuam i lo tih phah ta a ni.i huatthu an sawi erawh chuan,i haw hlen thei tho bawk. I hringnunah i duh ang thil te a lo thlen hian leh i duh ang a thil a kalfuh fo chuan i hlim em em țhin a ni tiraw? Ti hian han tarlan tum ta ilangin.i nunah hlimni hmel i lo hmuh fo țhin chuan i taksa hah in, thawkrim țhin mahsela,nuam i tih phah thovang. I hringnun zinkawng ah thil lawmawm leh hlimawmin a lo hmual reng che tih hre lãwk ta la,tuna i thahrim leh hahna kha engahmah i ngai teuhlo.a aia uarin i thawk sauh sauh duh ngei ang. I dinhmun remfelna kawng a i hmasâwn theihna turin eng emaw thil hlu tak leh lawmawm takin lo hmuak reng che sela, chulam chauh thlîr chung zel chuan i thawk sauh sauh duh ngei ang a,thawhrimloh mawlh kha i hlau fo tawh mai dawn a ni. PATHIAN chuan chhan awmin thil engkim a rêlfel a, chhan awmin engkim a ruatlâwk a,chhan awmin engkim a thlentir ta țhin a ni. Sual leh chhia pawh telin aw. He ka thu han tarlan tum hi lâwmlo leh thinrim leh lungngai chunga lâwm tum a țan lâk lam a kâwk hauh lova,ka lawm a ni tih satliah mai a nilo.thinlung chhüng a muanna leh lâwmna thurûk i chan tur a lothleng fo țhin a ni ka sawi tum chu. Thlarau Thianghlim hnathawh,PA lak ami leh FAPA ISUA KRISTA hming ngei a lo awm,thli ang a khawi ațanga lokal nge!?khawilam nge a pan zel dawn tih hriat theihlohva i hnena lo thleng leh lo awm ve tawp,LALPA siamsak che lawmna thurûk chu a ni.chan tawh tih a awm thei lova, chan lãwk theih a nilova,chan fo tur leh chan thar zel tur leh chhar thar zel tur atana ruatlâwk leh dah tawhsa diam chu a ni e. Chu chu i rilru lâwmna leh damna, THLARAU THIANGHLIM pêk che,van lawmna kim chu a ni e.a lo awm țan dan i hrelova, engtia lo awm leh i neih thut ngawt nge tih lah sawifiah thiam theih chi a nilo,i nei tawp a,i changfiah lawi si tih chu nangmah a a taka lolangchhuak ta chu a lo ni ta reng mai si a ni. Chu ngei chu engvanga i neih nge tih chuan LALPA hnathawhsak che, chatuana minung ropui in a i tan a ruatlâwk a neih i hriatna avangte,i mamawh riau avangte,i chatuan nun neih na tur atana pawimawh anih i hriat theih nan te,i leinun a LALPA ropuizia i lo hriat a,a hmangaihna leh a khawngaihna huang nangmah a zauh a a awm deuh deuh nan te a lo ni thei reng mai a ni. Chu i lawmna chan, LALPA hnen ațanga i dawn thar fo ngei mai chu engmah in a tihbuai phâkloh,damna kim a ni tel nghal a,sual khawi phâkloh hmun râlmuanga rinna a i lên theih phahna van lawmna kim hlu tak kha a ni.i chandan han sawifiah dawn ta la,i sawifiah phalo.i chang fiah lawi si a ni.chu ngei mai chu harsatna leh tawrhna,chânna ruam ah leh retheih tlâkchhamna hmunah pawh LALPA ropuina lolang zel tur leh a malsawmna i lo dawn zel na tur leh nangmah a LALPAN hmun a lochan theihna tur atan a nih rualin,sual leh a hnathawh lak a hnehna i lo chanpui na tur nun chu a lo ni ta reng mai a ni. Chu LALPA pëk che, van lawmna kim leh hlu tak avang chuan hrehawmna hmuna lawm tak a tawrhna a ni a,retheih,tlâkchhamna hmuna lungawi hliah hliahna a ni a,i chantâwk kha i lungawi pui zo em em mai dawn ta tihna a nih ber chu. Tuar leh chânna ruamah huaisen tak a stephana ten vanlam an lo thlir theihna ngei kha a ni a,hmuhsit sawichhiatna leh tawrhna hmachhawn reng chung leh thih thleng pawh a lutan leh têl so a thlâk leh meipui a paih an lo huamna ngei,LALPA tan a rinawmna thuthlung a an lo awm theihna ngei kha he van lawmna kim hi a ni. Thlemna tawrh hram hram theihna ngei pawh he van lawmna kim tho hi a ni. Sual hnehna anih avangin damlohna khumah pawh lawm tak a tawrhna a ni a, hlim tak leh thlamuang tak a he i khualzinram chhuahsan theihna tur atana pawimawh, thihna jordan i kai theihna tur a ni a, lusunna hmuna thlamuanna chan theihna a ni. He van lawmna kim chang fo tute nun chu a nghet em avangin,an chan fo țhin van lawmna kim avang chuan LALPA tan an rinawm tlat phah a,engmah in a tihbuai phâkloh leh sual khawih phâkloh hmun râlmuanga rinna a lêntir theitu a ni a,hnehna an chan theih fo na ngei chu a ni. Harsat,manganna lothleng țhin mahse, lungngaih,beidawnna a thleng tel silo,thinlung lawmna hi a lothleng zawk si, ka lawm ka hrilthiamlove LALPA ÷÷÷÷÷÷÷÷÷÷÷÷÷÷÷÷ Hrehawmna lothleng hian,lawmna thurûk min siam,tuarna te avangin LAL hmel ka hmufiah țhin, Lawmna ka chhar ta e,Lawmna ka chhar ta e.

FAKNA THILTIHTHEIHZIA

FAKNA THILTIHTHEIHZIA Awle,a hmasa in fakna chungchang tlêm han sawi hmasa ilangin. Thil kan fak reng reng hi a țhen chu a țhatloh vanga fak chawp ngai a awm laiin,a țha sa fak avanga hlu lehzual a awm tho bawk. Kan tunlai fakna ah hian pawisa invest a turu dan chu kan hai hauh lovang.hemi avanga kan thil va fak sak tur neitute khan nasa tak a sum an sênral zia kan hre vek awm e.chumi a mipui hma a an thil te media lam a kan han pholansak khan a țhatzia kan lo hria a, chumi avanga media a kan lo hmuh,thiam tak mai a an thilneih kan han fakna rah chu i lo lei duhna tur a an dawr i va pan țãng țâng na chu a ni. Chuan,an thilneih i lo faksakna leh media lam a an sum senral zawng zawng chu an thil hralhchhuah hnem azirin an in cover leh vek thei a, chumai a nilo,chu an invest na,second reilote an lanna a an sum sênral zãt aia tam mah chu an thil fak rahchhuah an hralhchhuah ah chuan a lo innghat ta a ni.chutah an hralh hlâwk phei chuan company thil ngat phei chu,a company ațangin sum fai an dawng fo tho bawk a ni.Awle,helamchu duhtâwk leh phawt ang. mahni mihringpuite an nihna ah i va fak arêk nilo,i fak tak tak hian anmahni ah chona leh phûrna te, hlimna leh lâwmna te,hmasâwn zel thei turin i va fuih thei a ni tih hria in,mi fakder nilo,fak tak tak hreh suh ang che. Thilchhia fak vak hi a țhat chuan siloh chuan awmzia a neilo ang tho hian, midang an nihna nilo thleng thleng a va fakder chiam chiam hi a lo dawngsawngtu mifing vâr tan chuan a lawmawm hran loh va,a ngeiawm emaw duh viau zawk a ni. Midang hmaichhan a fak chîng,an hnunglam a sawichhe zui leh ta i lo nih ngat pheichuan,mi hlauhawm leh tenawmber i lo ni dawn tihna a ni a,an hriatchhuah hun hun che kha i mualpho hun a nimai.fîmkhur a țha.thil chu a nihna ang a sawi tawp mai hi a țha zawk fo in,a lo tlo hlei hlei nia. Awle,helam han hrût kual thui viau ka tum hran lova,kan thu tum chu fakna thiltithei hi a ni. Chulam hawi chuan kan thupui i han keuh thal țan dawn teh ang. Paula leh sila kha an lungin tânna ah an zai a,chu chuan lungin bang leh kawngkhâr nen lam a tichhia a nih kha. Chutah,tânin vêngtu a la pianthar phah zui. Helaia thil awm leh pawimawh ta em em chu PATHIAN kan fakna atana țûl awm a awm a,chu chu AMAH PATHIAN vêkin a rilru thianghlim leh rilru hlimna min pêk hmasak kan chan hmasak phawt a lo ngai hmasa a ni. Keimahni hian hlim thei ziazãng kan lo ni silo.khawvel in hlimna min han pe ve bawk tak na in,a reilo em em lawi si a,a tãwpah lungngaihna thuah tam tak ah a chhuntlang leh lawi bawk si a ni. LALPA ah chauh hlimna tluantling a awm tih chu,a hnena awm reng fo ten a takin an chang fo mai nia.i awihloh chuan ti ve chhin la,i zawng chhang ve dawnia. Chu kan rilru damna leh hlimna,PA PATHIAN THLARAU THIANGHLIM ațanga kan hmuh hmang ngei a theihtâwp a LALPA i fak hian, tider nilo aw.i vel ami, a lo hmutu te rilru a khawih ta a,LALPA an lo chawimawi mai a nilo,nang pawh i lo langmawiin,i hmel an lo hmu êng phêt phêt dawn ta a nih chu.he2.chuan,chawimawi nopui i lo hlawh tel ve dawn zunia.i PATHIAN fakna ri chhuak, chhûngril ațanga hlimna,LALPA pêk ngei che hmanga i fakna ri lo chhuak avang chuan van PATHIAN chawimawi a awm in,nangpawh i lo ropui tel ve ang a,i hmel a lo mawi phah ang a,mite hmuh ah i langmawi ang.chuan, nangmah avang bawkin midangten LALPA ah hlimna leh damna an lo chan theih phah bawk dawn a ni.chu ngei chu engtiklaipawh a LALPA pêk duh che leh engtiklai pawh a i lo chan tur leh i chan fo tur leh i la chan zel tur leh i chan theih nghal bawk chu a lo ni ta a ni. LALPAN i hnena hlimna leh lãwmna a pêk che leh rilru damna ațanga LALPA in fak ho chuan, nuam i lo ti ang a, petera ang mai khan bâwktê khawh ve hial duhna,chu LALPA in fakna hmun ah ngei chuan chãmhlen mai i lo duh ve rum rum dawn a ni. Chu nun chu tuna i neih theih reng leh LALPAN pêk a duh che chu a ni e