THUPUAN A LEITHAR LEH VANTHAR

THUPUAN A LEITHAR LEH VANTHAR CHUNGCHANG ÷÷÷÷÷☆☆☆÷÷÷÷÷

Awle,thupuan bung 20-22 chungchâng thu hi mi tam tak in a an lâksual leh rin dikloh tur chu a ni. Leithar leh vanthar, kum sâng rorel,setana hneh a ni,jerusalem thar,KRISTA lokal lehna te an ni. Heng hian a khawilai ah mah hian khawvel ah LALRAM THAR din a nih tur thu leh kumsâng rorel awm turin a ziaklo hrim hrim tih hi hriat tur a ni.a awm dawnlo ti ila kan sawi dik zawk mah ang.he leiah hian LALISUAN a ram thar tur,amite tan a a buatsaih hi a din dawn lova,a sawnthla dawn lova,lei hi a dinthar dawn bawklo tih chu a mantute hnena a sawi khan a tichiang hle a ni.he khawvel hi ka ram a nilo,ka ram nisela ka țhuihhruaiten an bei ang a,an hneh/la tawh ang a ti a ni. Khawvel lal a sawina ah pawh setana a ni. AMAN khawvel LAL ka ni a ti ngailo reng reng a ni.AMA siam mah nisela,ka ta a nilo a ti a ni.a awmzia chu he khawvel hi sual setana ram a ni a tihna a ni.lei a an paihthlâk kha kan hre țheuh ang. Heng mid,pre leh post tribulation inhnialna hi dik a awmlo vek thei ngei ang. LALISUA hi he khawvelah amite lam turin a lokal leh ngei dawn a,chu chu chatuan atana vawikhat dang amite lam tur a lokal tur anih thu hi a ni. Isuan chanchințha bu ah vawikhat pawh he lei a kumsâng rorel a awm tur thu a sawi lova,heng thupuan bu pawn a sawilang chuanglo a ni. 21 thupuan kan en chuan lei thar leh van thar chungchang a a landan chuan,van ațanga min tlan tur a ISUA lokal thu i zuk hmu thei ang a,chuan,he kan ringtu nun a Thlarau hruaina kan chan thu leh chumi nun neitute chuan vanram an chan tur thu a inziak a ni. Heng thupuan bu ami hi chanchințha bu leh châng dang ho ah țawngkam tluang pângngaiin a inziak tho tih hi hrethiam ve ang che. A awmzia chu,he khawvel a LALRAM THAR din a awm tur ang a beiseitute hian an rin hi a diklohzia an la hria ang. Hei hi THUTAK nunkawng dik zawk a ni.he khawvela thilsiam zawng zawngte PATHIAN fate lolan beisei a rûm mêk tih awmzia hi nang leh kei chhandam a kan awm tur sawina vek a ni a,he khawvel a LALPA fatak inih na tur sawina mai a ni e. He khawvelah hian PATHIAN ram a thlen theihna chu nang leh kei ah a ni a,he i chénna khawvelah hian nilovin. A tâwp ber ah ringtute chan tur ropui tak chu he thupuan bu hian a lo sawilang a,chu chu nang leh kei min hruai tur leh antichrist hneh turin LALPA a lokal dawn a,setana leh a hote leh LALISUA duhlotute chatuan atana nghaisa tawh turin HNEHTU ROPUI chu ropui takin a lokal leh ang tih hi a ni.chu chu vawikhat dang anih hmel.ISUAN vawi 2, vawi 3 ka lokal nawn dawn a tilo tih hria la, tin,ka PA(JEHOVAH) chauh in ka lokal hun tur a hria a ti a ni. Aw ringtu dik tak, zirtirna hrang hrang chiang silo len bo in awm lul suh ang che. An thusawi pawh an ring chiang ngam chuanglo tih hria la, heng pre,mid leh post tribulation( mithianghlim lâwr) chungchanga ngaihdan hrang hrang chiang silo vawrh chiam chiam tute thusawi hian awmzia a nei hran lemlo tih leh PATHIAN THU an tibo tih hria ang che. UNAU DUHTAK,LALPA NI LOTHLENG TUR AH I TUN HUN HMAN MEK EN CHUNGIN I INPEIH TAWH EM LE?

KAN PATHIAN THU LAKDAN DINHMUN

KAN ZORAM PATHIAN THU KALPUI DAN DIKLO CHU ÷÷÷÷÷÷÷÷÷÷÷÷ PATHIAN chu REMRUATTUA anih i pawm a,sual tello leh chhia zawng zawng tello in.a diklo a ni. PATHIAN chu engkim SIAMTU anih i pawm a,sual tellovin.i diklo hulhual tih hre rawh. PATHIAN chu engkim chunga THUNEITU,sual tello in.a dikna a awmlo tlat. PATHIAN chu engkim hria.sual tello in.a diklo. PATHIAN chu engkim NEITU,sual tellovin.a diklo. PATHIAN chu engkim chhunga awm,sual leh chhia zawng zawng tellovin.a diklo. PATHIAN chu engkim kaltlang tawh.sual leh chhia tellovin.ka awihlo. PATHIAN chu AWMA a ni.sual leh chhia zawng zawng tiamloh in.i daw hle zawk a ni. PATHIAN siamloh engmah a awmlo,sual tello zel in. A remruatloh a thleng reng reng a awmlo.a țha ah chauh.bible kalhtu lianber ini e. A bul leh a tâwp,sual leh chhia zawng zawng tiamloh in. Chutiangin bible in a sawilo a ni. Heng nature zawng zawng hi PATHIAN ațanga chhuaklo engmah a awmlo tih hi bible zirtir dan dik tak a ni zawk e. Heng artificial ho ang chi siamtu chu mihring a ni ngei a,chu mihring ber SIAMTU chu PATHIAN a ni. Engkim bul leh tâwp ngei a lo ni tih hi bible ah i chhiar a,i pawm hle e.mahsela, sual leh chhia tello hian engkim a engkim hi PATHIAN a ni theilo. In ngaihdan chuan sual hi PATHIAN ațanga chhuak nilo, AMAH a lo awm ve tawp anih chuan chu ngei chu AWMA,PATHIAN aia biak ngei tur a ni. PATHIAN hriatloh sual chu be rawh.i PATHIAN a ni si a. PATHIAN ațanga chhuak nilo sual chu i PATHIAN ngei a ni e.be rawh.i diklo hulhual a ni.tih hi ka hrilh nawn fo duh che a,i chhût chianglo a ni. I ngaihdan te bung leh chang chuan PATHIAN hi famkimna neilo PATHIAN.hriatloh nei.siamloh leh siam hmaih neiin i chhuah a ni tih hria la,PATHIAN aia MAKA chu SUAL HI A NI I TI TIH HRE TAWP BAWK RAWH Engkim hian huapchin a nei ngai anih chuan i hre mak ber mai awm e. Engkim chu thil zawng zawng tihna a ni a,awmlote nen lam a thlang a SIAMTU a ni zawk a ni. I rindan hi kalsualna thurin dik tak a ni zawk e. Engkimah sual leh chhia a tello i tih chuan i la hre mak ber mai awm e. Engkimah kimlolai a awm tlat a nih ngai chuan engkim a ni thei tawhlo a ni e.

LALPAN A HMANGAIH CHE

LALPAN A HMANGAIH CHE ÷÷÷÷÷☆☆☆÷÷÷÷÷ thlamuang takin awm rawh u,keiin khawvel ka ngam ta. John,16:33 LALPA chu min vengtu a ni a,ka tlachham lovang. Psalm,23 Thawkrim leh phurritte tan chawlhna KRISTA matthew,11:28 Hrehawmna a chhel hlutzia Romans,5:3,4 LALPAN kan aw a ngaithla ang Psalm,55:17 LALPA min țanpuitu Isaiah,49:8 ISUA chu i nun entu leh i thimna lakiangtu a ni John,8:12 LALPAN min ngaihsak 1Peter,5:7 Kan natna tidamtu LALISUA Psalm,103:3 Harsatna i tawh in ISUA lam chauh en ang che Hebrew,12:2 Thununna tuarte tana nihlawhna Hebrew,12:11 LALPA ring a,beiseitute an mualpho ngailo Romans,10:11 Thlamuantu kan hnenah a awm John,14:16 Khawvel LALISUA avanga kan dam nan PA in a tir a, LALPA chunga lâwm chu kan thinlung duhzâwng pêk tur kan nih te, Matthew,5:3-12 Thu te kan hmu a, PATHIAN hian i nat leh i beidawn leh lungngaih,mangan, retheih,tlãkchham a phallo a ni.hei hi diabola hnen ațanga lo awm a ni si a, heng hi hnehsak tur che in LALPA a lokal a ni. Chung ang a hrehawmna hmuna i awm chuan,LALPA au la,a chhãng ngei ang che.LALPA chu min ȚANPUIVARTU hnai reng anih avangin. A hnena kan thlen apiang lâwm takin a chhâng țhin,ka thu(THUPÊK,DÂN) a in awm chuan in duh apiang dil rawh u,in tân tih in a awm zel ang a ti a ni. LALPA a rinna nghat mi chu kan nun khua a lo nuam zel dawn a ni. Engahmah lungngai tur inilo,LALPA i nei a,beisei rawh. Mi au la,ka chhâng ang che,thil ropui leh inthup i hriat ngailoh chu ka entir ang che a ti bawk a ni. Heng zawng zawng ah hian LALPA a beiseina nghattu leh ring tlattu chu LALPAN a kalsan ngailo, Hla chuan,i kiangah enge ka hlauh ang, NANGIN mi ngaihtuah țhin a ti a ni. I tih tur chu sual avanga hliam i tawrh chuan ȚANPUITU LALPA au la,ANIN a lo chhanhim ang che. A muan ang che,a tidam ang che,a tlan ang che,a chhâng ang che,a țanpui ang che. Engahnge LALPA rin har i tih!?LALPA hi hrechiang ni lang chuan,engkim SIAMTU,engkim NEITU a nih hria la, LAL leh PATHIAN a ni.AMAH ring a beiseitute tan ui a neih i ring emni?a pe phal che a ni.amaherawhchu, LALPA duhzâwng ang a nun hman erawh chu i tih tur a ni ve thung a ni. LALPA a awmlo leh a THU a awmloten sual hliam an tuar țhin a ni.LALPA THU awih la,a THU ang a nun hmang thei turin a hnenah i nun kawltir la,a țanpuina dil la,a pui ang che. LALPAN i manganna a hriatpui che, mahsela,i manganna leh harsatna chingfel tur atan chauh a LALPA belh i tum chuan i hlawhchham thung ang.

DANIELA LEH RINGTU NUN

DANIELA LEH RINGTU NUN ÷÷÷÷÷☆☆☆÷÷÷÷÷ A hmasa a ka han sawilan duh chu kan thinlung in thiamloh min chantir loh chuan LALPA ah kan huai ani tih hi. Amen leh Halelui tak chu LALPA THU awih a,a duhdan a nun hman hi a ni. Hnehna chu LALPA ta a ni ti a au tak tak chu taksa ngei a sual kalsanna hi a ni. Inngaihtlâwmna chu LALPA THU ang zel a awm hi a ni. Awle,tihian kan thu tum ah i han lût țan dawn teh ang aw. Baal hma a țhingțhi ngailo ka tan mi 7000 ka la hum/dah a ni ti a LALPAN elija hnena a sawi ang khan nang leh kei hi chung mi chu i lo ni ve tawh ngei em? Ring tak tak a au leh hnehna kawng zawh vak vak leh saiip puan sin te a țha hle a,a entirna vek a ni a,a tak zawk chu KRISTA ta a ni,a awmzia chu,nangmah ah LALPAN hmun a chang em?a THLARAU THIANGHLIM hruai in i awm em?i THU ang zel in ka chungah thleng rawh se,i tingam ve tawh em?i THU nise,i lo ti ve zel tawh em? Daniela te chu lal nebukadnezara milem chibai bûk tur a a ram mi zawng zawng an tih lai khan anni țhian zaho khan milem chibai an bûk duh ve lova,an danglam hle a,anmahni danglamna nilovin, nun danglam an kawl khan kha babulon sal a an tân lai khan nun danglam a pe a ni. LALPA a nuntak an neihna chuan chu milem chibai chu bûklo tur leh LALPA chauh chibai bûk tur a nih zia kha an nunah nghet takin a tarlan sak a,an taksa in an zawm ta a ni.aw nebukadnezar,i milem te hi chibai kan bûk lovang,rawh tuina meiah pawh LALPAN min chhanchhuak dawnlo mahsela,i milem chibai kan bûk lovang ti ngam khawp in LALPA THU an țan a ni.i thinlung a LALPA i rin a,i ka leh thiltih a i țan bawk chuan chhandam in i awm dawn a ni.thiltih hmang in LALPA THU an awih ta a,chu ngei chu LALPAN a lawm a ni. Chuan meipuiah chuan paih a an awm khan mei rim namlo leh an samzâi khat pawh kânglo khan LALPAN a awmpui a ni.sakeibaknei pûk a an paih pawn a chhanchhuak leh a ni. LALPA THU awihtute nunah hian LALPAN a chakzia leh a thiltihtheihzia a tarlang țhin a,mualpho in a thlahthlam lova,a kalsan ngailo a ni. Ka han sawilan duh chu,he daniela te ang hian LALPA THU zawm la,LALPA chauh țih la,LALPA hming țan in a hunah sual hmelmapa hma ah huaisen ang che, chuta LALPA avanga a hming ropui nan a i thiltih a setana i dodalna chu LALPA tan a rimtui hlanna leh a hma a țha famkim a inlanna a lo ni reng mai.taksa ngei a sual do leh sual hmanrua te tlânsan a,thlemna tawrh hrâm hrâmna ngei kha LALPA duhzawng inthawina chu a ni e. Halral thilhlan aiin THU awihna a țha zawk a ni tih hre fo ang che. Heta mak leh deuh chu daniela khan kha meipui a paih kha a hlaulo a nilova,LALPA chu engkim TITHEITU anih a hriatna nung,amah a nung reng avang zawkin a tihdan țhin, jerusalem lam hawi a a tukverhte hawng a vawi thum a țawngțai kha a titam in a tihtlem phah hauhlo a ni. Ka unau duhtak,nang pawh i nuna sual hnathawh,thlemna lolang țhin kha do zo ta fo la,LALPA chakna rinchhan chung a sual i ngam fona ngei kha LALPA malsawm i dawnna tur leh a lawm i hlawhna tur a lo ni reng mai. LALPAN A THU NANGMAH AH NUNG IN PUANG ZEL RAWH SE.AMEN *******××××××********

SAMUELA LEH RINGTU NUN

SAMUELA LEH RINGTU NUN ×××××☆☆☆××××× 1Samuela,3:10 LALPA THU sawi rawh,i chhiahhlawh in a ngaithla e. He thu hian kan nunah sawi tum leh tarlan duh a nei a ni. hei hi ka FAPA duhtak,ka lawm em em a chu a ni,AMA THU ngai rawh u.ti a PA aw lochhuak khan kan rinna kawng ah hian thu nasa tak a lo sawi reng mai a, Rinna kawng chhukchhoh leh bumboh tak i zawh hi kawng awlsam leh nuam a nilova,a harsa em em a ni.a kawng zawh zel tur a chu i kawng zawh nuam lo leh harsa tak si chu zawhchhuah ngei ngai a nih si avang hian awlsam tak leh hlim tak a zawh chhuak tur a nang leh kei tan a LALPA khawngaihna hlutak kan chan hi a lo pawimawh em em mai a ni. Tam tak chu ringtu ni tur a piantharna kan han chan hian chak tak a tlân duhna kan lo nei thuai țhin. I vung a,i chak duh lutukna lamah LALPA THU i lo ngaihthlâk ngunloh leh LALPA THU sawi i lo bengkhawnlo kha nangmah ah sual beihna lothlengin kawng diklo zawhtirtu che leh inchhuihtir theitu che a lo ni reng mai Ringtu nun chu a tirah an thlâwk a,an tlân a,an lo kal chhet chhet ta a ni an lo ti a,dik hmel riau in a lang ve tlat mai a ni. In kawngte chu chhût ngun rawh u,tiin PATHIAN THU in min lo zirtir tlat mai a,hei hian LALPA THU lo ang a rinna kawng lo zawh mai a awl dawn zia a tilang chiang hle a ni. Rinna kawngdik zawh zel tur chuan LALPA THU ngaihchân a,AMA lam en fo zel a lo ngai a ni tih hi he thu hian a tichiang hle a, ringtu mimaltinte hian LALPA THU aia kan lo ngaih pawimawh chu kan rawngbawlna te,kan hlimna leh lawmna te,a malsawm kan dawn te pawh hi a ni fo mai a,KRISTA hmel en tuten sualna an hlâu lovang,hlimin AMAH chu an fak fovang tiin hla thu chuan min lo hrilh a ni Samuela chuan naupangte ni si in, puithiam elia thu zawm in a sawi ang chuan LALPA THU sawi rawh,i chhiahhlawh in a ngaithla e a ti a,ka unau duhtak nangpawh,LALPA THU sawi hun nghâk in,ngaithla la,nangma hmanhmawh avang in LALPA THU dawn hma in lo che hmasa thawt thawt suh.i buaina ni a lothlen loh nan. LALPA THU i hmuh erawh chuan chêt la vat zel thung ang che.i taksa chu LALPA THU ang a awm turin LALPA ah inkawltir la,a THU ang zel a i chêtchhuah zel phawt chuan i tan a lo țha zel dawn a ni. LALPA THU lova i awm hun apiangin i buai zel bawk ang. LALPAN i hnena THU a sawi kha i ngaihthlâk ngun tur a ni a,chumi ang a i awm zel na ah chuan i lei nunah ngei mai hian nihlawhna i lo chang zel dawn a ni. LALPA THU i ngaihchân a,a thusawi i ngaih pawimawh a,chumi a i awm zelna ngei chu he lei ah pawh van nun temlâwkna a ni a,LALPAN a hmang ang che nga,a thiltih ropui i hmu in i lo chang fo dawn a lo ni e. LALPA THU I LO NGAIHCHÂN VE THEIH NAN LEH A THU HMU NGEI A RAWNG I LO BAWL VE THEIH NAN I NUNAH HE THU TAWITE HMANG HIAN LALPAN NUNGIN HNA THAWK MAWLH RAWH SE.AMEN🙏🌸

NGAIHDAN AIIN LALPA THU

I NGAIHDAN AIIN LALPAN A THU A NGAI PAWIMAWH ZAWK(LAL SAULA NUNAH) +++++☆☆☆+++++ 1Samuela,15:22 In thawihna aiin thu awihna a țha zawk. He thu hian min hrilh tum a nei a,inthawihna aiin thuawihna a țha zawk tih ang ngawr ngawr a sermon thlâk chiam mai kan awm fova,a dikna tak a ni hranlo a ni. Inkhawmte,rawngbawlna te aiin thuawihna a țha zawk ti ang hian ka sawi fo mai a,chutiang lam chu he thu hian min hrilhhriat a tum a ni chiahlo a ni. Mahni ngaihdan a țha kan tih leh ni ve ni a kan lo hriat ve hi LALPA THU kan awihlohna ințanna a lo ni tih he thu hian min hrilhhriat a tum ber a ni. LALPA THU aia kan ngaihdan kan dahlal fo a tam mai. Entirnan: kohhranah hruaitu ni turin piangtharlo i ruat ve ngawt a,an neihnun vang te,an hausakna i ît vang te pawh a ni thei,ruat zel ila,a țha chhuak ve mai ang a, ti rilru chung leh piantharna a lochan ve mial tâkin i lo ti ve a,a țha chhuak ta em?a eiruk a bansan phah em?mi hmuh a mawi chauh a zawng reng mai ang a,LALPA lam a ngaihsak phah chuang lovang.chu tak chu i ngaihdan a LALPA tan țhahnem i lo ngaih ve chu a ni. Bible chuan,mitdel in mitdel a hruai chuan khuarkhurûmah an tladun țhin a ti a, kohhran hruaitu ni tur chuan THLARAU a khat mi ngei a ni tur a ni tih chu bible ah i hmu reng a ni.timothe a lehkhathawn aw. Chuan chu i țhahnem lo ngaih ve chu LALPA ngaih in tenawm a lo chang ta a,AMAN a la paihthla ngei dawn che a ni. Tiang deuh chu he thu kalphung hi a ni zawk a ni.i hrethiam em? LALPA THU lo a mahni țhahnem ngaihna a kal vak theih a lo ni dawn hle mai tih he thu hian min kawhhmuh a, LALPA THU zawmlohna bul ani tih a tarlang a ni. LALPA chuan a THU chauh a dahlal a,a ngai pawimawh a ni. Avang chu,nangma thu kha țha pakhatmah a awmloh vang a ni ber.PATHIAN a ni a, engkim hretu,sual leh chhia pawh tiam in.a ni a,engkim titheitu, sual leh chhia zawng zawng pawh telin.a ni bawk.chutianga PATHIAN famkim a nih avang tak chuan kan tân a țha tur chu keini aiin a hre zawk tih hi a ni. AMAH chu ring la(âwl nilovin,innghat zawk aw)AMAN a ti vek ang. Believe hi châwl a ni a,âwl satliah a ni ngawtlo a ni.ring bur, ring zo,thiltihpui tlâk atâna i rin em em tihna lam a ni e.

LALPAN KAN DUHNA A HRIA

LALPAN KAN DUHNA A HRIA A NI. <><>☆☆☆<><> Ka THU a in awm chuan in duh apiang dil rawh u,in tân tih in a awm zel ang tiin kan PATHIAN THU chuan min hrilh a ni. LALPAN a THU a ngai pawimawh hle kan tih rual hian AMAH ringtute thu pawh a zawm ve țhin a ni. Abrahaman sodom leh gomora tan a LALPA vantirhkoh, hremna kenga lokalte hnena a ngen lai khan ringtu 50 tal awm sela,i hrem ang em a tih khan hrem lovang a ti zel a,an indawn hniam zel thei a nih kha.mak i ti em?PATHIAN hi a hmangaih,a duhzawng ang a nungte tan hian a inphah hniam thei hle a ni. A duhzawng i zawm kherloh pawh a i dilloh a pêk fo țhin che hi han dâwn ve teh le.a THU awihtu tan phei chuan a va phal lehzual dawn em...!!! PA a nih ang in a THU awih leh awihlo pawh a khawngaihna huangah kan tel țheuh a,a FAPA tlanna ropui zar a THLARAU THIANGHLIM hruai a awmte tan chuan leh a lam hawi fo țhin te tan enge a ui i rin le? Kan dilloh mah min pe fo anih si chuan kan dil chu min pe ngei ang tih min tiam a ni. Bible ah hian THUPÊK,THUTHLUNG,THUTIAM a awm a, THUTHLUNG a awm chuan THUPÊK an awih a,an pawm a,an zâwm țhin.chumi THUPÊK ang a awm te nunah chuan THUTIAM a lothleng a,an chang fo mai a ni. Tehkhinna pakhat atan aw.i hmangaih kha i duh ang in nung fo ta se,nangma lam chauh hawi ta se,i hmangaih tak tak a,ani pawn a hmangaih takzet si che chuan,in duhzâwng in intihsak tawn lovang emni?a pakhat duhzâwng chauh tihpuitlin a a awm chuan induhsakna leh inhmangaihtawnna a ni ngai lova,a khingbai a ni. LALPA duhzâwng chauh i zawm reng bik hian hlutna a nei lemlo tih hria la, PATHIAN anih vang ngawt a a THU zâwm inih chuan i hmangaih nilovin,i hlauhtlawn lek fang a lo ni ang.i hmangaihna i tihlan dawn chuan a hmangaih in a duhsak che tih leh i tan engkim a huam tih i hre tel hmasa phawt tur a ni. PATHIAN anih vang mai a lâwm chunga chibai bûk tur kan ni hran lova,a thiltih kan chan leh dawn fo avang zâwk a a hnen a nung a,lâwm a,a lam hawi zel fo tur kan lo ni zawk a ni. Inhmangaihte chuan an duh an intihpuitlinsak țhin a ni.chu ngei chu inhmangaihte inkâr a induhsaktawnna lolang leh an innêl leh hmangaih zual deuh deuh na tur a lo ni zawk si a ni. Ringtu inih avanga rethei reng tur i nilova,hrehawm tuar reng tur inilo. Kan PATHIAN THU chuan,ka duh em em mai chu,he mi nung ram(he lei ah ngei hian)LALPA țhatna hmuh inring suh ilang chuan a ti a ni.nakinah vanramah a ti lova,he lei ah pawh hian LALPA țhatna temlâwk tur kan nih min hrilh a nii. Ka unau duhtak,nakin a vanram nawmna chan tum hi a hlut i ring em?he lei a i taksa a la nun lai ngei a LALPA țhatna leh van nun i temlâwk kha LALPAN a duh em em zawk chu a ni.i lo chang ve duh em?chu van nun leh LALPA țhatna leh hausakna chu he khawvel i khualzinkawngah ngei hian i lo chang ngei ngei tur a ni. GOD BLESS YOU ALWAYS.AMEN

LALPA THULO ANG A NUN HI TLUKNA BUL A NI

LALPA THU ANG A NUNLOH LEH A THLARAU THIANGHLIM HRUAI A AWMLOH HI KOHHRAN MIMALTIN TLÂKCHHIATNA BUL A NI. ¤¤¤☆☆☆¤¤¤ Tihian han sawi țan dawn teh ang, zoram kohhran pâwltinte hi kan muthlu țhup in, kan ro vawng vawng fo mai hi engvangnge ni ang le?mikhual kan han ruai a,reilote hlimna kan nei a, mikhual awmlai chuan inkhawm nuam kan han tithar vel thut a,mikhual haw rual rual a data company ah kan inchan leh mai ţhin hi chuh,kan rinna kalkawng hi kan zawhlo nge ni ah,kan zawh peihlo zawk ni ta ang le?mikhual tihhlim theih rau em i chan țhin le?nge ni ah,kan hruaituten thunung min pe thei lova,a ţhing an herlum mai mai nge, khawilai lai ami emaw an thusawi tur an fawm khâwm chawp vel mai mai a, kârkhat an inbuatsaih chu PATHIAN hnen ațanga an dawnthar ang in huaisenna diklo in an lo dinpui mai țhin zawk le?nge ni ah,kan tihdikloh vang?entirnan: sum kan ngaina ta emni? Thlarau a khatlo hruaitu,buhlem kan tam nge?mipui lamah mawhphurhna kan neih kan hlen tâwkloh vang ni thei ang le?nge ni ah,khawvel ropuina lamah kan intlânsiak zawk le?nge ni ah,tihdan khünkhân leh mawihawih deuh kan zawng nasa a,LALPA THLARAU kan lo timit lek lek zawk le?heng hi THLARAU THIANGHLIM dona a ni si a.hetikhawpa inkhawm reng si hian ro deuh tur hi chu kan nilo in i ring em? Inkhawm tam lam a nilova,inkhawm țhin te nunah LALPAN hmun a chan angai a ni. Tiringawt chuan nakinah kan inkhawmna in ngei hi kan la zawrh ve mai a la ngai ngei dawn tih hi a langtlang sa tawh reng in i lo hre ve țhin em? Thalai tam tak,kawtlai a vei vei ho te,mipat hmeichhiatna a tlân țhin leh a rûk a sualkawng zawhru chunga inkhawmna in a kal tho țhin tam tak te leh ruihhlo a tlân te hian nazaret ISUA kal thâwm hi an hre thei tawh hauhlo a ang hle a ni. Engpawh nisela,kan diklohvang chu ni tehmeuh mahsela,he khawvel hun hmawr tawhzia tarlanna vek a lo ni thei ngei ang. Hun hnuhnung mi i ni takmeuh a,kan sawi duh chu,computer age ah i ding reng tawh a,khâwl(machine) thiltihtheihna nasa tak kârah i lêng mêk bawk. Chuan,he khawvel hi a chhe tawh hle a, sual tihpun in a awm zel a ni.minu in minu ka ni an ti tawhlova, mipa dang lakah uire an hreh tawh lemlo. Mipa in mipa ka ni an ti tawh lova,hmeichhe dang kawp an hreh tawh hauhlo. Sâwn pai lah kan zak tawh lova,khawimaw lai a sex hman in min rawn phâwk a khawtlâng tlâwmngai duty ten.a thinrim zawk ah kan la țang duh zel ta bawk. Inkhawm leh PATHIAN biak aiin mahni nuam tihzâwng kan ngaihtuah tam tawh zawk. Tumah zahpahna a awm tawhlo.aia upa zahna a bo tawh hle bawk. A lang a pau in ui leh ar ang mai in kawtlaiah sex kan hmang lo chauh a ni ta ber a,ruihtheih thil chu nêptê,inthah, inrûkbo,insual chawt te,midang ngaihtuahlo lêk a, midang tân a harsatna nimahsela, kan nawmsakna tur anih phawt chuan pawi tihlohna in kan khat. Mirethei an rethei tulh tulh a,mi hausa an hausa thûr thûr mai a ni. PATHIAN THU chu kâwrah kan hmang vêl mai mai tawh bawk. PATHIAN THU han sawi pawn mahni nun inbihchian nan a hman tum lovin midang kan mawh hlauh thung a,mahni lam kan inenkân hlauh thung. PATHIAN THU chu lanmawi nan chauh a ni tawh a,a takram a tlân țhin te endawng mêk kan ni ta. Rawngbawltu tam tak te sum leh pai a lei theih mai tâwk lah kan bo ta lo a ang hle a ni. Sual a zalên a,PATHIAN THU in hmun a chang tak tak tawh lemlo.PATHIAN THU chu ninawm a chang lek lek ta. Indo thuthang kan hre châmchi reng bawk a,hmun hrang hrangah chhiatna a thleng châmchi reng bawk.lir pawh a nghîng a nghîng ta. Țam leh mitthi nen. Khawvel ropuina ah kan intlânsiak ruih ruih mai. Sakhaw intluktlânna te pawh. Economics a tlachhe sâwt hle a,thilman a to a,pawisa in hlutna a nei tawh lemlo. Thil siamthar,motor, electronics,machine, house material,fashion design thar a chhuak châmchi reng bawk. Khawvel ropuina leh sânna,hmingthanna leh thiamna lamah kan intlânsiak suau suau ta bawk. Heng zawng zawng hi tâwpna hmahruai, nau vei țantirh,daniela hapta ah kan ding țan ta mêk a tihloh theihloh ta a ni. Hun hnuhnunga lothleng tur,kristian te tan a hlauhawm em em mai chu sakawlh(anti christ) leh zawlnei der leh kohhran lem(nawhchi zuar kohhran,sakawlh duhdan ang a awm kohhran uire) hi a lo la chhuak ngei dawn bawk tih chu thupuan in chiang takin a lo sawilang kulh bawk a ni. Kohhran kalphung en pawn kan dazât hlawm ta hle bawk in a lang a ni. Heng zawng zawng ah hian kohhran kalphung tihdikloh aimah in nang leh kei,mimaltinah hian inenchiang ta ilangin, tâwpna,ni hnuhnung amite kan lo ni a,a țha zâwng a thlen dik tirtu nge inih ang a, a chhe zâwnga PATHIAN THU thlen dik tirtu tih hi a ni. A țha zâwng a thleng tur chu,inlârna an hmu ang,pitar,putar ten mumangah an mang ang.țhalaiten LALPA THU an puang châmchi ang. Ka unau duhtak, LALPA NI LOTHLENG TUR HI A HLA VAK IN I LA RING CHEU EM?I PATHIAN TÂWK TURIN INPEIH RAWH.CHÎÂI NA TUR A NILO.TITAWP KHAN LALPA HMUAK TURIN I INPEIH TAKMEUH EM TIH HI KA HRILHNAWN FO DUH CHE CHU A NI. ENG HUNAH NGE KAN LALPA HI A LOKAL DAWN KAN HRIATLOH AVANG HIAN MUANNA DIKLO A MUAN CHU I LA TISUAL NGEI DAWN A NI. INRING RENG IN AWM RAWH U.MIN TI A NI. IN TLÛKLOH NAN BÂNG LOVIN ȚAWNGȚAI RAWH.MIN TI BAWK. I INPEIH TAWH EM?

DAN LEH KHAWNGAIHNA

DAN LEH KHAWNGAIHNA ××××☆☆☆×××× Dan leh khawngaihna chungchâng tlem han sawi leh hlek ka duh a,dan ânchhia leh khawngaihna thuthlung hi hlu ka ti țhin. Hetizâwng hian kan thu tum chu i han sawi mawp mawp mai teh ang aw. Dan ânchhia chu in thi ngei tur a ni tih a ni a,fa inni ngailove tih te,a châng chu ka lo dahlo mai rih ang e.a ţul leh kan la post zawk a ni ang chu.thi in ni,thiamloh chang in ni.setana fa in ni tih te a ni a,engdang a nilo,thei ei vang pawh a ni chiah chuang lova,kha thei, symbol khan awmzia nei ve bawk mahsela, PATHIAN THU awihlohna zawk kha tlûkna chu a ni.in ei tur a nilo tih thu an awihlohna tak kha thei(symbol)ei tirtu chu a ni a,hetah hian mihring kha ama thu a ti satliah niselang chuan ama thu vêkin thiam a chang leh tur hi a ni.chuti nisela, ISUA a lokal a ngailo, rûl thlah ti a puan ngai kan ni hauh lovang.avang chu keimahni tihsual leh tihțhat a ni dawn tlat a ni.i thu vêk in thiam in i awm ang a,i thu vêk in thiamloh i chang ang tih thu hi châng thlanah kan nei fova,mihring chu ama duhthu ngei a sual a inbarhlût ang a sawi piap piap kan lo chîn phah na a ni. Chutia mahni duhthu a tlu na na na chu chhandam leh ngai a ni theilo,ama duhthu vêk a inchhandam thei a ni ngei tur a ni. Mahsela,mahni a in chhandam theilo anih si chuan bum leh bualât in a awm ngei a,LALPA pâwl thei nun kha lâksak a ni ngei tih he FAPA ISUA KRISTA chhandamna ropui hian a târlang chiang hle a ni.kan duh vang a tlu kan nilo,tih tirtu thu keimahni a a awm ngheh tawh vang zâwk a ni tih hi. I thu vêk in thiam in i awm ang a,i thu vêk in thiamloh changin i awm ang tih hi ringtu nun daih a ni a,ringtu nih hma chuan thiltheih a nihloh zia AMAH LALISUA ngei khan ka PA van amiin a hîploh chu(THLARAU THIANGHLIM changlo chu)tumah ka hnenah an lokal ngailo a ti kher ta a ni.tâwk phawt se aw.a thui lutuk loh nan. A dawt leh ah chuan he mihring felna dan leh țhatna dan hi PATHIAN in a do bawrh bawrh lam a nilova,sual fa kan nihna leh setana hrin nihna kan neih kan chhung ami zawk avanga do ngai kan lo ni zawk a ni.tihian han tehkhin dawn teh ang aw.i inah mi fa i kawl a,sâwn,a nu rawn chhawm.nuthlâwi fa nei i lo nei ta a,amah kha i haw bawrh bawrh ta nilovin,i fa a nihlohna zawk kha i zuk hriatreng chu a ni.i fa tak nen chuan i hmangaihna a dang zak ngei ang.chutiang deuh chu a ni e. he keimahni felna dan leh țhat ve na hi LALPAN a haw ta ngawih ngawih lam a nilova,nangmah a awm sual chi kha a hmu in a ten em em a ni.chumi avang chuan PATHIAN hma ah i tlingzo talo a ni.i fel leh țhatna aia pawimawh leh thlanawm zawk chu PATHIAN a nun neih leh PATHIAN THU ang a awm mai zel chu a lo ni dawn ta a ni.i hrethiam em?a thu a sei lutuk hi ka hlau țhin vang hian duh ang thâl a sei hian ka ti duhlo țhin a ni e. Chhandamna thu tlêm aw.ISUAN min chhandam hnu ah chuan duhthlanna thiang tak nei kan ni tawh tih leh chumi chhandamna KRISTA nun kawltu chu zalenna,a hma a kan neih ang kha pêk leh in kan lo awm ta a,kan nunna erawh thuhrûk sak ngai kan ni thung ta a ni.kan tihbo leh tawhloh nan.keimahni a kawl chi ziazâng kan nihloh avangin. Tâwk mai se,i hrethiam chuan ka ring pha tho mai

KAN TUNLAI RINGTU NUN

KAN TUNLAI DINHMUN THLIRTU <><><>+++<><><> Kan tunlai dinhmun han thlir chuan chaw a țamna nilo,THUTAK,PATHIAN THU a țamna in kan khat ta emaw tih tur hian kan mimal nun hi a ro ta emni tihtheih tur hian kan inkhawm te hi kan ning lek lek ta emaw tih tur hian kan lo khat ru reng emni ang le? Member hla zâwkte lah kan inkoh êih thei manglo hian a lang ta riau mai,engvangnge ni thei ang tih hi han inzâwt ta țheuh ilangin,a țha ngai an țha reng a,a sual ngai an sual zual deuh deuh ta emni tihtheih tur hian a lang roh a, khawvel kal zel a kan tunlai khawvel dinhmun thlîr chuan rorelna ni kan hnaih zel in,ni hnuhnung amite kan nihzia tarlanna chu a ni kan ti lo thei lovang. Hunkhirh i hmachhawn mêk a ni tih hi i hrethiamlo a ni,avang chu,harsatna leh manganna tihpun mêk a nih hi hmuhtheih in a lang reng a ni.thihna a tam em em a,sualna tihpun zel a ni bawk. Tlawmngai pâwl leh security lam ten theihpalingkawh in bei fo mahsela,a zual zawpui vaihlenhlo tih ang lek fang a ni mauh mai si a ni. Hrehawmna leh mangan,chungpikna a khat te pawn PATHIAN lam belh aichuan mahni intihhlum duhna liantak kan nei chhoh ta mêk zel a,PATHIAN lam hnaih tur pawn a harsa sâwt tawh hle a ni. Chutiang hun,hun danglam leh hunkhirh ah i lo chuangkai mêk tih hi aw nang ringtu i hrethiam ve ngei chuan ka ring a ni. Kan zoram ah pawh thimna a lolian a khawêng a lang dêt dêt chauh a ni ber mai âwm e.a hma ang a awlsam tak a piantharna kan chan mai pawh a har țalh ta. Tunhma chuan kan hre țheuh ang a, PATHIAN lo ring ve tawh ru tih leh harhna chhim te kha a tâwk kan ti em em țhin tih kan lo sawi fo tawh țhin a,chu chu chhandamna kan channa atan a tâwkzo em em țhin tih kan lo sawi fo mai a nih kha. Kan tunlai khawvel hun hmawr leh hunkhirh tak a i din mêkna ah hian THUTAK,PATHIAN THU in i nun ah hmun chang thei tur chuan beih leh hrâtlâk viau angai ta ang hial a lo ni ta reng mai. PATHIAN THU in kan nun a khawih pha ta meuhlo ang hial hian kan nun chu tihsak in a awm tawh ta emni tihtheih tur hian ringtute inpawlkhawmna hmun pawn kan lung a lên pha zo ta meuhlo hian a hriat a ni. Kan nun chu a khawvel ta deuh deuh in,khawvelna in kan nun a luah a,thu țha aiin thuțhalo in kan beng a verh zar zel zawk a,mi inthat te leh inrubo te chu ngaiah kan nei ang hialin kan nun a dek zar tawh hauhlo a ni. Heng zawng zawng han ngaihtuah hian leh kan sawi bâk thil tam tak sualna leh khawlohna punlun chu hretu tam tak an la awm cheu mai awm e. Kan kristian ram ngeiah zu zawrh na hmunpui a lo awm ve ta.heng te hi kan tunlai dinhmun chu a ni mauh mai a ni. Ruihtheih thil dang lah chu ruih tur maksak tak tak lah a chhuak reng mai tih theih hial a lo ni ta. Harsatna leh mangan,chungpikna tâwk ila PATHIAN lam belh aichuan khawvel a hlimna zawngin kan nun rûak tihkhah kan tum țan ta a ang hle bawk a ni. PATHIAN a hlimna tak awm,chatuan daih chu zawn aiin reilote ral leh mai tur,a tâwp lungngaihna leh thih hnihna a min hruailûttu pawh kan pan zâwk zel ta a ang hle mai. Kan thihna tur lamtluang kan pan ta suau suau mai a, chatuan nunna thlang duh chu kan zoram ah ngei pawh hian kan tam ta meuhlo a ang hle tawh a ni. Adang tam tak a la awm cheu âwm e, sawi tur a tam ngei ang.keilo pawn sawi dawn se,an hre țeuh ngei ang. PATHIAN THU tlângau pui tute pawn hunkhirh leh hunarsa ah kan chuangkai a,hun a inthlâk danglam nasat zia hi kan sawi châmchi reng bawk a ni. I rinloh leh hriatloh karin hun danglam tak leh i la tawn ngailoh hun mak leh danglam takah i lo chuangkai reng ta mai tih hi he kan nundan lolang mêk hian sawiloh hian a tarlang reng tho si anih hi. Chhungkua a PATHIAN biakho a har tawh a,nu leh pa țhenkhat lah an fanau rochan te khawilai lai ah tak chuan nge an rawlbo ang le ti a zawng ru rêng rêng in an lo hmanhlel ve mêk bawk. Kan khawtlâng nun lam han thlir ilangin, kan nun a chhe sâwt tawh hle bawk tih leh hmangaihna leh induhsaktawnna a dai zel mai bawk. Zoram pum han thlir leh ta ilangin,kan dinchhuahna PATHIAN THU leh PATHIAN lam thil ten mausâm a tâwklo chauh hi a ni ta ber mai awm e. Hetiang kâr a i din mêk lai hian aw nang ringtu muang a țhu thei i la ni cheu ang em?kan ram,kan hnam a damlo a ni tih leh he khawvel hun hmawr tawh tak,chhe mêk ah i ding a,he kan chênna khawvel hi thlalêr a chang mêk tawh anih hi. Chutih lai mek in a lehlamah chanchințha puangdarhtu pawl ten puanlohna an neih tlêm tawhzia an lo sawi mêk reng bawk a,he khawvel a ram zawng zawng a chanchințha puandarh vek anih leh chanchințha thlenlohna ram a awmloh a,kan khawvel a PATHIAN THU hrilh kim a nih hun hun chu tâwpna a lothlen hun ințanna tur ni a ngaih theih in a awm mek bawk a ni. Hetihlai a ka rilru a lo awm ta chu,he kan zoram bik ah hian PATHIAN THU a kan țam si chuan leh harhna leh THUTAK a nun leh theihna chang tur chuan mimaltin hian kan beih ve tak meuh meuh a hun ta hle mai. Entirnan:chhungkua leh țhenawm khawveng ang te a in lam a rawngbawltu rawih te pawh hi kan tih mâkmawh a lang țan ta ni hian a hriat a ni.kan kohhran pawl tinte tihchak a kan awm leh na tur hian mimal nun țheuh ah țanlãkna tur kan va ngah ve le tih hi a ni. Ringtute tan kan vel a mite,nuntak la nei silote tan a LALPA lam a țanlâk angai tawh takzet a ni.muangmar a chêtlâk a hun ta meuhlo ni hian i lo hre ve tawh mial em? Theih nisela,kan zoram hi a ramthim lo chauh a ni ta ber a, chuvangchuan zoram in LALPA lam a hawi leh na tur a beihpui thlãk tak meuh meuh hi a ngai ta hle a ni. He khawvel chhe tawh tak leh hmãwr tawh tak ah ding mah ilangin,LALPA duhzawng chanchințha chu mitin te tan a ni si a ni.he khawvel hunkhirh tak leh hmawr tawh tak ah hian zoram hi LALPA avanga dingchhuak anih hi ka hrilhnawn leh duh che a ni e. LALPAN AWMPUI CHE IN,VENGHIM TLAT CHE RAWH SE.AMEN

SUAL THIHSAN A KRISTA A NUN

SUAL THIHSAN A KRISTA A NUN ×××☆☆☆××× Rom,hebrew chhoh ah khan a tam mai. Nunthar dan tih te, KRISTA a nun tih te, sual thihsan a KRISTA a nun tih te a ni e.sam ah pawh a awm bawk ang.thufingte ah leh thuhriltu,haggaia,ezekiela ah te pawh kan hmu nual awm e.refer dawn ila,ka refer seng kher lovang.a tam mai.lo en ve mai ru aw. He ka thu han sawi tum hi bihchian ngai hle a ni a,ringtu,fatak nihna chang tawhtu, fatakte nun a ni e. LALISUA rawngbawllai a hmeichhe thi pût leh mitdel kawngsir a lo țhu te hian sawi a hlawh hle fova,a awmzia chu ringtu fatak chungchang tarlanna thu vek atana hman theih ani. Tam tak chuan kan duhna avanga LALPA thlang thei ang a kan sawi laiin,bible thu tum tak zawk chu hei hi a ni.THLARAU THIANGHLIM chhinchhiahna chan leh chumi a duhna nun nei thei tur a rilru tihdanglamna chan hi kan hriathmaih fo mai a ni.chumi rilru a LALPA duhna pek kan nih,THLARAU THIANGHLIM hnathawh avang chauh chuan LALPA thlang thei kan ni. Nangnin mi thlang lo, keiman ka thlang che u LALISUAN a ti a ni. A ringa baptisma chang tih te,ring a hmasa a ni.chu chu THLARAU THIANGHLIM hnathawh kan chan hmasakna vek a ni. Awle,he thu lam hi sawilan ka tumlova, fatak te tan a nunthar kan neih fo na,thlarau thar a rawngbawl fona tur,tihharh, khawihnawnna kan chan fo na tur,tuihna thar pêk kan nih fo na tur,khawihtharna, nitin a nunthar dang kan chan fo na tur, tihharhthar leh zelna kan channa tur a ni ka sawi tum hi. Keimahni a sual min tihnawktu dahțhat te, sual kalsan a thilțha tih te,sim hmingpu tlâk a rah te,LALPA lam hawi zel te a ni a, hei hi fatak te nunah hian bo,chauh,hnungtawlh leh theih a lo ni tih hi kan hriathnu vek a ni. A thlawn a khawngaihna changtu kan nih hnu, tuipuisen ram ațang hian thiltih hmang a LALPA a nun tam nei zel thei tur a thawhchhuah eina ram nun ringtu nun hi kan lo chang a ni.chu chu kanaan ram nun a lo ni a,thawklo chuan ei pawh ei suh se tih te kan hmu a ni. Keimahni ah chu thu chu a lang chiang hle.thawhloh chuan ro vawng vawng a ni a,LALPA THU ang a awmloh chuan tlâkchhiat leh ro kha kan chan a ni.LALPA THU ang a awm zel erawh ringtu nun a nunthar neih zel leh tihharh thar zelna channa a ni. Kan tunlai zoram dinhmun hi PATHIAN THU ah kan țam hle a,kan thawhloh,LALPA THU ang a nun kan hmanloh fo vang te a lo ni thei reng mai. LALPA a tihharh tharna chang zel fo tur chuan aman pêk an lo tih,mihlim țawng hi a tak a PATHIAN THU awih a,a tak a sual thihsan zel leh sual do na tak leh sual huatna nei a LALPA THU ang a nun zelna hi a lo ni ta ber a ni. Tihharh i duh leh puar i duh chuan thawkchhuak rawh an lo ti a,chu chu țawngkam tluang pângngai in mi hmuh leh hmuhloh ah pawh PATHIAN THU ang a awm zel a nimai.

tluk leh dingâwn ringtu nunkawng

TLÛK LEH DINGÂWN RINGTU NUN KALKAWNG ÷÷÷÷÷☆☆☆÷÷÷÷÷ AWLE,tihian han sawi ta mawp mawp mai ilangin,a bible verse chu târlang tampui lo mai ilang. Ringtu chu kan biak LALPAN ka mite chu tlu mah sela an tlu hlen lovang,ka mite chu tlu mahsela an tholeh ang tih in a sawi a, Leilehna a kut nghat a hnunglam hawikir chu ka mi ni tlãk a nilo tih in a sawi bawk a Kan thiltih angte nilovin,AMA ruat leh khawngaihna ang zawk in min chhandam tih in a sawi leh a. Rinna avanga khawngaihna a chhandam,a awmzia chu LALPA khawngaihna a chhandam ringtu tihna. Thiltih avang a nilo chutilochuan miin a chhuang dah ang e a tih laiin,ka thu in awih chuan a zirtirte in ni ang,țhian in ni ang. Ka thu hria a awihtu chu chumi chu a nung ang.tih te a ti leh bawk si a. Rinna chu thiltih tello chuan thi a ni tih leh Pathian duhzawng titute chauh vana lut tur ang ten a sawi leh a, Heilopawh a tam lutuk a ni. Hei hi inkalh tlat angin a lang na in,a inzawm tlat lawi si hi a makna a ni. Ringtu nun hi tlûk leh ding âwn a ni tih hi. Keimah lovin engmah inti theilo a ti leh bawk. In thilțha tih te an hmu ang a,in Pa van ami an chawimawi thei ang. Rinna lovin Ama mi nih rual a nilo. Rinna avang chauh nilovin,thiltih avang zawk in miin thiam a chang țhin. Tupawh Thlarau neilo chu Amah ami a nilo. Ka Pa van ami in a hip loh chu tumah ka hnenah an lo kal ngailo. Ka Pa in mi pek apiangte chu ka hnenah an lokal țhin. Kei mi ring chuan chatuana nunna a nei tawh.thiamloh in a awm lova,thihna ata a chhuak a ni. Hetihian han sawilang dawn teh ang. LALPA thlan nih angai a,Abrahama te unau leh an chhungkaw zingah Abrahama LALPAN a thlang a. Bible a hming lang ho hi Pathian thlan hmasak te vek,a thlan nihna a nun nei vek an lo ni vek bawk. Kan thlan hmasak nilovin,Ama min thlanna nun neih hmasak erawh angai a ni.Thlarau Thianghlim zar a nun neih. Chuan tisual leh țhin kan ni a,kan tihsual leh țhin avangin kan pheikhai hruai tura Thlarau Thianghlim pek ngai kan ni. Chuan chumi kaihhruaina chuan Pathian Thu awih thei nun kan nei a ni. PATHIAN țanpuina in sual kan hneh thei. Keimahni hian Pathian Thu awih tum a mihring ban tha chakna rinchhan tum lam a nilova,kan tum leh hlawhchhamna ruamah min hnûklût ang. LALPA kan hnena a awm tawh chuan leh a hruaina ang zel leh a țanpuina zel a hnehtu nih angai ta tihna a ni. Ka ti theilo tih lam a ni chuang lova,LALPA avangin, engkim kan lo tithei ta a ni. I tlu leh țhin fo ang a, LALPA a i nun chu a la ngai reng si ang.i tisual leh fo țhin ang Chumi hunah chuan kaitho tur che in THLARAU THIANGHLIM chu i hnena awm reng tawhsa ngei kha hnathawktu ani leh ang a,i ding leh ang a,a chângin i âwn leh ruai ruai bawk țhin ang.LALPA mi inih chuan i tluhlen dawnlo a ni. Leilehna a kut nghat a hnunglam hawikir tih hi,LALPA thlang tawh zet,bosan hlen vang vang tur a LALPA duh lehlo tih ang hian sawi ta ila,a dik ber mai awm e. Pathian Thu awihlo tiin sawi ta ila,tihnuam tak leh thuawih thei a awmlo,rilru luhlul leh pau tikhauh lui ani ber ang chu.chung a tlu te,LALPA THU awihna neilo,a thinlung a LALPA rinna nei miahlo te, LALPA mi ni tur a inpe,duh leh lo ti ang pawn sawi ta ila a dik ber mai awm e. Chuan,tlukna hi a awm reng a,tlûkna awmtirtu chung a pik a ti bawk. Tlu i lo ni ta a,chuan, THLARAU THIANGHLIM in tholeh turin a hrilh che a,a țanpui bawk che a,i awihlova,i sual ngai a i la sual reng chuan,Thu awihlova suallui chu hrem lohvin an awmlovang. Kan tlu leh anih pawn thawhleh hunah LALPA duhzawng ti tur in Thlarau Thianghlim duhdan angin kan awm leh ang. i awmna ngai a i tlûkluih,tihsual luih reng chuan Pathian Thu i awihloh man i hmu dawn a ni. Thlarau Thianghlim hruai a awm hi tihluih leh tihsak vek a nilova,nangman tih ve tur pual chanvo i nei.i kova tla chu PATHIAN THU awih a i damchhunga LALPA duhdan zawm a taksa a tihloh kha a ni ve a,nangmah inrinchhan nilovin, Thlarau Thu ang a awm zel chungin tihna a ni. I tidik reng theilo anih pawn i lo tlu leh palh thei.a hruaina i lo chang nawn leh fo theih nan kaihharh in i awm nawn leh țhin ang. Pathian Thu ang a awm erawh angai a ni. Kan taksa hi LALPA ropui lanna tur leh a duhzawng ang a awm tur atan leh Amah fak leh chawimawi a he lei a sual hneh a a awmzia tarlanna tur a LALPA hmanrua anih hriat tur a ni. Nangmah a sual do ini lova,Țanpuitu i nei tih hi. Kan hrethiam em le? LALPA fatak chuan thil sual tiin sual hmanrua atan a inpe phal in i ring em? Chutia sual hmanrua i ni reng thei anih chuan fatak i la nilo tihna a ni. Fatak chu Pa hnenah a haw leh a,ngaidam dilin Pa Thu a awih leh țhin.a ngaih ber leh duhber chu a Pa van ami chu a ni a,a duhdan chu a chaw tui ber a ni ang a,Fa chuan Pa Thu a zawm țhin a,Pa zilhhauhna pawh a dawng fo a ni.

PANGPAR LEH RINGTU NUN

PANGPAR LEH RINGTU NUN <><><>☆☆<><><> Pangpar angin ka chêtzia lantir ang che tiin hlathu chuan a lo sawi a,chu pangpar ang zia chu tuna ka han sawilan duh tak chu a ni. Pathian in Pangpar leh mihring nun te, in amite nun nen ten tehkhin nan Thuthlung Hlui ah hian kan hmu tam hle a ni. Pangpar chu a kûng a lolen hnu in a kuhmûm a,a lo pâr a, a vuai leh țhin. Thingtin pâr pawh a luhmûm chu a lo pâr a,a lo vul a,a rah a, tam tak in rah a chhuah țhin.thing rah țha tehkhin thu chanchințha bu ah pawh a awm kha.thing chhia a rah chhia a,thing țha a rah țha mai a ni. Pangpar ang a ringtu nun leh mihring nun, kan lei nun hi tehkhin theih a ni. Chutiang bawkin thing chhia leh thing țha ang a kan ringtu nun pawh tehkhin theih a ni. Thingtin rahlo apiang(ringlotu chu) mei a hal ral(mei leh kât a kâng dîl/thih hnihna an la chang ang)an tâwk țhin. Pangpâr lem hi han sawilang ve thung ila.a pãr reng mai a ni.a chuai lova,a vul reng a,angai reng a ni.rim pawh a neilo. Ringtu nunah chuan pangpar lem chu ringtu ni silo,ringtu ni ang a lang,ringtu awmkhawm zinga a lem tihna a ni.hma an sãwn lova,rim an nei lova,an rah heklo.an chuai ngailo.an pâr reng mai a ni.a lem an nih tlat avangin. Ringtu nih anna an nei ang a,Pathian thiltihtheihna mak erawh an awih lovang. Ka unau duhtak,ringtu ni miah silova,ringtu awm a awm in i lo awm hlauh palh ang e. Ringtute che vel leh thãwm ah i thla i lo timuang ve ngawt ang e.i tan a pawi ang.tu tan mah nilovin nangma tan a pawi dawn a ni. Thing chhia ni siin rah chhe em em leh rahlo,ringtu nilo,ni ang a in ngai in i lo awm palh ang e.i rah pawn i hût tal ang. Tu tan mah a pawilo, nangma tan a pawi ngei dawn a ni.mei a hal i tawh hma ngeiin i nun inbihchiang rawh.a tlai hma in. Ringtu nuna pangpar tak chu,a lo kuhmûm a,a lo pâr a,a lo chuai leh a,a pâr a chhuan chuan,an lo vul tak tak hunah an mawi in an nalh em em țhin a, an rim a tui hle a,a pârzu tlân khuai(anmahni a chawtak awm dawng țhintute)te tan zu thlum tak an pe ta țhin a ni. An lo chuai a,chu an nun a lo chauh ve țhinna pawh chu mawi tak a an lo vul leh țhin a,zu thlum tak an lo neih leh fo mai țhin nan a lo ni reng mai. Pangpâr lem chuan zu a neilova,a mawi ngai in a mawi reng a,a chuai ve theilo a ni. Rim pawh a neilo. Thingchhia chuan rah a neilova,a neih pawn a rah tamlo.a rah chhun pawh eitur awm thei lovin a hût țhin a ni.kihthlûk a,mei a hâl ral mai a tâwk ang. Thing rah țha chuan eitur tui tak a rah chhuah a,khawkhen leh boruak danglam inthlak thleng ah pawh buai lo leh danglam lovin an lo awm thei țhin a, thli in a nuai a,zungkai an nih leh tuiluang kianga tuihna tamna hmun a phun,nghîng theilo ang ten min tehkhin a ni. Ringtu nun ze nghet leh tihnghîn theihloh leh midang tan a eitur rahchhuak țhin, tuihnâng fo țhin. Pathian Thu in a châwm țhat sawina lam a ni. He i khualzinna ram khawvel a i châm chhüng hian thlarau zawng in peih mahsela,tisa chakloh châng nei i ni a,Lalpa Thlarau pawn a bei fo lovang che.tisa a awm ila ni si a.tisa(vaivut taksa chau thei)a i la awm avangin i tan Lalpa khawngaihna i lo ngai ta a lo ni e. Khawngaihna awmzia chu(hriatthiamna thûk leh zau tak, zahngaihna zau lutuk sawina a ni)mi i khawngaih chuan i khawngaih a te hnenah hian phût i nei ngailo.i khawngaih em em ringawt mai a ni.tiam chin leh ramri kham chin a neilo.chu chu khawngaihna dik tak chu a ni.dan pawh a neilo a ni. he i khualzinna ram khawvel a i zinkawng thui tak i zawh mêkna ah hian chuaini leh tlâkhniam chãng lo nei leh țhin mahla,pangpâr tak ang a mawi tak a lo vul leh a rim tui tak nei a,zu thlum tak,a tlântu khuai te tan a chawtui tak leh chakna petu ni turin LALPA ah minung lo ni ve tawh turin ka duhsak takmeuh che a ni. LALPA hruaina i lo chan zel theih nan he ka Thu tlinglo tak hmang hian LALPAN malsawm che in țhatna tinrengin vûrh khat tlat che rawh se.AMEN Beramno talh tawh a Thupuan,5:5,10,12 Leilung pianhma in Fapa ah tlan i lo ni daih tawh a,chu chu Thlarau Thianghlim zarah hriatna nung i lo nei ta a. Chhinchhiahna pek ini a. Ephesi,4:30 26. Unaute u, a kohna che u hi ngaihtuah teh u, tisa lama mi fing tam tak te, mi chak tam tak te, mi tha tam tak te koh an nih lohzia hi; 27. nimahsela Pathianin khawvel thil ate chu a thlang zawk a, mi fingte chu a tihmualpho theihna turin; tin, Pathianin khawvel thil chak lote chu a thlang a, thil chakte chu a tihmualpho theihna turin; 28. tin, khawvel thil chhia leh thil hmuhsitawmte, thil awm lote nen lam Pathianin a thlang a, thil awmte chu engmah loa a siam theihna turin; 29. chutichuan Pathian hmaah mi tumah an inchhuang thei lo ang. 30. Nangni erawh chu ama zarah Krista Isuaah chuan in awm a ni; ani chu Pathian hnen ata kan tan finnaah siam a ni, felnaah te, thianghlimnaah te, tlannaah te nen;chutichuan an ziak ang khan, "A chhuang apiangin Lalpa chhuang rawh se." 1korinth,1 Awle,a thui lutuk loh nan kan thu tumah han lût țan dawn teh ang. Chutia hlim leh lawmna i lo chan tâk hnu,chhandam nih inhriatna i lo chan hnu chuan nangmah a sual chi la awm hmang khan setanan a la ûmpha leh thei che a ni. Jacoba kha a pu Labana hnen aţanga a tlânchhiat hnu in a rawn ûmpha leh tih kan hria a ni.

PATHIAN THURUK MAK LEH ROPUI KA TIH CHU

PATHIAN THURÛK MAK LEH CHHUICHHUAH THEIHLOH THENKHAT TE PATHIAN in sual a siam leh siamloh thu. Engkim siamtu anih ringtuten sual siamtu a nih kan ring ngamlo. Sual hi PATHIAN ațanga chhuak ngei a nih leh nihloh kan inrin siak.Engkim neitu a nih pawmtute hian.engkim bul leh tâwp anih i pawm reng tho. Sual leh tlûkna hi PATHIAN remruat a ni,nilo tiin kan inhnial.a remruatloh leh a thu lova thleng engmah a awmlo tih kan pawm tho a ni. PATHIAN hian ami ni tur leh nilo tur a lo ruatlâwk a ni tih leh ruatlâwklo tiin kan inhnial a,a remruatna mak tak hi i ring reng thova,a remruatlâwkna pawmchin i nei mai a ni. Ruatbik leh thlanbik hi ringtu nunah a theih tih leh theihloh tiin kan inhnial. Ruatbik leh thlanbik te bible a inziak i pawm lawi si a ni. Mihring tlûkna hi bum leh duhthlanna a ni ti a inhnialna a awm.bumtu setana hnathawh i ring tho. An duhthlanna i la ti lui tho bawk.duhthlanna a nih chuan bum an ni theilo. PATHIAN ring turin Thlarau Thianghlim hnathawh tellova ring thei inti an awm bawk.Thlarau hruaina an la pawm zui.Thlarau avang chauh a PATHIAN ring thei,selected leh unselected(thlanbik leh thlan awmlo a ring apiang tih pawmtute) Duhthlang thei kan nilo,tih leh kan thlan ve angai ti țalh ho te. Lalpa lo chuan a lam hawi thei kan nilo kan tileh daih lawi a. Kohhran hi kuta sak in ni a ngai leh keini hi kohhran kan ni titute.keini hi a biakin tak leh sual ata a kohhrante kan ni kan ti leh lawi a. Mizo sakhua leh Israel sakhua a tui hote. bible ah Israel te thu chauh a inziak leh ziak biklo titute Sakawlh lolan hma a mithianghlim lâwr ring leh ringlote. Kumsâng Lalram a hran a he lei a din a nih ring tu leh ringlotu. PATHIAN awm ring leh ringlotute. Trinity ring leh ringlo. Trinity ringlo ho hian PATHIAN chu chi thum ang in a inlan tih an ring leh tho. Mizote hi Thuthlung Thar Israel kan nih ring leh ringlo.a ringlo ho hian ring deuh reuh angin an chhungril takah an awm leh tho tho. Heng lo pawh hi a la awm ngei ang. Amaherawhchu, PATHIAN awm ringlotu teh tawl ho pawh hian thilsiam hian siamtu eng emaw nei in an ngai tho nia. Heng zawng zawng kan inhnialna tamber hi a bulțhut ah leh a tãwp kharna tak tak ah ringtute bikah hian a inang leh vek tho zel.kan inhnial mai mai.kan hriatdan leh pawmdan niawm a lang turin bible ah a awm ve vek tho si a, ani ti a țanfak ngamlo ho pawh hian ni theiin an ring reng tho.an tilang tam ngamlo.an țihkhai vang. Khing ho khi bible a thu thup,a awmzia chu fiahlo ang a lang vek a ni a,a ni e,nilo e tih turin bible ah țanchhan tur a awm ve ve si hian thuthup anih zia a tarlang chiang hle. A mak in a ropui mange LAL THU HI.

Israel fate leh ringtu nun

ISRAEL FATE ATANGA RINGTU NUN 🌸🍂🍂🍃💜💚🌹🌷🌺 Chuvangin nang muhil meng la,mitthi zing ata tho rawh, tichuan,Krista chuan a chhun êng ang che. Ephesi,5 Hetah hian ringlomi kan tih,sakhaw dang bia te hi a sawina a nilo a ni.fa ni tawh, luhlul a la awmte hnena thuchah a ni. Muhil kaihthawhna thu a ni e. Ama lâwmzawng atana tih tum tur leh bei tur a nangmahni a thawk tu chu Pathian a ni si a. Ephesi,2:12 Hei hi Pathian fate puih an nih dan a ni a,țanpuitu Pathian Thlarau nen a thawk dun sawina a ni. Mahni a thawk nilo, thawhpuitu nei sawina. Tihțhat famkimna changtute,fa ni tur a thlanna. Hebrai,5:9 Krista hnena khenbeh a awm kan ni. Galatia,2 Rinna avang chauh a thiam channa.hei hi ring satliah,ka ring ti satliah nilo,nuntaķ Krista a nun nei sawina a ni. Thutak hriatna famkim chu kan chan hnu a thil kan tihsual luih si chuan. Hei hi fa ni tawh,luhlul tak a la awmte sawina a ni. Fa nih tawh hnu a bo leh te tan a hremna tur a ni. Thlarau ngei chuan keimahni thlarau nen Pathian fate kan nih min hriattir țhin. Rom,8 Hei hi Thlarau zara piantharna.Thlarau țanpuina zara piantharna.mahni rin rin a ring ve tawp nilo. Krista hmangaihna chu tuinnge min țhen ang. Rom,8 Hei hi fatak kan nih avang leh fatak nihna kan neih tawh chuan tuman Lalpa kut ata min țhen theilo a ni. Fatak te chuan nun nghet tak,Krista ah nun an neih avangin. Heti hian kan Thu tum chu han sawizui țan dâwn ta ilangin. Khi bible châng lo pawh khi a tam mai ang.khi tê chauh khi tun atan aw. A hmasaber atan chuan Chhandamtu chhandamna hi a nghet hle a,bosan theih a nih hmelloh hle a ni.bo leh mai thei chhandamna kan changlo(fatak nihna ah aw). A dawtleh ah chuan fatak thuawihlo leh țhin,zilh ngai leh bo koh haw ngai,mahni thu a bo leh koh haw leh țhin ngai an awm tih kan hre mai âwm e. A dawtleh ah chuan keimahni a rinna nung a awm tawh chuan leh fatak nih chhinchhiahna kan neih chuan Pa hnen ațanga bo hlen reng hi a har hle a,theihloh tluk a ni.misualber pawn nu leh pa hnen lovah haw na tur dang an neilo a ni. A dawtleh ah chuan Thlarau Thianghlim puihna nen a Pianthar a,ringtu nunkawng zawh hi keini tih tur chu a ni. Hetilamzâwng hian aw. Thlarau Thianghlim tello chuan kan piangthar thei lova, ringtu nunkawng pawh kan zawh theilo a ni. Heng selected leh pre destination hi a awm hmel riau hian a lang hle a,a chhan pawh bible bu pum en ta ilangin,Genesis ah chuan Abrahama koh a nih khan koh a nih hma a milem be mi a ni a,a hnena Lalpa a inpuanna a chan hnu ah chauh kohchhuah a ni. Chu Israel fa te lo ni chho ta zel,fatak an nih hnu a Lalpa thu lova an lo awm leh fo na,Lalpa Thu an rinlohna leh Lalpa Thu aia anmahni duhdan a nun an hman leh fo na kha Lalpan a hmu a,a hrem a,a koh a,a lam hawi turin a sâwm a ni Mi fa i koh haw ngai lova,nangma fa ngei i koh haw a ni.fa nih hnu a lêngbo leh ta, koh haw a,hrem leh zilhhauh viau ngai kan ni.mi fa koh haw thu leh zilhhauh thu a chênglo. Tichuan Lalpa thlan chungchang chu fa nih hma in thiltheih anihlohzia leh kha Israelte chungchang a thlan,pawm,rin kha fatak nih hnu anihzia i hria ang. He selected hi a awm ngei a,chu chu min kohhrangtu Lalpa avang bawk ania. Tin,kohna thianghlim a koh kan ni a,a awmzia chu,tihluihna hmang a kohhran kan ni chiahlova, kan duhthlanna erawh a tel reng tho na in, duhthlan theihna erawh Lalpa puihna avang liau liau a thei kan nih hriat tel hram tur a ni. Ruatlâwk hi an awm em tihleh an awmlo em tih erawh Pathian rilru hria leh a tum kan hre lova,a rorel dan țha famkim a tih lah engvanga țha nge?engtiang tak a țha nge tih kan hrelo a ni.han chhuizui zel chuan bible a a landan en chuan selected leh ruàtlâwk vek thu in a kalchhuak parh vek tih i zuk hmu thiam thei ang. Chuti pawh chu nisela,a fa ni bík tur hian lei mihring hi min lo siamsa in,min lo dahhrangsa rêng emni tih hi chu hriatthiam har tak a ni rêng a,Amah thlang tur leh lâwm tur a hriatlâwksa vek a,a lâwmlotu tur a hrelâwk vek a nih miau si chuan duanlâwksa a ang hle lawi si a ni. Chung AMAH thlang tur a hriatlâwka te hnenah chuan a inpuang ta mai a ni tih bible chuan chiang takin a sawi lawi si a ni. Chung a hriatlâwk a te chu a thlang(selected) ta niin a lang miau lawi si a ni. He ruatlâwkna hi ringlo mahila,select bik na pawh hi ringlo mah ila,bible a a landan chuan a ni miau si a ni. Pathian chuan engkim a rel a,engkim a siam si chuan dik leh țha a tih angin ro a rel ta mai a ni ah ngaih theih tur chuan a lang tho bawk a ni. Israel faten a thlan ten an sual leh a, Lalpa lam an hawi duhloh,an helsanzia te,an tâl hran zia kan hria a,thuawih duhlo luiin an awm a ni. An Messiah an hai vangin tun thleng khuan a thisen mawh an la phur a ni.thuawihloh leh rinloh rah an seng(phur) ta niin a ngaih theih bawk. Heng bible a a landan kalhmang en chuan select leh pre destination angin a lang a,chu select te nunah chuan chhandamna(fa nihna) bo theilo turin nghet tak in a chhinchhiah zui niin a lang bawk a, chutihlai mek chuan Hebrai ziak chuan tisuallui chu chatuan mei leh kât a kâng dîl a kal tur thu min hnutchhiah tho bawk. Engpawhchu nisela, Lalpa hi a tâwp a Rorêltu leh Lal a ni a, a bul tumtu pawh Amah tho anihzia bible chuan min hrilh tho bawk a,dik tak a ro a rel zia leh thu a neih pumhlumzia min hrilh bawk. A hmangaihna leh a khawngaihna pawh judge thei kan nilova, a rorelna thuneihna hi lei mihring vaivut mai hian a hriatthiam phâk rual anihloh avangin a sawisêl theilo a ni tih hi bible min zirtirna laimu a ni tho bawk. Pathian rin leh a duhdan ang a nun hmang thei turin Ama puihna(kaihhruaina hnuai)a awm mai hi kan theihtâwk mai chauh chu a ni e. RORELNA LEH THILTIHTHEIHNA LEH THUNEIHNA TE, CHAWIMAWINA LEH LALNA ZAWNG ZAWNG CHATUAN IN PATHIAN TA VEK A NI.AMEN

LIANDOVATE UNAU LEH RINGTU NUN

LIANDOVATE UNAU IN LERSIA SECHI ȚHA AN CHANG. Hetizâwng hian aw Lersia khan sechi țha lutuk mai a nei a,chu lersia sechi țha chu liandovate unau khan an hre reng reng lova,liandova hnenah chuan anmahni awm lo țanpui țhintu pitarte khan lersia sechi țha kha ka hrilh hlauh mai a.a lo hriat khiau țhin avangin. Chu lersia sechi țha chu hlîng turin a ti ta a,a nau zawk tuaisiala chuan adang zawng kha țha ah a ngai a,a țha kha a hre ve miahlo a ni. Hrilhtu a neih veloh avangin.hrilhtu nei liandova zawk kha a lungfin vang lam a ni ber lova,pitarte hrilh vang khan a hre mai a ni.pitarte khan a u lungfing zawk kha hrilh tlâk ah angai nge,a u zawk a hrilh kha a ni. Chuan,lersia se huangah an kal khan ani tuaisiala chuan angaihdan khan țha ni a a hriat kha a u liandova hnena hlîng turin a ti țhin a,a u zawk,sechi țha hre zawk khan sial dang a nau a umchhuahtir ho kha a hlin țhelh lui zel a,a nau a thinrim em em a ni.a hriatdan khan sechi țha hlir kha a hmu a, a u zawk erawh chu sechi țha hrilhtu a neih tawh avangin a hriatdan ni tawhlovin lersia sechi țha hrilhtu a neih tawhna chuan lersia sechi țha a hriattir ta zawk a ni.hrilhtu neilo tuaisiala khan lersia sedang ho kha a hriatdan in țha vek ah angai a ni. A tâwpah a thinrim ta a,a hriatdan a țha ho zawng zawng an liam zawh tawh hnu ah a u hnenah ka u an awm tawhlo.an chhuak vek tawh,i hlințhelh zel a a ti a ni.a u lah in sechi țha kha a hrelâwk khiau si a,hrilhtu a nei a ni. Khawilai maw karah khan a la awm mai ang,han hâwl vel teh a ti a,a nau chuan a han dap kual a,sechi țha chu a hawlchhuak ta a,berh chhe em em in a lang a,ka u heichu a chhe lutuk tiin a hriatdan in a chheberh hle a ni. A u chuan a lo hlîng chat mai a,hei ngei hi kan unau chantâwk ngei chu a ni.adang zawng kha chu hlîng pawh ni ila kan kai zo lovang a ti a, A hnuah chuan a hriatdan a țha ni a a hriat diklohzia chu a nau tuaisiala bawk chuan a hrechhuak ta a,a u zawk thilțha hriatna,hrilhtu a neih avanga thilțha ber a hriatna chu an unau vanneihna lamtluang a lo ni ta a ni. Tha ni a i hriat nge dik?Lalpa hnen ațanga i dawn? I hriatna dan a țha ni a i hriat a bo tawh hnuah Lalpa hriattirna che in thilțha dik tak i lo chang ngei zawk dawn a ni.nghâk hrâm la phunnawi lovang che.

PATHIAN THU NAWI DANGTE

HAN TI LEH TEH ANG. Kan hun tawn zelah Lalpa hruaina chang zel turin Lalpa inpuanna kan chang zel fo em? Mahni indahțha a midang siamțhat tum kan lo ni fur mai em? I tun dinhmunah khan Lalpa ah lawmna i chang thar mek zel em? I nunna kha lo chuai ta se Lalpa ah chatuan nunna i nei tak meuh em? Hmasawnlo țhanțhu ringtu kan lo ni mai em? Midang hmuh a țhat tum a țan khawh, midang hmuhlohva sual pawisalo ringtu ka lo ni mai em? Semchhuah aiin dawnbelh țeuh ka lo tum mai em? Lalpa aia thlan zawk ka ngah fu mai țhin em? Mahni nun lam indahțha a midang nun teh reng mai ka lo ni em? Lalpa a lawmna hmutu nilovin,midang nunah lawmna zawngtu ka lo ni em? Ka peih leh duhtawk chin ah chauh Lal rawng bawl ka lo tum em? Pathian hnen ațanga malsawmna dawn belh zel nge ka tum? Ka dawn sa ah hian midangte tan ka luangchhuak ve zawk tawh dawn? Midangte hmuh a mawina zawngmi nge ka nih?Lalpa mithmuh a mawina zawngtu ka ni mek zawk le? Lalpa rawngbawl aia mahni nuam tih leh duhzâwng zawng mi ka ni em? Lalpa rawngbawl aia khawvel nawmchenna thlahlel mi ka lo ni mai em? Heti hian han inen ta la,midang nilovin nangma nun lam en țhin ta la,Lalpa neitu inih leh nihloh chu i nunah khan a chiang mai dawn a ni. Lalpa neitu chu engkimah an danglam țhin a,an mahni tumna leh țanlâkna nilovin,an chhunga awm minung ropui avang zawkin leh anmahni a nun danglam an neih avang zawkin chu nun danglam chu a hun takah midang hmuh in a lo langchhuak fo țhin a lo ni e Zantiang tawnmang ram zawngte chu zingțian khawvarah an lo thâmral leh thin a,suangtuahna rauthlalêng zawngte pawh mitkhap kâr lek chhûngin an lo thâmral leh țhin ang hian hringnun damchhung nun tawite pawh hlimthla iang kan lo la ral leh ang.hei erawh ka han hre chhuak leh ta a,ral ve ngailo tur nun hlu leh ropui chu, chatuan pialral thlen thleng a ka chan tur Krista tlanna ropui zar a pêk ka lo nih hi. Hlimna leh lawmna hriak nen a ka zinna ram khawvelah hian damchhung ni chhiarliampui tlâk thilthlâwn pêk a lo ni reng tih hi. Harsatna i tâwk em le?țanpuivartu hnai reng i kiangah a awm reng e. Retheih leh tlâkchhamna hmunah i awm emni? I mamawh tinreng pe theitu i kiangan a ding reng a ni. Hlauhna in i lo khat em?hnehtu ropui Krista i hnenah a awm. Lungngaihna leh manganna in a tlâkbuak che emni? Thlamuantu nung ropui hlimna pe tur che in i hnenah a awm. Damlohna in a tlâkbuak che em? Tidamtu Isuan a nghâk reng che. Misualber ti a chilchhâkna leh hliam i tâwk emni? Tlantu nung ropui in a thlir reng che. Tho la,i theihna zawng nen tunah Lalpa ringin țawngțai rawh.a chhâng duh reng che a ni. Mi au la,ka chhâng ang che,thil ropui leh inthup,i hriat ngailoh chu ka entir ang che. Isuan a ti.

HAN DAWN VE TEH

Han ngaihtuah ve teh Sual chuan a saseh tur zawngin engtiklaipawn a hmanhlel reng a, keini erawh kan inring renglo fo. Kan rinlohna lam hlirah sual beihna kan tawh fo zel avang hian sual beihna hrethiam turin Lalpa belh tam kan mamawh. Lalpa neitu ni a inngai si a lungngai leh mangang leh rethei a,tlachham reng tur kan ni ang em? I duhdan in Lalpan hna a thawk lova,i tân a țha tur zawk in hna a thawhsak che a ni. Vaivut mai hian Lalpa leh a Thu aia mamawh engmah a neilo. Lalpa a chêtloh chuan Lalpa ringtute hian keimahni ngawt in rawngbawlna nung a neih theihloh. LALPA aia thlan leh duh dang kan neih hi min tichhetu leh harsatna min siamtu mai a lo chang leh țhin. Vaivut mai hian Lalpa puihna lovin Lalpa Thu a awih theilo. Mi tuma hnenah rinna nghat ngai suh, i rin anglo a an lo awm in i na tam mai mai a ni.Lalpa ah chauh rinna nghat la, i tifuh zawk fo ang.i muanna tur a nih vang leh i hlimna tur a nih avangin. I beisei ang leh i ruahman ang a thil a thlen loh in vui in intihnual nghal ngawt suh.i tan a la țul rihlo a ni thei. Kan chan tur a Lalpa ruatloh kawng kan zawh ngailo. I chanloh tur leh i hma a chhuak tur a Lalpa ruatloh chu tilui mahla,i hlawhchhamna ni a sei mai mai ang. Kan duhdan leh beisei ang a kan nun hi kal se kan tih vang hian kan bei ngawrh fova,kan duhdan lo ang a kan nun kan hman leh si na avang hian kan lungngai fo. Kan zawhtâwk ang zel a Lalpan kan nun min ruatsakah kan lung a awizo ngailo fova,a aia sâng zawk dinhmun duhna in duhamna in kan lo khat fo mai. I duhdan leh remruatdan ang thlap pawn thil lothleng reng fo mahsela,he khawvelah hian lungawina kim i hmuzo ngai lovang. I duhdan ang thlap in hringnun hmang mahla,i duham a reh phah chuang lovang. Lalpa a lawmna hmuh tumte an lawm a kim ngailova, lawmna nun min pekna ah chauh kan lawm a kim zawk țhin. Hmangaihtu dik tak chuan hmangaih lêt ve a phu a ni. Lalpa hi i fak avanga ropui a ni hran lova,a ropui em avanga fak tlâk a ni zawk a ni. I hmalam hun tur i hre silo anih chuan Lalpa kut a innghah mai chauh i theihtâwk a ni e. Pathian Thu chu kan sawichhuak phawt a, midang tan a țha a lo ni ve bawk a,chuan keimahni ah a takin a lo thleng ve leh țhin a ni. Pathian Thu kan sawi țhin te hi kan sawi laiin a sawi a awl viau a,a tak a kan hnen a lothlen meuh chuan a har duh khawp nia. Pathian Thu kan sawi țhinte a tak a kan hnena a lothlen leh hian tam tak chuan an lo theihnghilh hman leh der tawh țhin fo a ni.

Mihring Thluchhe tawh hnu chu

MIHRING SUAL A TLU CHU. nunna tuikhur kalsan(Jeremia,17:13) Thinlung chu bumhmang ber,chhelailetder(Jeremia,17:9) Thilțha ti an awmlo(Thuhriltu,7:20) Thiltisual,Pathian ropuina chang zo tawhlo(Rom,3:23,3:11-18) Sual neilo an awmlo(1Johana,1:8) Hur phal a hawisan hnu kan ni(Rom,1:18-32) Mahni kawng kawng a pêng tawh vek kan ni(Isaia,53:6) Diabola fa kan ni(Johana,8:44,45) Thihna fanchhuah(Rom,5:12) Adama avangin mi zawng zawng an thi(1Korinth,15:22) Rul thlah(Matthaia,23:33) Khawlohna a din,sual a pai(Sam,51:5) Kan felna zawng zawng silhfen bawlhhlawh(Isaia,64:6) Hrethiam a Pathian zawng reng an awm hauhlo(Sam,53:1-5)

PATHIAN THU NAWI ȚHENKHAT

Ka ti leh pek țhin ang... Lalpan kan nuna hna a thawhna ringin kan nun a chawl. Lalpa hnathawhna changtu chuan a dawn chu semchhuah a duh țhin. Khawvel thu ah chuan mahni inhaihvur a,lâkluh belh zel chu pun leh zel na niin a lang a, Lalpa Thu ah chuan semchhuah chu pun lehzualna a ni. Lalpa hnena Thu i dawn hi i nun insiamțhatna tur mai a nilova,midangte hnena i pêkchhuah tur a ni tel bawk a ni. Pathian Thu i dawn hi nangmah a a inkhawlkhâwm hnem a,a luanchhuah loh chuan i nun tichautu ah a chang daih thei a ni.pechhuak ve țhin rawh. Lalpa a khahliam i duh chuan midangte tan nung mai rawh. Lalpa khawngaihna i dawn hi i thiltih vang lam a nilova,Lalpa thiltih i chan vanneihna zawk chu a lo ni e. Pathian Thu hi kan hlâwkpui zel dawn chuan midangte tan a Lalpa Thu ang zel a nun hman a ni. Pathian Thu hi kan hlâwkpui hnem tawh a,Lalpa chuan kan nunah hlâwkna lo chang ve tawh se.i lawmna tur a ni zel zawk ang. Lalpa Thu aia thlan leh duh i neih chuan chu ngei chu i boralna tur lamtluang i pan mêk chu a ni. Pathian leh a Thu aia mamawh leh pawimawh tih i neih phawt chuan chu ngei chu i manganna thlentu tur leh sual lam kawng a hnûk lut zel tu tur che a ni e. Zoram hi hetikhawp a khawvel ropuina lama kan lo sânna chhan chu,kan lehkha zir thiamna leh kan taimâkna lamah a nilova,Lalpa leh a Thu avang leh min thlanna kan chan vang a ni. He zoram hi tuipui ral ram hlatak ațanga Lalpa mihriat ni tura a thlanbikte kan nihna chu engdang a nilo,Chanchințha, misualte chhandamna Thunung ropui puangdarh tur a thlanchhuah bikte kan ni. Krista thisen hian chhandam theihloh, silfai zawhloh leh tihthianghlim theihloh a neilo. He khawvel a nunkhaw nawm i duh chuan Lalpa leh a Thu buaipui zawk la. LALPA leh a Thu ah nung la,Nangmah ah Lalpa a lal a,Lalpa Thu ang a i nun zel na ah a ni e. LALPA chu ka nunna leh ka chakna,Mangan laia țanpuivartu hnai reng a ni. Misual chhandamna Thu,he chanchințha aia kan nun lawmna tur dang a awmlo. Lalpa neitu ni la,Lalpa a nuntam i neih phawt chuan tuma tihhlim ngai lovin Lalpan i nunah hlimna a rawn thlen ang. Hlim i tum a,nun hlimna i zawng a,nun khaw nawm i duh a,i zawn ngei chu Lalpa ah a awm tlat si avangin Lalpa a awm angai a,i nun kha Lalpan a chan fai vek a,a luahkhah tlat che angai a ni.chu chu i duh em?a țhen a zâr pelovin,avain i nun chu Lalpan lo chang rawh se.i tan a țhatna tur a ni. Lalpa leh a thu,a duhdan ang a awm tur a a tih che i zahpui zel chuan he i hringnun damchhungah ringtu nun khawro i nimai

LALPA KHAWNGAIHNA NASA TAK CHU

LALPA KHAWNGAIHNA NASA TAK Genesis kan en chuan,Sodom leh Gomorra tihchhiat a nih dawnlai khan mifel 10 takngial pawh an awm tling hauhlo a nih kha. Mifel ti a mihringin an ngaih chu an awm ve ngei mahna tiin han zeldin ilang. Bible chuan,hurna leh nawmchenna a an khah thu a sawi a. Lalpan mifel a tih ho hi Ama thlante,Ama kaihhruai leh Amah ringtute annihzia Abrahama rinna kha a felna a ruatsak a lo nihna ațang hian a lang reng a ni. Abrahama kha koh a ni a,Lota kha koh a ni velova,Abrahaman a hruai tel ve a ni. Kohloh hi kan lo hruai tel ve fo mai. Keimahni tak hi koh kan ni a,kan sual tello hian.Lalpa a felna hmu turin.kan sual, kohloh hian kan rinna nun a tibuai ve fo țhin a ni. Abrahama kha koh ani a,kohloh Lota a zuitu kha a hnu a Amon leh Moab, Israelte hmelma hlun an lo nih zui tâk zia kha he kan rinna nun min zirtirna hi ni thei ngeiin a lang a ni. Awĺe,helam sawikual thui ka tum lova,ka sawi tum tak chu Lalpa khawngaihna hi engchennge lei mihringte hian kan teh fo mai tih leh Lalpa khawngaihna hi keini a teh rual a nilo tih hi. A awmzia tifiah turin, Lota kha an kaihchhuah hma khan tlângah tlân tura tih a ni na in,an sawi ah tak a tlân chuanglo. Genesis bung 19 thu kha a ni a. Chuan,i nunna turin tlânchhuak rawh an ti a,a la muang hle lawi si a.hetah hian sawilan ka duh chu Lalpa khawngaihna nasa lutuk hi kan thiltihțhat avang lam anihloh zia a lang chiang hle.Lota khan Lalpa Thu a hnial thla a,tlânga tlân tura tih kha a duhdan a thlang a,hmun pakhat,Zoar hmunah khan a tlânluh an phalsak a,chu khua chu Lota avanga him ta kha a ni. Hetah lolang ta chu thil chihnih a ni.Lota khan Lalpa mit a tlung tih a lang a,a chhan âwm an sawi chu,Angelte Sodom mite laka a lo hum vang niin an sawilang fo mai a,hei erawh zeldin thubâwl mai mai a ni.chulam a nihlohna a awm. Lalpa khan Abrahama hnena a Thu a Thlunna ah khan a ina mi,sal emaw,a chhiahhlawh emaw,a in a mi tawh phawt kha Lalpan a venhim tel a,Israel fa an nih ve tur thu a thlung a ni.chuvangchu he Lota,Sodom leh Gomorra khaw kanna a an him chhan niin a lang.Abrahama vang a nih hmel ber zawk chu. A hma khan Angelte a hum hma khan Angelte Lota ina an thlenna tur chhan țha tak,Lalpa mit a tlun chhan sawilan tur a awm hauhlo a ni. Abrahama kha Lalpa ruatbik leh kohhran ngei anih avang zawkin a hruai tel Lota kha a him mai mai niin a lang a ni. Keimahni a awm suak hi Lalpa min chhinchhiahna zarah tihlanloh,țha ang a langin kan lo awm mai mai zawk a.he keimahni a sual chi awm,koh telloh,min zuitu hi kan thlân thlenga min zuilût tur,kan hmelma ni tho si hi,Lalpa min hruaina zar zovin, keimahni a awm a nih reng si avang hian a lo tel ve mai mai a ni.nakin zelah heng hi nitin kan thihsan,kan do,kan hmelma ni zui tur chu a lo ni ngei dawn tih he Lota ațanga Moab leh Amon ho lo chhuah dan hian a tichiang ta a ni. Hetizâwng pawn sawi ila,keimahni,chu chu Lalpa mitak kan nih vanga kan bula mite hamțhat tel phahna zâwng pawn a sawi theih tho mai. Kan kualthui ta duah a.helam sawilan tel ve zel ngai hi ninawm țép.sermon a thui phah țhin.kualthui tel ngai hi post a tihsei phah fo mai.he he!! Ka Thu tum ah lût leh tawh ang aw. Chuan,adangah pakai tawhlovin,Lalpa zahngaihna nasa tak kha sawilan ka duh ka tih kha. Lota chu a muang hle lawi si a.a in leh lo leh a chhûng leh khat te leh a ro zawng zawng kalsan a ngai ta mai kha a ui ru ve hle ang tih a rin theih a,Lalpan a rilru a hre reng bawk turah dah ila.ka zeldin thubawl lawk ni e. A muan em avang khan Lalpa Thu angin a awm ta silo kha Lalpa zawk a tawlh ta a,a zakah dawm meuh in an hruaichhuak lui ta a nih kha.chuan heilo pawh,tlâng pakhat kha a himna hmun tura Lalpa ruatlâwk sak kha a ni na in,chu pawh a zawm duh chuanglo.Zoar khua kha a tan a himna turin a thlang ta kha a ni.chupawh Lalpa Thu a awihlo chung khan Lalpa zawk kha Lota him nan a la tawlh duh zel nia. Heitak hi ka tarlan duh chu a ni.Lota him chhan leh Lalpa mit a tlun chhan chu tarlan a awm hauhlova,mahsela, Lalpa mit a tlung ve tih chu ama sawilan ngei a ni.Lalpan ka mit i tlung a tilo tih kha hre ta phawt ila. Ka han zeldinna ramah chuan,Abrahama Lalpan a ruat,a thlan a kal tel ve anihna ah khan Abrahama hnena Lalpa Thuthlung avanga him a ni zawk a nih hmel hle a ni.chu chu Lalpa mit hmuh a țha a a lanna ni ve in a lang a ni. Chuan kan thu tum ah bawk lêtleh ilangin,Lota chungchanga Lalpa a tawlh nasatzia leh, Abrahaman Lalpa a tawlhtir zia ațang hian lei mihring hian Lalpa a hmangaih vanga Lalpan a hmangaih a nihlohzia leh a duhtak a a din leh a siam,Lalpan Amah ang tak a a siamte,a roluahpuitu tur a a siamte kan nih vangin,min hmangaihtu hmangaihna nasa tak kan chang zawk a ni. Rom,9 ah chuan,a duhtu avang a nilova, a tlântu vâng a ni heklo,min hmangaihtu Lalpa avang a lo nih zawk si zia kan hmu ta a ni. Kraws a thihna leh tlanna te,kan tan vanram a buatsaih lâwk te pawh,keimahni vang a nilo.Lalpa avang a ni. Han pêng leh zuai ilangin,Abrahama kha kohchhuah anih hnu khan tihsual châng a ngah ve hle ang.Mahsela,a kohtu Lalpa țhatna avang khan Lalpa hma ah felin a lang thei anih hmel hle a ni. Lalpa fiahna a hmu a, a fapa,Lalpan a pêk tho kha,Isaaka kha Lalpa Thlarau in Sari a râitir,a chhûl a hawnsakna avanga pitar nâupâi anih kha. Kan hre vek âwm e. Chu Lalpan Abrahama a pêk Isaaka chu Moria ram a tlâng pakhat,a hming a sawiloh ah halral thilhlan atana hlân turin a phûtzia kan hria a.khata Abrahaman a neih zawng zawng pawh ui lova Lalpa Thu a awih theihna chhan kha,Abrahama lamah vâng pakhatmah a awm a nilova,Lalpa țhatna,malsawm a dawn fona,chumi a channa leh a tak ngei a Lalpa țhatzia leh a Thutiam a a dinngheh,rintlâk a nihzia Abrahaman a hmuh fo avanga Lalpa ring thei kha a nihzia a lang. A awmzia chu,Lalpa hnathawh leh a thiltih a chan fo na a Pathian dikzia leh rintlâk anihzia a hmuh fo na kha Abrahama nun hnehtu chu a nihzia a lang reng a ni.Nangma rin rin in hmuhtheihloh Pathian khi i ring ngawt dawn chuanglo tih chu Abrahama hnena Lalpa inpuan hmasakna khan a tichiang hle a ni. Helam kan tuihnih tel hrâm a nia,ka thutum tak chu Lota chanchin a Lalpa khawngaih,lainatna nasa lutuk kha a mak in a ropui hle a ni.a Thu a hnial chung pawn a chhanhim tho tho a ni. Awle,ka unau duhtak, Lalpa khawngaih, lainatna hi nangma lam a vâng awm a awm lova,Lalpa avang zawk a ni.i rin theihna pawh Lalpa avang tho a nihzia he Abrahama kohchhuah anih dan leh hruai a nih zel dan leh Lota chungchanga Sodom leh Gomorra khaw kanral thu ah hian a lang reng mai a lo ni e. Aw,Lalpa țhatna chu temchhin ve tehrêng u.sakeibaknei vânglaite chu an ril a țam țhin a,Lalpa mite chuan thilțha rêng rêng an tlachham lovang. Amen

Zirtirna him leh himlo kan tih te

Thlarau zara Pathian Thu awih thei leh sual hneh thei ni a inzirtirna hi zirtirna himlo kan tih a ni a. Thlarau Thianghlim hnathawh sawilang hauh lova Pathian Thu awih tur leh sual hneh tur a inzirtirna hi zirtirna himchin ni a kan hriat chu a ni. Thlarau Thianghlim hnathawh zar a nun chawlhna inkawhhmuh hi zirtirna himlo ni a kan sawi fo chu a ni a. Thlarau Thianghlim tellova nun chawlh tumna hi zirtirna him kan tih mek chu a ni. Lalpa hnathawhsak sa ring a nun chawlhna hi zirtirna himlo kan ti a. Pathian hnathawh ring zo lova tih ve tum a țan khawhna hi zirtirna him kan tih mek zawk chu a ni. Kan nun a chawllo. Lalpa rinchhan zel a kal zawk tur leh mahni inrinchhan lova Lalpa chauh rinchhan tur a inkawhhmuhna hi zirtirna himlo kan tih mek chu a ni a. Mahni tha chakna rinchhan chunga keimahni nun sual kan hneh theihloh hneh tumna hi zirtirna him ni a kan hriat mek chu a ni bawk e.

Uc Browser hmanga youtube video download dan awlsam

YOUTUBE VIDEO DOWNLOAD DAN Awle,he thil hi mi min hrilh atanga keima tihchhuah ania.keima hriatchhuah ti ila,ka tisual hret deuh mai thei.mi hrilhtu hian a tidik thei silova,keiman tunhnai khan ka risk chhuak fu hlauh ta a ni. A STEP a hmasa in uc browser nilo,uc mini kha android phone tan hman kher tur.java ho tan uc browser hman tur. symbian mobile phone pawn uc browser. android ka hman avangin android a a landan angin ka han sawi mai ang e.java leh symbian mobile ho chuan in hriatdan ang ang khan uc settings kha in lo siam ve mai dawnia. uc mini ah google ah khan youtube search la,youtube ah chuan mobile version in i lut a ni. m.youtube.com hi.≡tiang icon hi uc mini a mobile screen hnuailamah khan a awm a.i lut ang a,settings ah khan i lut ang.settings luhna chu i thai phei keuh ang a,settings i hmu ang.chuan,settings ah chuan lut la,a hnuailam a bandwith ah khan kal la, youtube always mobile version kha i tick mark dawnia.i zo ta phawt. STEP 2 youtube ah chuan mobile version, m.youtube.com in i lut ta a,i video duh kha search la,i hmu ta.a video hming, entirnan: maggie-Tlanna hlu tih ah tak khan long press(click vang vang)la, thlah leh rawh.popup menu bar a lolang ta a,page info ah khan lut la, Link Url kha copy ang che.i copy ta. fb in i link edit tur kha an block avangin fb ah chuan i edit theilovang.whatsapp messege emaw hike emaw,sms ah emaw i paste angai.messenger apps dangah pawh a theih ang.fb tihloh chu. google plus ah pawh status update emaw comment box ah i paste,thei in ka ring.thu type na ah long press a paste click tur.i post hma in link a, http://m.youtube.com lai kha http://www.ssyoutube.com in i thlak daih ang.i link edit chu post tawh la,chu i link edit hnu ah chuan lut rawh.page a,in load rei ve det a,nghak char char la,a lolan kim chuan, savefrom.net online youtube downloader ah i lut a ni.i video image hnuai a i duhna ah khan click rawh.audio mp4 kha mp3 ania.mp4 emaw 3gp emaw nimai.click rawh.kha i download na tur kha chu i mobile supported list azir nimai.i click ta a,download chunga video playback.bin kha i video hming.mp4/i video hming.mp3 in.audio mp4 a i click chuan, i video hming.mp3 mp4 a i click chuan video playback.bin tho kha i video hming.mp4.i download a nimai.awl leh si ve le.he2

Enge inih

Ka nun hi sual a khat,suala hrin a nih si chuan,Lalpa a rinawm hi kan theilo.thih thleng a rinawm pheichu a tin a tin chi a ni meuh dawn emni? Sual a khat,sual a hrin,tluchhe tawh hnu mihring hian,Ama duhthu ngeiin Lalpa a thlang dawn chuanglo. Thlarau Thianghlim puihna lo chuan tuman Isua hi Lalpa a ni an tilovang.Pathian an duh theilo a nih ber chu. Lalpa ring tur a inzirtir leh thilțha ti tur a inzirtir hnam kan ni na in,a zirtirtu chawp chawp hian thilțha tithei kan nilo a ni. Thilțha ni a kan hriat ang tih chu heng ringlomi te pawn an thei.vanram an kai dawn tihna emni?thilțha tih avang a nilova,Krista rin satliahna pawh a ni heklo,nuntak neih hi ringtu nun a ni. Thilțha kan ti thei lova,kan tihtheihloh vangin thilțha titheitu nun pek kan ni. Thilțha titheitu nun nei kan nih chuan,chu nun chu a hunah tak kan tihlan tum ngai lovin,a rawn i tarlang zawk dawn a ni. Lalpa a lan hun apiangah ropuia lang tur kan ni titute hian,keimahni kan lansarh hun apiangah Lalpa ropuina a lolang țhin tih ang deuh hian kan kalpui zel tho nia. Chhandamna changtute hian min chhandamtu chhandamna tluantling hi kan ringzo a nilova,kan thiltih kan ring hle zawk tih a lang reng. Min chhandamtu chhandamna ring lovin,kan thiltih leh tihloh ah kan inring/pathian vel mai mai a lo ni e