Thutak thû tihfiahna tlêm azâwng

Thutak inhria ang a,thutak chuan bâwih a bân ang che u....(Johana,8:32) He thu tum hi enge ni ang le?Thutak chu enge?bâwih min bântîrtu tur thutak chu enge? He thû in a tarlan a tum ni a lang ta chu, Thutak bâwih bântîrtu tur chu chhandam kan nih inhriatna kan neih te,tlanchhuah, thiamchang,zalên kan nih inhrîatna keimahni a a awmna te hi a ni...(johana,8:37) Eng thutak nge kan hrîat tur chu?chhandam nih inhrîatna thû leh tlanchhuah kan ni tawh a,zalên kan ni tawh a,thiamchang kan ni tawh a,sûal atâ lâkchhuah kan ni tawh tih hi thutak thû kan hriat tur chu a ni a,chumi thutak kan han hriat chiah khan sûal bâwih atâ kan zalên thei chauh a ni...(1Johana,5:10) Pathian thû chu thutak a nihna chhan enge? Pathian thû chu thunung thiltithei a ni.(Luka,1:37)(hebrai,4:12) Pathian thutak chuan sûal bâwih atâ zalên kan nih thû min hrilh a,kan lo pawm a,kan lo rin theihna tura kan hnêna hna thawh a nih chiah khan(Rom,8:28)mahni ah inhriatna kan lo nei ṭhin a ni.(Rom,8:16) Tichuan Thutak awmzia kan lo hre ta a,thutak chu a tak nei leh nunna nei a ni.(Johana,1:14)(1Johana,5:7) chuan,thiltihtheihna a khat a nihzia kan sawi tawh kha... Chu thutak chuan ani sûal bâwih atâ min chhuah zalêntu chu ni...(Johana,8:36)(2Thessalonika,2:10) Isua hi Pathian thû thiltihtheihna a khat a ni bawk a...(Thupuan19:13)(Johana,14:16)(Ephesi,4:24) Tichuan,kan hnêna lothleng Pathian thû chu chu thiltithei a ni a,thu nung a ni bawk a,taksa nei a ni bawk tih kan lo hre ta a,Pathian thutak chu rintlâk leh belhchian dâwl a ni.(1Johana,2:21) Thutak chu kan chhandamna thû hi a ni(Galatia,2:14)(Ephesi,1:13)(Kolossa,1:5) Thlarâu dik tak chuan thutak zawng zawng a min hruai luh vek hi a tum a ni.(Johana,16:13)

HRINGNUN HI KA CHHIAR KIM TA

HRINGNUN HI KA CHHIAR KIM TA 🍃🍂🥀🌾🍁😒😔😞😟😕🙁 Hemi khawvel a kan zinkawng kan zawh mekna ah hian harsatna te,manganna te, hrehawmna te,beidawnna te,tahna te, lungngaihna te,lusûnna te,natna te, retheihna te,tlâkchhamna te,thlaphânna te,sualna te,thlêmna te a awm a,a chhe lam zawng zawng hi sawi dawn ila,a awm kim vek a ni. a chhan chu he khawvel kan zinkawng kan zawh mekna a hringnun kan hmanna he lei ram hi sual leh a hnathawh awmna ram a ni a,sual in min hnehchhiah a,min thlêm a,min sawisa a,ringtute kan tlu lek lek a,a then lah a tlu leh hnungtawlh ta te pawh an awm nuk tho mai bawk.chumi zingah chuan ka tel ve em,i tel ve em in en lêt nawn fo ang che. Hemi khawvel kan zinkawng thui tak kan zawh mekna hi lusûn inthenna ram a ni a, tap in kan inthen leh thin a,thenna ram khawvel hrehawm tak chu a va han ni tehlul em!?kan duh bik vang a ni emni? nilo,kan hun tawngah hemi khuavel kan zinkawng hi chhuahsan vek tur kan ni a,châmhlen tur kan awm silo a ni.kan rual duh leh lung duh ten mual min liamsan zova,tap in au au mah ila,kir zai rêlloten piallei daiah chhâm ang min zâl san a, pialrâl rihsâng min kaisan ta si a,a damlai ten lusun tahlai reng kan bâng theilo a ni. Hemi kan khualzinna ram khawvel hringnun kalsiam ah hian ei leh bar zawngin,kan hringnun damchhûng khawsak rel a lo tûl a,tûktin a sîrva lêng ten mualtin,tlângtin hrût a an chaw tur zawng a chungtianga thla zâr a an lêngza thin ang hian hringnunah damchhûng khawsak rel leh ei leh bar zawn a lo ngai fova,hah thi kûl a,bek a thlan tui luang zawih zawih a ei bar zawn a lo ngai si a, awlsam tak a ei bar hmuh reng a theih siloh,retheih leh tlâkchham châng a tam fo thin.a hausa leh neinung tam tak awm ve bawk thin mahsela,inpuih reng a,intihsak reng lah a theih siloh, mahni tlatna mual mual ah mahni tan a chakai khawrh theuh a tul si a,tumah inngaihsak hman a nilo.sum leh pai tlachham in rethei bakberh in a then ten hringnun kan hmang mek a,kan damkhawchhuah nan kan intung nung tâwk tâwk a ni si a,tlachham leh rethei in,naktûk atana ei bar zawn leh ngaiin kan vawiin hunah hah thi kûl a kan thawhchhuahsa kan eiral zo leh vek zel si. a nei te lah in duhtâwk neilovin neih belh tam zel duh in an lo hmanhlel hle bawk a ni.chutiang ang a tumah inngaihsak tawn theihlohna khawvel,hmangaihna leh induhsak tawnna tak tak awm theihlohna khawvel leh mahni tânghma haihna khawvel a nih avang hian tu tan pawh retheihna leh manganna khawvel tihloh rual a lo ni silo.sual in nasa tak a min nghaisakna kan tawrh avang leh hah thi kûl a ei bar zawn a,thlan tla zawih zawih a chaw bar a lo ngai ta si a ni.a va han retheih thlâk ngâi ve le!?dik tak a, Pathian duhzawng a ei bar zawn chu hahthlâk tak leh thawhrimna nen a ni tlat si. Harsatna leh manganna ten nitin in tute pawh min bâwm a,kan hringnunah harsatna hrang hrang kan lo nei vek theuhva,a hausa,a lian a tê in,a rethei chen pawh in chu harsatna leh manganna, chungpikna chuan min nuai vel vek thin si a nih hi.kan tawh dan erawh a inang chuang hauh silo,mahni hmun theuhvah, mahni hun theuhvah khellovin chu harsatna leh manganna chuan min nuai vel thin a,kan chung a pik in,kan thaw a veng theilo a ni. He hringnun khuavel kan zinkawngah hian natna tâwkin damchhûng ni kan chhiarliam fo thin a,natna khumah natna hrehawm tak tuarin kan taksa chu sawisak hrep ang mai a na tuar a rûm in a chiau vawng vawng thin a ni.tunge duh bik?tuman kan duhlo chung hian kan na tlat si a ni. buaina leh lungngaih,beidawnna kan tawh châng te hian kan thla a phâng thin a,kan indawmkûn ngawih ngawih thin a ni. taksa lam dam pial si hian rilru lamah chaklohna puarvelin kan awm tlat si a,thlaphâng in kan vân vel ruai thin a ni.chutia lungngâi leh beidawnga kan awm châng te chuan kan rilru a buai in kan phili chung mai thin bawk.ngaihtuahna leh hmatiang tlirna a tâwi tawk mai a,lungkham neih leh ruahmanna siam rêng a theihloh, dam rêng thlahlello hialin kan nun chu famdairial chan châk rêng rêng hian a khatliam zova,mahni nun hial chhah duhna in kan khat zo ta thin a ni. Awle,kan sawi tam ta hle mai a,solomona meuh pawh khan he khawvel ropuina hi chên turin a châkna lam apiangah a insûm hauhlova,a hlahlo bawk a ni.mahsela,he khawvel ropuina leh nawmsip bâwlna châkna zawng zawnga a tlân hnu chuan ni hnuai a thil awm te hi engmahlo mai a lo ni e.tiin thuhriltu bu ah a lo sawi ta tawp mai a nih kha. Tihian kan sawi teh reng ang e,he khawvel hi sual setana ram a ni a,heng hrehawmna zawng zawng te hi kan tawh tur a lo ni vek mai,kan LalIsua he khawvel a hring a lo chan lai a,Galili ram dung leh vâng fang a a lên lai,kum 40 tehmeuh he khawvel a zinkawng a lo zawh ve lai khan nuamsa takin a awmlohzia i hria ang. chulo reng ah kan hringchanna ramah hian nunkawng tluang tak nei turin Lalpan min duh a,min relsak bawk a ni. mahsela, mihringte chuan an tikhirhkhân zo vek, mahni in a kan insiamchawp harsatna pawh tam tak a awm laiin,kan duh miahloh harsatna kan tawh pawh a awm ve bawk a ni.achhan chu sual setana ram a nih mai piahlamah eden bawhchhiatna rahchhuah vek a lo ni bawk a,chumi natna hrik chuan khawvel hi a tuam khat tlat a, kan lo vei ta a ni. i kawng zawng zawng ah Amah hre reng la,i kawng te chu a kawh hmuh zel ang che.Lalpa thu hi kan kawng atan êng a ni a,kan ke atan khâwnvar a lo ni reng mai bawk.he kan zinkawng thui tak kan zawh mekna ah hian sual hliam tuarin chauh châng ni awm ngei mahsela,kan tuhrah kan sengna,eden bawhchhiatna tuhrah in hringnun hi tuam khat tlat mahsela,hei erawh kan chan a zawng a hlu ber leh lâwmawm ber tur chu a ni,i damlai hringnun zinkawng chu LalIsua nen hmang dun thin la,i kawng a tihrualrem sak ang che nga,i kawng a tiêng ang a,i nun thim a lo êng ang a,i natna lâkkian in a lo awm ang a,Isua nen a i damlai ni zinkawngah hian in lêndun thin zel phawt chuan i nun chu a lo thawveng ang a,i nunkhua a lo nuam ang a,nuam ti tak in he lei a vânram nun chu temlâwk in,vânram tlafual chên chungin hringnun i hmang zel tawh ang a,Isua nen chuan engmah hlauh tur a awmlo,engkimin a thupêk an awih thin si a,Isua nen engkimah ropuina i chang ang a,Isua nen engkim a lo fel vel vek zel bawk ang a,Isua nen engkim a lo tha vek mai dawn a ni tih hi hre reng la, Isua nen i nun chu a lo engthâwl(nuam ti tak a awm)ang. He hringnun khawvel hi ngaih tlâk leh innghahna tlâk a nilova,sualna ten bu an khuarna,sual leh ramhuaiten min nghaisakna hmun a ni a,a châkna chawp a boral mêk a lo ni reng si tih hi hre reng la, he khawvel hi i châmhlenna tur hmun a nilova,chatuan a Lalpa ram khi i hâwnna tur dik tak a nih zawk avangin chumi i hâwnna tur hmun neitupa,Lalpa duhzâwng angin hringnun hmang la,i lei hringnun zinkawng a lo nuam ang a,i lei damchhûng ni a lo tlâk hunin chatuan a a aia nunnuam vawrtâwp hmang chatuan tawh turin i lei taksa lo chhîng hlen in i vân taksa zawk chu a haw hlen tawh dawn a ni. KAN TUM VAN NUAM KAN THLEN HMA CHUAN 🕊🌿🌹🌺🌸🌼🌟✨💫🌤🙌🏻👼🏻🚶‍♂👑✝🛐💖❤ KAWNGTLUANIN ISUA NEN

PATHIAN INPUANNA-1(THILSIAM LEH THU HMANGIN)

THILSIAMAH Isaiah 41:4 Atir ata chhuan zawng zawng kovin, tuin nge thawk a, ti zo? Kei LALPA, a hmasa ber leh a hnuhnung bera hnêna awm hi, a titu chu ka ni. He thu ah hian engkim siamtu chu Pathian hnena awm a nih thu kan hmu. Genesis 1:1 Atîrin Pathianin lei leh vân a siam a. Hetah hian a tir a lei leh van siamtu chu Pathian a nih thu kan hmu. John 1:10 Ani chu khawvelah a awm, khawvel ama siam a ni, khawvelin amah a hre si lo. Hetah hian khawvel siamtu Pathian chu he khawvelah a lolên lai khan khawvel chuan a hre miahlo a ni tih thu kan hmu. Isaiah 45:7 Eng ka siam thin a, thim pawh ka siam thin a ni; remna ka siam thin a, sualna pawh ka siam thin a ni; kei hi LALPA, chung thil zawng zawng ti thintu chu ka ni," tiin. He thu ah hian engkim,hmaih neilova sual thleng pawh a siam fai vek tu Pathian a nih thu tarlan in a awm leh a. John 1:3 Engkim azain ama siam a ni;thilsiam zawng zawng hi ama siam loh engmah a awm lo. Hetah hian engkim siamtu,siamloh engmah neilo Pathian kan hmu leh a ni. Psalms 19:1-3 Vante khian Pathian ropuizia chu a hriattir a; Boruak zau tak khian akut chhuak chu alantir thin a. Chhun hian chhun hnêna thu a sawi chhawng zel a, Zan hian zan hnênah hriatna a lan chhawntir zel a, Thu sawi rêng rêng leh tawng rêng rêng a awm lo va; An aw chu benga hriat theih a ni lo. Hetah hian Pathian chu thilsiamin Pathian ropui tak a nih thu a lantir a ni tih kan hmu. Romans 1:20 A thil hmuh theih loh (a chatuan thiltihtheihna leh a Pathianzia chu) khawvel siam tirh ata fiah taka hmuhin a awm a, thil siamah chuan a lang a ni; chuvang chuan chhuanlam tur an nei lo; He thu hian thilsiam(nature)ah ngei hian Pathian chu hriat theih in a awm a,chu chu nature siamtu a nihzia tarlan a awm chu a ni.chuvangin Pathian ka hrelo ti a chhuanlam tling engmah a awmloh thu kan hmu a ni. Psalms 8:1 Aw LALPA, kan Lalpa, Lei chung zawng zawngah hian, i hming chu a va tha êm! I ropuina chu van chungahte khian i dah a.Psalms 8:3 I van, i kut chhuak te, Thla leh arsi i ruathote khi, ka ngaihtuah chang chuan, He thu ah hian Pathian chu thilsiam ah a inhriattir ngei thu kan hmu leh bawk a ni. PATHIAN CHU A THILSIAMAH A INPUAN AVANGIN PATHIAN HRELO AN AWM THEILOVA, THILSIAM(NATURE)A AWM HRIA CHUAN A SIAMTU(CREATOR) PATHIAN(GOD)CHU AN HRECHIANG NGEI ANG.CHUVANGIN CHHUANLAM TUR AN NEILO A NI THU AH Isaiah 55:11 Chutiang b awkin ka ka atanga ka thu chhuak chu a awm ang: engmah tih nei lovin ka hnênah a kir leh lo vang a, ka duh ang chu a tizo zawk ang a, thil ti tûra ka tirhnaah chuan a hlawhtling bawk ang. Hetah hian Pathian chuan a thu chu a tirchhuak a,thiltih nei ngeiin a hnenah a kir leh ang a ti a,a thu chu a tirchhuak a,a inhriattir a ni. Psalms 147:15 A thupêk chu leiah hian a tir chhuak a; A thu chu chak takin a tlan thin.Psalms 147:18-19 A thu chu a tir chhuak a, chung chu a titui a: A thli a tlehtir a, chutichuan tuite chu a lo luang thin. A thu chu Jakob-ho hnênah a lantir a, A thuruatte leh a rorêlte pawh chu Israel-ho hnênah a lantir thin. He thu ah pawh hian a thu chu a tirchhuak a,amite hnenah thu hmangin a inhriattir tih thu kan hmu. Psalms 107:20 A thu chu a tir chhuak a, anni chu a tidam thin a, An boralna tûr atate chu a chhandam thin. Hetah hian a thu hmang a tihdamna leh chhandamna a thlentir thu kan hmu. Hebrews 4:12 Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a,thinlunga ngaihtuah leh tumte hi a hre nghal thei a ni. Hetah hian thu thiltithei tak hmangin Pathian chu a inpuan zia kan hmu leh bawk. Luke 1:37 Pathian thu chhuak reng reng thil tithei lovin a awm lo vang," a ti a. Hetah pawh hian thu thiltithei chuan thiltih a nei ngei ang tih thu kan hmu leh bawk a ni.thu thiltithei hmang a inpuanna a ni. Romans 10:18 A nih leh, an bengin an hre lo vem ni? Hria e le, “An thawm chu ram tinah a thang a, An thu chu kawlkil thlengin a thang chhuak ta.” He thu hian Pathian thu chu an hriat vek tur thu min hrilh leh bawk. John 1:1 Atirin Thu a awm, Thu chu Pathian hnenah a awm, Thu chu Pathian a ni. Thu chu a tirin Pathian hnenah a awm a, chu thu chu Pathian a nih bawk thu he thu hian min hrilhfiah thlap a ni. Matthew 24:14 Tin, he ram Chanchin Tha hi hnam zawng zawng hriattirna turin khawvel zawng zawngah hrilhin a awm ang; chu mi zawhah chuan tawpna chu a lo thleng ang. Pathian ram chanchintha chu mi zawng zawng hnenah hriattir vek tur a ni tih thu chu hemi thu hian a sawi chiang hle. hrelo an awm dawnlo a nih chu. Matthew 24:35 Lei leh van a ral ang a, ka thu erawh chu a ral lo vang. Hemi thu hian Pathian Thu ropui chu a boral lovang tih a sawi a,chutia a boral loh si chuan a inpuang chhuak reng tihna a nih chu. Psalms 119:105 I thu hi ka ke atânte hian khawnvar a ni a, Ka kawng atân eng a ni. Pathian Thu hi kan kawng atana êng leh kan kawng kan hmuh theihna tur a khâwnvar ang a lo ni reng mai. ENGPAWH NISELA,A VERSE DANG PAWH A LA AWM FOVANG A,HE KAN RIN BIBLE THU HI PATHIAN THU LEH THU HMANG A PATHIAN INPUAN THEIHNA A NIH TLAT AVANGIN LEH HE BIBLE THU ATANGA PATHIAN NIHNA LEH A CHANCHIN TE KAN HRIAT THEIH AVANG HIAN KAN CHHIAR FO TUR A NI.CHUAN,BIBLE I CHHIAR THIN CHUAN PATHIAN CHU THU HMANG A A INPUAN TLAT AVANG HIAN PATHIAN CHU I HRE FIAH CHAUH DAWN A NIH CHU.

PATHIAN KAN RIN THEIH DAN

ENGTINNGE PATHIAN HI KAN HRIAT A, KAN RIN THEIH? Romans 1:19 Pathianin a hriattir tawh avangin Pathian chanchin hriat tur mi chu an rilruah hriattirin a awm si a. He thu ah hian Pathian chanchin hriattir a awm tur mi chu an thinlungah Amah Pathian zawkin a hriattir thu kan hmu. Romans 8:16 Thlarau ngei chuan keimahni thlarau nen Pathian fate kan ni tih min hriattir thin; He thu ah hian Pathian Thlarau chuan Pathian fate kan nih min hriattir thu a sawi a. Romans 8:28-30 Tin, Pathian hmangaihtu, amaha ruat anga a kohvate tan chuan, an thatna turin engkimin a thawhsak hlawm thin tih kan hria; a hriat lawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan. Tin, a ruat lawkate chu a ko bawk a; tin, a kohvate chu thiam a chantir bawk a, tin, thiam a chantirate chu a chawimawi bawk a. Hetah hian Pathian chuan ama tâ tur te chu a kohva,a ruatlâwk a,thiam a chantir a,Ama Fapa ang tak a awm tura a siam thu kan hmu a ni. Romans 9:11 naute chu an la pian hmaa, chhia leh tha an la tih hmain, thiltih vang ni lovin, a kotu duh vang zawkin, thlan lam thu-ah Pathian thu ruat chu a ngheh theih nan He thu hian Pathian thlan kan nihna chu kan pianhma in a nih thu a sawi. Romans 9:15-18 Ani chuan, “Ka khawngaih apiang chu ka khawngaih ang a, zah ka ngaihna chung apiangah chuan zah ka ngai ang,” tiin Mosia hnena a sawi si kha. Chuvangin a duhtu avang a ni lo va, a tlantu avang a ni hek lo, a khawngaihtu Pathian avang a ni zawk e. Pathian Lehkha Thuin Pharaoa hnenah chuan, “He mi avang ngawt hian ka tungding chia, nangmahah chuan ka thiltihtheihna ka entir theihna tur leh, khawvel zawng zawnga ka hming a than theih nan,” a ti si a. Chutichuan Pathianin a duh apiang a khawngaih thin a, a duh apiang pawh a tiluhlul thin a ni. Hetah hian Pathian thlan kan nihna avang zawka Pathian ta kan nih thu kan hmu. Romans 10:17 Chutichuan rinna chu hriatna avangin a lo awm thin a, tin, hriatna chu Krista thu avangin a lo awm. Hetah hian rinna chu hriatna avanga lo awm a ni a,chu chu Krista Thu avangin a lo awm a ni tih thu kan hmu.Krista Thu chu chhandamna chungchâng kha a ni mai.a thi a,min chhandam a,a tholeh a, chumi avang chuan Thlarau Thianghlim kan lo nei ta a,Pa dinglamah a thu a, a mi te tan hmun a han siam ang a,a siam zawh ah a mi te a lo lam leh ang tih kha a ni mai.chumi hriattirna thu chu Pathian in an thinlungah a hriattir thu kan hmu.chu chu a thu hmalam a ka sawi khi a ni. 1 John 5:10 Pathian Fapa ringtu chuan mahniah hriatna a nei a ni, He Thu a mahni a hriatna neih hi Pathian hriattirna an thinlunga an chan bik vang a ni tih chu a thu hmalam ah khian a verse ka dah e. 1 John 4:19 Amahin min hmangaih hmasak avangin kan hmangaih a ni. Pathian in min hmangaih hmasakna kan channa chu Pathian kan hmangaih lêt ve theihna a lo ni reng zawk mai. John 15:16 Nangnin mi thlang lo, keiman ka thlang zawk che u a, va rah tur leh in rah awm reng turin ka ruat bawk a che u; ka hminga Pa hnena in dil apiang a pekna tur che u in. He thu ah hian a zirtirte kha Isuan a thlang a,a zirtirte hnenah Amah Isua kha an thlanloh thu leh Amah zawkin a thlan thu a sawi a,John 15:19 Nangni khawvela mi ni ula, khawvelin amaha mi a hmangaih tur; khawvela mi in ni si lo va, khawvela mi ka thlan chhuah zawk che u avang hian khawvelin a hua che u a ni e.tiin a sawi leh a,khawvel ami kha a zirtirte ni turin Isuan a thlang a nih kha. AWLE,KA UNAU DUHTAK,MI PIANGTHARLO HI PATHIAN THLANG TUR A I SAWM CHUAN ZIRTIRNA KALSUAL A NIH DAN HE BIBLE CHÂNG HIAN CHIANG TAKIN A HRILH CHE A NI.TIDIK IN INNGAI MAHLA,I TIDIKLO ZAWK A NI TIH HRE VE TAWH LA,ZIRTIRNA DIKLO ZAWK IN KA LO KAL RENG A NI TIH LO HRE FO TAWH ANG CHE. PATHIAN HI I THLAN LEH I RIN HMASAK A NILOVA,AMAH AVANG ZAWK A NI TIH HRE RENG LA,KAN THLAN HMASAK ANGA ZIRTIR IN MI HNIAL TAWH SUH.I KALSUAL ZAWK TIH INHRIA ANG CHE AW.

RINNA PATHIAN MIN SIAMSAK LEH MIHRING ATANGA CHHUAK RINNA

1 Thessalonians 2:13 He mi avang hian bang lovin Pathian hnenah lawmthu kan hril bawk thin, Pathian thu kan hnen ata in hriat, in pawm lai khan, mihring thu pawmin in pawm lo va, Pathian thu pawmin in pawm zawk avang khan; chu chu Pathian thu a ni reng a, nangni a ringtute chhunga thawk bawk thina chu a ni. Hemi thu ah hian rinna chungchâng a sawi a,chu rinna chu a ringtute chhûng a thawk bawkin chu a nih thu kan hmu.he rinna hi Pathian hnen atanga chhuak a ni kan ti thei ang.achhan chu,heta rinna a tih hian a ringtute chhûngah a thawk a, Pathian an rin theih nan,mihringa rinna ang mai mai a ring lova an rin avang khan leh chu an rinna chuan Pathian ringtuten Pathian an rin theih nan a an chhûnga kha rinna khan a thawh vang a ni.hetiang rinna hi mihring atanga chhuak nilovin,Pathian atanga kan dawn,mihring chhûng a thawktu a ni tih hemi thu hian a sawi chiang hle a ni. 1 Timothy 4:10 Chutichuan, Pathian nung chu kan rin avangin kan thawk rim a, kan bei hram hram a ni si a; ani chu mi zawng zawng Chhandamtu a ni a, a ringtute Chhandamtu a ni deuh ber mai. Heta rinna a tih hi english ah chuan hope, beisei a ti a ni.chupawh lo ni se,hei hi Pathian lam a beiseina nghah emaw ring tiin sawi ve ta mai ila,hei hi mihring atanga chhuak a ni kan ti lo thei lovang. Acts 16:31 Tin, anni chuan, “Lalpa Isua ring la, tichuan chhandamin i awm ang, nang leh i chhungte nen,” an ti a. Heta rinna hi mihring atanga chhuak(Believe tiin english ah a awm)a ni leh bawk. Hebrews 11:1 Tin,rinna hi thil beiseite awm ngeia hriatna,thil hmuh lohte hriatfiahna a ni. Heta rinna a sawi hi english ah chuan Faith tiin a sawi ve leh thung a,heta rinna ah hian thil kan beisei chu a awm ngei a ni tih hriatna a ni ve thung tlat mai a,thil hmuhloh hriatfiahna a ni tlat mai hian mihring atanga chhuak rinna(believe)a nilova,Faith(Pathian min pêk rinna) a ni kan tilo thei lovang.tunge thil hmuhloh te hrefiah ngâi a,thil beisei te awm ngei a hrelâwk khiau ngâi?mihring a rinna atang chuan thil ni thei a nilo hrim hrim tih kha mifing tân pawh hai rual a nilo a ni. Hebrews 11:6 Nimahsela, rinna lovin ama lawmzawng mi nih rual a ni lo; Pathian hnena lo kal chuanin, ani chu a awm tih leh zawngtute hnena lawmman pek hmang a ni tih rin tur a ni. hetah hi chuan rinna chu chi hnih in a then a,pakhat chu rinna chu neih ngei chi a nih leh neihloh chuan Pathian lâwmzâwng mi nih rual a nilo a ti a,adang leh chu rin tur a ni a ti leh a,hei hi english ah chuan Faith leh believe in felfâi takin a rawn thliar hrang nalh mai a,a hmasa zawk hi Faith(Pathian min pëk rinna)a ni a,a hnuhnung zawk hi keimahni atanga chuak rinna(Believe)a ni thung tiin a rawn dahfel thlap mai a,a tha hle mai.a duh chuan hemi site ah hian a en theih ang. https://www.biblestudytools.com/hebrews/11-6.html Isaiah 40:31 LALPA nghaktute erawh chuan an chakna chu an siam tha leh ang a; mupuite angin thlain an thlawk chho vang a; hah lovin an tlan ang a; chau lovin kein an kal ang. Hetah hian Lalpa nghâktute a ti a,hei hi english ah chuan Hope(beisei)tih a ni.a para hmalam a rinna ka han tarlan pawh kha heta nghâk tih nen hian a inang leh reng thova,chu chu Hope tih ve ve a ni a, chu chu keini mizo ah chuan nghâk tih leh ring tiin kan han dah hrang ve ve a,a sual tampui lo tho mai.1Timothea,4:10 kha Hope(beisei)a ni a,tuna mi verse pawh hi Hope(beisei)tho a ni.keini mizo bible ah ve thung chuan nghâk tih leh ring ti a lehlin hran ve ve a ni. Psalms 37:3 Lalpa chu ring la, thil tha ti rawh; hei hi english bible ah chuan Trust in the Lord and do good tih a ni a,a lâr hle mai. ENGPAWH NISE KA HAN SAWILAN DUH CHU:mizote hian rinna tiin kan sawi vek mai a,Hope hi beiseina a ni tih chu kan hria a,Trust-hei hi innghat em em pawh ni hranlo,tihsak leh thawhsaktu neih vang a ring pawh ni em em chuang lova pâwng rin bur mai ang chi hi a ni kan ti thei ang. hei hi mihring leh mihring inkâr a hman tamber rinna a ni.Believe-hei erawh innghat rinna,tihsak leh thawhsaktu neih avanga chumi thawhsaktuna rinchhan/innghat,châwl,innghat nghet tlat hi a ni kan ti thei ang.hei hi sakhuana thil a hman bik deuh a ni thung.Faith-hei erawh chu christian te ah chuan a lâr hle a,rinna tho a ni a,bible in a a tarlan dan kalhmang enmil thlap chuan mihring leh mihring inkar nilo, mihringin Pathian a rinna a neih pawh nilo, Pathian hnen atanga a dawn a a dawn, chu chu kan hnen a min siamsak chu a ni a,chu rinna chu Pathian in lei mihringte a pêk niin a lang bawk a ni.mizo chuan rinna tiin kan sawi pawlh vek mai a,sâp ho chuan fel thlap in an lo then hrang nalh thei mai hi a tha hle a,Faith,Believe,Trust tiin.tihian a awmzia chu an hman dan thu kalhmang atang khan fel thlap in a inthen hrang nalh thei mai a,keini tan pawh a awmzia hriatfiah har tak a ni lemlo. Romans 10:17 Chutichuan rinna chu hriatna avangin a lo awm thin a, tin, hriatna chu Krista thu avangin a lo awm. Hetah hian rinna chu hriatna(hearing-benga hriatna)avangin a lo awm a,chu hriatna chu Krista thu(word) avangin a lo awm a ti a,chuti a nih chuan hei hi chu Krista thu,min tlanna leh chhandamna thu chungchâng kha benga hriatna avanga lo awm a ni a,chumi avang chuan rinna a lo awm thei a nih chu.hei hi english ah chuan Faith tiin a dah a ni. https://www.biblestudytools.com/romans/10-17.html He site page ah hian en ve mai rawh aw.ka source a ni pakhat e. https://www.biblestudytools.com/topical-verses/bible-verses-about-believing/ adang pawh duh chuan en tur a la tam ang a duh chuan google search in en ve mai nise.

HLUM BÊL A ROHLU

2 Corinthians 4:7 Nimahsela, thiltihtheihna nasatzia chu keimahni hnena mi ni lovin, Pathian ta a nih theih zawkna turin chu ro chu hlum belahte kan vawng a ni. He thu ah hian ro chu hlum bêlah te kan vawngtha thin a ti a,chu ro chu enge tih chuan,Pathian thiltihtheihna a ni tih a thu hmalamah hian chiang takin kan hmu ta a.chu thiltihtheihna chu Pathian ta ngei a ni a,chu chu ro hlumbêl a vawnthat angin an vawnthat tlat thu tarlan a ni.he thu a thil pakhat lolang ta chu hmanlai chuan an thilneih tha,ro chu hlumbêlah an dahtha in, an vawngtha thin niin a lang thei a,chu chu tehkhin nan a hmangin Pathian thiltihtheihna an hnena awm kha hlum bêl a ro hlu vawngthat ang in vawnthat tlat tur anih zia min kawhhmuh a ni. Galatians 6:17 Tun achinah hian tumahin mi tibuai tawh suh se; ka taksaah hian Isua chhinchhiahnate ka pu si a. He thu ah hian a taksa a Isua chhinchhiahna a put tarlan a ni a,kha a taksa kha chu lei a vaivut a siam a ni a 1 Corinthians 15:47 Mihring hmasa ber chu leia mi, leia siam a ni a; mihring pahnihna chu vana mi a ni.chu lei a siam vaivut ah chuan Krista Isua chhinchhiahna a pu tlat mai a ni.chu a taksa,lei a vaivut a siam ah chuan Krista chhinchhiahna ro hlu chu a awm ta a,chu chu kha a taksa hlum mai atanga dinah khan kha ro hlu tak,Krista chhinchhiahna a awm tlat si avang khan hlum bêl a rohlu a ni kan ti thei bawk ta a nih chu. Hrilhfiahtu thenkhat te chuan keimahni hi engmah kan nihloh zia leh keimahni hnena Krista lopiang emaw lo awm emaw ang pawn an sawi tho bawk a,chu chu Isua pianna mâri chungchângah khan tarlang tel lawk bawk ila,Mâri kha nula narân ve mai,tukhawkha hriatloh a ni a,mahsela, vân chuan nula thianghlim ah a puang tlat a ni.engvangmaw tih chuan,ka nun hian Lalpa a châwimawi e.ka thlarau pawh mi chhandamtu Pathian chungah a lâwm ta em em a a tih kha a ni.(Luka,1:46,47).kha nun kha Mâri chhûngah a awm tlat mai kha a ropui hle a,kha nun a neih avang khan nula thianghlim ti a vân in an pawm chu a ni tih a chiang ta reng mai a ni. chuan,adang leh ah chuan Josepha leh Mâri te chu mihausa leh neinung leh mite hriat hlawh a miropui tih a sawi tur an nilo chung leh mirethei,dai kilkâr ami ang lek an nih lai khan LalIsua,Pathian Fapa meuh pianna leh enkawltu,lei a a nu leh pa atana Isuan a rawn thlan chu an ni mauh mai si a,chuvangin,hlum bêl a rohlu tih ah hian hetiang lam hawizâwnga zeh tel hrâm tha in ka hre bawk a ni. Acts 3:6 Nimahsela Peteran, “Tangka leh rangkachak engmah ka nei lo; nimahsela ka neih chhun ka pe ang che: Nazaret Isua Krista hmingin kein kal tawh rawh,” a ti a. He thu ah hian an neihchhun Isua chu thiltihtheihna neitu a ni tih a chiang leh ta a,tangka leh rangkachak aia rohlu chu an neihchhun Nazaret Isua chu a ni a,chu chuan thiltihtheihna nasa tak a nei a ni. chutah an neihchhun Nazaret Isua chu tangka leh rangkachak aia hlu anih zia chu kha tangka leh rangkachak an pêk aia hlu, chu rohlu Isua Krista thiltihtheihna avanga a kutdawhna ata a dam tâk thu kha he thu a kan hmuh thil ropui lutuk mai chu a ni a, chuvangin,hlum bêl a rohlu ah hian kan zep tel leh hlek duh a ni. Psalms 40:17 Kei zawng rethei leh pachhe tak ka ni a, Nimahsela LALPAN mi ngaihtuah thin a: Nang chu mi tanpuitu leh mi chhanhimtu i ni a; Aw ka Pathian, rei rial lul suh ang che, He thu ah hian mirethei tak chuan ngaihtuahtu,ngaihsaktu Lalpa a nei a ni. chuvangin a neih Lalpa chu atân rohlu a ni kan ti lo thei lovang. Psalms 46:1 Pathian chu kan inhumhimhna leh kan chakna, Mangan laia tanpui vartu hnai reng a ni. He thu ah hian Lalpa chu atan chuan engtiklai pawh a tanpuitu leh a chakna leh a inhumhimna a nih si chuan atan hei aia rohlu hi a awm thei lovang. Romans 6:23 Sual man chu thihna a ni si a; Pathian thilthlawnpek erawh chu, kan Lalpa Krista Isua zarah chuan, chatuana nunna a ni. He Thu ah hian chatuan a nunna chu Pathian thilthlâwn pêk hi a ni a,chu chu a Fapa Isua Krista zâr a kan chan chu a ni. hei hi mihring tungchhova kal te rohlu ber chu a ni e.John 3:16-17 Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e. Romans 14:17 Pathian ram chu ei leh in lam thu a ni si lo va, felna te, remna te, Thlarau Thianghlima lawmna te a ni zawk e. He thu ah hian Pathian ram chu ei leh in thu lam a nilo,felna,remna leh Thlarau Thianghlim hnathawh avanga lâwmna te a ni.a ti a,chu chu mihring tungchhova kal tawh phawt tân a duhawm leh tha lutuk a ni a,heta hlum bêl a rohlu ah pawh hian thilneih lam sawina ang reng a nih avangin zeh tel a rem hle a,ka han zep tel leh hrâm duh e. Revelation 3:11 Ka lo kal thuai dawn e; tuman i lallukhum chu an laksak loh nan che i thil neih sa kha vawng tlat rawh. Heta thil neihsa chu enge tih chuan chatuana nunna a ni.John 3:36 Tupawh Fa ring apiangin chatuan nunna an nei tawh; nimahsela tupawh Fa thu awih lo apiangin nunna an nei lo vang a, Pathian thinur an chungah a awm reng zawk a ni,” a ti a. John 5:24 “Tih tak meuhvin, tih tak meuhvin ka hrilh a che u, tupawh ka thu hriaa mi tirtu ring chuan, chatuana nunna a nei tawh, thiam lohvin a awm lo va, thihna ata a chhuak a, nunnaah a lut ta zawk a ni. Tichuan hlum bêl a rohlu chu enge ni tih chuan Krista chu a hnuk pui ber a ni kan ti lo thei lovang,ka han tarlan tâk zawng zawng khi mah atanga chhuak vek a ni a, amah avanga awm vek a ni bawk.chumi ah chuan he lei taksa engmah nilo leh hlum(vaivut)atanga siam mai ni bawk ah hian hlum bêl a rohlu vawng tlat ang khan kan rohlu Krista a nuntak,chatuan nun kan neihna leh Amah a chhinchhiah a kan awmna chu kan vawng tlat tur a lo ni e. hlum bêl mai kan ni a,ro hlu chu Krista a ni si a.Hlum bêl chu a hlu teh vaklova,a chhûnga 1 Peter 1:4 rochan chhe thei lo, bawlhhlawh kai lo, chuai thei lo, vana in tana khek chu hmuhna turin;tiamchin lam chu i pan talh talh ang u.(Philippi,3:14)

MIHRING THINLUNG A TLÛKNA RAHCHHUAH CHU TAKSA AH A LANG A NI

TLÛKNA CHUNGCHÂNG Tlûkna hi sâp tawng chuan offence a ni a,chu chu a breach of law tihna a ni.chu chu mizo tawng chuan dan bawhchhiatna a ni. 1 John 3:4 Tupawh thil tisual apiangin dan pawh a bawhchhe thin; sual chu dan bawhchhiatna a ni si a. Luke 17:1 Tin, Isuan a zirtirte hnenah, ‘Tluknate hi awm lo thei a ni lo; nimahsela tlukna awmtirtu chung chu a pik e! He Thu hian tlûkna hi a awm tur reng a nih thu min hrilh a,tlûkna awmtirtu setana chung a pik e a ti a ni. Tlûkna hi mihring pâwnlam taksa hmuhtheih a kan thiltihsual rahchhuak avang hi nge chhûnglam a kan rilru/thinlung atanga lo awm zawk le? Bible châng nen i bihchiang teh ang u. Mihring pâwnlam thiltih rahchhuah hi nge thinlung atanga lochhuak sual avanga kan taksa a kan puitlin tâk hi tlûkna zawk le? Ka han sawi duh chu mihring taksa hi rilru/thinlung duhzâwng ang zel a che leh rilru/thinlung in a a kaihhruai mai mai a ni tih hi a ni. Pâwnlam a lang thei,kan taksa thiltih rahchhuak,midangin a an lo hmuh leh hriat hi thinlung/rilru a kan vei leh kan lo ruahman leh tumlâwksa diam tawh a ni tih hi ka sawi duh a,taksa hi rilru/thinlung in a thunun famkim a,thinlung a tlûkna rahchhuak chu taksa ah a lolang chhuak ta a,thilsual ti reng reng hi an thinlungah an tlu hmasa tawh a ni.chu chu Bible atangin kan enchiangin kan zirchiang dawn a ni. BIBLE CHÂNG TARLAN Matthaia 5:28 Kei erawh chuan, tu pawh ngaih châka hmeichhia melh apiang chu, a thinlungah a uire tawh reng a ni tih ka hrilh a che u. He Thu hian mihring chu a taksa a a thiltihsual rahchhuak awm hma in a thinlungah tlûkna,tumlâwksa a nei reng tawh a ni tih min hrilh a ni. For Example atan Davida in Uria nupui inbuallai a hmu tâi a,a thinlungah uirena, sex hmanpui duhna leh châkna a khat a lo nei a,chu chu a takin a tihlawhtling ta ngei tih kan hmu. 1 John 3:8 Thil tisualtu chu diabolaa chhuak a ni; diabola chuan atir ata thil a tisual si a. He Thu hian thil tisualtu chu diabola/setana hnen atanga chhuak a ni a ti a, chumi awmzia chu,diabola/setana duhzâwng tiin,setana thu a awih a, setana lamah a tang a,setanan a thinlung a neih tawh,a hmin tawh tihna lam a ni âwm e. Genesis 3:6 Tichuan hmeichhia chuan thing rah chu ei mi a ni tih leh, mit la tak a ni tih leh, mi tifing tûrin thing rah îtawm tak a ni tih a hriat chuan thing a rah thenkhat chu a lo va, a ei ta a; tin, a pasal a pe ve a, a ni pawhin a ei ve ta a. He Thu ah hian Evi khan thingrah chu ei mi tak leh mitifing tur tih a hmu a,a it ta em em a nih kha. Chuvangin,a thinlung ah chuan a tlu fel dêr tawh a,a ngaihtuahna mit chu sual tihchâkna a khat zo tawh tih a chiang a ni.thingrah a ei hma khan a thinglung chu tlûkna sual tûr in a bualkhat zo tawh tih a chian em em na chu a hmuhna mit khan a tichiang hle a ni. Jakoba 1:15 Tin, chakna chuan no a pai a, sual a hring thin a; tin, sual chuan a lo puitlinin thihna a hring thin. He Thu ah hian mihring sual a tlu châkna chuan no a pai thu kan hmu a,chu no chu sual a ni.chu sual tûr chuan a lo puitlin in thihna, chu chu chatuan a hremhmun a luhna chu a hringchhuak a ni a ti a,chu sual a tlu châkna chu sual tûr fanchhuah a ni a,chu chu no a pâi tih kha a ni.sual chu a hringchhuak a ti a,chumi awmzia chu taksa a sual duhzâwng tih rahchhuak chu a ni.chuan,a lo puitlin chuan thihna a hring a ti leh a,chu châkna sual chuan setana duhzâwng tih duh leh châkna a khat a pâi a,chuan taksa in a tarlang zui ta a, chuvang chuan chatuan a thihna ah a lût ta a ni.chu chu a tawng tluang pângngâi chu a ni e. Thil dang ber aiin i thinlung veng tha rawh, Nunna lo chhuahna a ni si a. Thufingte 4:23. He Thu ah hian kan rilru/thinlung chu ven that ngai a ni a,chu rilru/thinlung chu nunna lochhuahna a ni a ti a,chumi awmzia chu,heta nunna a tih hian i taksa pâwnlam lang thei thiltih thununtu a nihzia a tarlanna a nih chu. Matthew 15:11 Ka a lut chu mihring tibawlhhlawhtu a ni lo va; ka a chhuak chu, chu ngei chu mihring tibawlhhlawhtu a ni zawk e," a ti a. Matthew 15:16-20 Tin, ani chuan, "Tun thlengin nangni pawh hriatna nei lovin in la awm cheu maw? Kaa lut apiang chu pumah a tla thla a, dailennaa paih chhuahin a awm tih in hre lawm ni? Kaa chhuakte erawh chu thinlungah a lo chhuak a ni; chung ngei chuan mihring a tibawlhhlawh thin a ni. Thinlungah hian ngaihtuahna sualte tualthahnate, uirenate, inngaihnate, rukruknate, heknate, sawichhiatnate a lo chhuak si thin a; Chung chu mihring tibawlhhlawhtu a ni; kut sil lova chaw ei erawh chuan mi a tibawlhhlawh lo ve," a ti a. He Thu ah hian mihring bawlhhlawh chhan,taksa pâwnlam lang thei a a thil tihsual rahchhuah nachhan chu thinlung atanga a tlûk hmasak tawhna ngei a ni tih Isuan min hrilhfiah ta a ni.thinlung/rilru a tlûk hmasak tawhna chuan mihring a tibawlhhlawh a,rilru/thinlung a tlu tawh chuan duh leh châk tak in setana duhzâwng an zâwm zui ngei thin a ni. chu chu a takin taksa ah a puitlin zui nghal thin tih Isuan a sawi ah hian a chiang em em a ni. Thinlung a tlu tawh reng reng chuan an taksa pâwnlam lang thei ah duhthlanna an nei thei tawhlova,an thinlung chu tlûkna sual chuan a tibawlhhlawh in,sual tûr in a bual khat zo ta vek a,tichuan thinlung a an tlûk tawhna chu a tak in taksa ah an tilang chhuak zui ta a ni.