BIBLE CHHIARDAN TUR KAIHHRUAINA

*BIBLE CHHIARDÂN TUR KAIHHRUAINA*

------Lalthanliana----

(Mamawh leh tangkaipui kan awm tâkin)

*Nitina Nun Kaihhruaina Tûra Dân Rangkachak* - Mat 7:12

*Kristian Chhungkaw Chungchâng* - Eph 5:22 - 6:4

*Nupui Leh Nu Entawntlâk* - Thufingte 31:10-31

*Inneihna Leh Inthenna* - Mat 19:3-9, Malakia 2:14-16

*Uirêna Sual* - Thufingte 6:23-33

*Hnathawktu Leh A Chhawrtu Inkâr* - Kol 3:22 - 4:1

*Sumdâwnna Leh Eizawnna* - Sam 15

*Khawvel Laka Thenhranna* - 2 Kor 6:14 - 7:1 & 1 Joh 2:15-17

*Thil Rinhlelhawm Laka Thutlukna Dik Siam* - Rom 14

*Kristiante Rahchhuahna* - Johana 15

*Chunglam Finna* - Jakoba 3:14-18

*Kristiante Mawhphurhna* - Rom 12 & 13

*Ngaihtuah Hmasak Tur* - Mat 6:25-33

*LALPA Theihnghilh Sawhkhawk* - Hosea 4:1-11

*Indona Rah* - Jakoba 4:1-4

*Thupek Ropui Ber* - Mat 22:36-40

*Krista Thupek Thar* - Johana 13:34-35

*Dân Pawimawh Ber (Royal Law)* - Jakoba 2:8

*Kristiante Hmangaihna* - 1 Kor 13

*Pathian Ropuina leh Mihringte Tlinlohna* - Isaia 40

*Tlanna* - Lev 16, Rom 5

*Piantharna* - Johana 3

*Rinna Avanga Thiamchanna* - Eph 2:1-10, Gal 2:16-21

*Krista Berampu Tha* - Sam 23, Johana 10:1-18

*Puithiam Lalber Anga Krista Hnathawh* - Hebrai 4:14-16, 9:11-15

*Krista Inphahhnuaina leh Chawisânna* - Phil 2:5-11

*Krista a Muhilte Thawhlehna* - 1 Kor 15, 1 Thes 4:13-18

*Krista Lokallehna* - Mat 24, 2 Thes 1:7-2:12

*Rorelna Hnuhnung Ber* - Thup 20:10-15

*Lei Thar leh Van Thar* - Thup 21 & 22

(Hmanhmawh angreng taka ka buatsaih ania a kimchang tawklo viau ang tih chu ka ring a, mahse heng hi a tlanglawn tak chu anni ve thawkhat chuan ka hria. Belh tur pawh tamtak in hre nual ang ka ring.)

BIBLE EMERGENCY NUMBER

Bible Emergency numbers:

☎📞I lungngaihin-Johana 14
☎📞Mihringin a tihbeidawn emaw a tihlungngaih emaw chein-Sam 27
☎📞Suala i tlu a nih chuan-Sam 51
☎📞I mangang a nih chuan-Matthaia 6:19-34
☎📞Dinhmun hlauhawma i awmin emaw hlauh i neih emaw chuan-Sam 91
☎📞Pathian hi hla ta riaua i hriat changin-Sam 139
☎📞I rinna tihchak i ngaih chuan-Hebrai 11
☎📞Mal tak leh hlau taka i awmin-Sam 23
☎📞I lo phunchiar ta viaua i huatthu a lo chhiat em em chuan-1 Korinth 13
☎📞I ngui chang leh chuang bik nia i inhriat chuan-Rom 8:31-39
☎📞Thlamuanna leh hahchawlhna i duh chuan-Matthaia 11:25-30
☎📞Khawvel hi Pathian aia ropui leh lian zawka i lo hriat hlauh chuan-Sam 90
☎📞Thutiam i siam duh a nih chuan-Rom 8:1-30
☎📞Thil țul vanga in i chhuahsan chuan-Sam 121
☎📞I tawngtaina te khan i hma i lo sial thei a,a lo huam zim lutuk thei-Sam 67
☎📞Thil engemaw ti tura huaisenna i mamawh chuan-Josua 1
☎📞I sum neih te khan i rilru an luah tlat chuan-Marka 10
☎📞I mihringpui te chunga i awmdan tur i hre duh a nih chuan-Rom 12
☎📞Hun tha leh hun remchang i chante i hre duh a nih chuan-Isaia 55
☎📞Paula nun hlimna thuruk i hre duh a nih chuan-Kolosa 3:12-17
☎📞Kristian i nihna chungchang thua hriat duh i nei a nih chuan-2 Korinth 5:15-19
☎📞I nun a nguia i beidawn chuan-Sam 27
☎📞Rah duhawm tak chhuah i duh chuan-Johana 15
☎📞Sum i lo tlachham a nih chuan-Sam 37
☎📞Mi rinna i lo tlachham ta a nih chuan-1 Korinth 13
☎📞I chungah midang te an nunrawng viaua i hriat chuan-Johana 15
☎📞I hna chungchanga i lo hnual a nih chuan-Sam 126
☎📞I lo chapoa khawvel hi i lo hmu lian viau a nih chuan-Sam 19.

🔴Awle....heng emergency number te hi i thian tu emaw khan a lo mamawh viau maithei asin...a mamawhte hnen a thlen ngei theih nan thawn darh zel ila...tiraw😊😊😊

DAMLAI PIALRAL

DAMLAI PIALRÂL
@*<>*@☆♡☆@*<>*@

Awle,a hmasa in he țawngkam ka han lâkchhuah nachhan tak pakhat chu he țawngkam bungrua hi han ngaihtuah thûk deuh ilang chuan thil ni tak tak thei,thleng tak tak thei,thleng tak tak thei silo ang deuh si hi a ni a,a thleng tak tak thei a,a thleng thei hauhlo bawk a ni.chumi atân chuan nang leh kei hian hlutna leh pawimawh riauna kan lo nei a, chumi ah chuan hemi thu a tak a thlentir theitu leh thlentir thei ngailotu kan ni thei dawn tihna a lo ni thei ngei ang.mawhphurhna leh kova tla tihhlawhtlin ngai awm apiangte tihlawhtling zeltu kan nih vek angai dawn tihna a ni.mifel famkim leh țha famkim awmbik veklo mah ila,nun erawh siamțhat a,tihdanglam theih a ni an lo ti țhin.

Engemaw chenah i nun chhûngril a țhatna hlu tak leh nunmawi em em awm turin nangmah ah mawhphurhna leh thuneihna engemaw tal i nei tih hi nangmah ngeiin a i hriatchhuah tur a ni.
Adawtleh atân chuan hemi țawngkam mawi leh duhawm em em mai,Damlai pialrâl tih thumal lochhuahna chu pi leh pu te ațangin a ni a,hemi țawngkam awmze dik tak ah chuan,hmanlai a kan pi leh pu ten a pialrâl rihsâng kai an lo tih ang,pialral an lo suangtuah dan chu,anmahni phâktâwk ah chuan a fai sa rin a awm der der a ni.a awmzia chu,buhden leh buh țhâp a ngai tawhlo angin an lo ngai a ni. Chumi țawngkâm in a a tum ber leh a han kawhzâwn tak chu nuam tinrêng chen a ni tawp mai a ni.hnathawh ngailo, engmah tih leh thawhhah ngai tawhlova a awmsa ring a chen hem hem chu a ni deuh mai âwm e.a awmsa pawh kâm thei tawhlo,awmbelh zel thei zâwk ring a,mahni duh ang ang ring a nuamsa tak a awm chu a ni.

Kristian kan nih hnu a Pialrâl kan lo ngaihdân ve thung chu,engkimah zalên leh nuam ti tak a khawsak a nun hman theihna leh nun hahdam leh nuam lutuk a hman theihna, vânram,Pathian chênna hi a awm a nih kan lo hre ta a,chu chu fiah takin bible in a sawi mai a ni lova, engkim Siamtu Pa Pathian in kan chhûngril nunah a Thlarau in min puannghehsak ta a ni. Chu chu Fapa Isua Krista thihna thisen hlu tak kan chan vâng liau liau a ni.
Adawtleh atân chuan damlai pialrâl leh vânram tlafual hi thu thuhmun reng a ni a, sawidân dang mai chauh a ni.hemi Thu lochhuahna pakhat dang leh chu engdang nilovin nula leh tlangval inngaihzâwnna thil, hmangaihna lamtluang chu hruikhat vuan a,hlim leh lawmna nun insiam leh neidûn tawn a,nuam ti tak a hringnun hman a,nupa kawpchawi nih thleng pawh a nunnuam leh hlim tak a hmanral zawh ralraih duhna thinlung ațanga lo awm a ni bawk.nang nen rûnhmun lêngdun in damlai pialrâl i chên dûn ang tih ang chi kha a lo chhuak ta a ni.

Pi leh pu te nunah ve thung chuan nun hahdam tak a awm a, engdangmah lungkham leh rilru hahna nei hauh lova nuam thal a nun zalên tak a he lei damchhûng nun hmanral raih duhna țawngkam bungrua a lo ni ve bawk.
Kristian kan lo nih hnu pawn he damlai pialral,vânram tlafual, lei eden hian hmun a la chang reng in,kan nun chhûngrilber min fanchhuak thei turin hmun a la chang reng fo a ni.kan nunah nghet takin a inphûm tawh a,Kristianna a loluh achinah pawh he duhthusâm țawngkam bungraw duhawm tak leh hlutak hian kan mizo lei damchhûng ah hmun a lo châng in,kan suangtuahna rauthla lêng min fanchhuak a,duhthu aiang sâm nan kan lo hmang chhunzawm ta zel a nih hi.
Awle,pi leh pu te leh kristian nunah leh inngaihzâwnna thil a kan han tarlan dan ațang hian hemi țawngkam bungraw thlum tak leh duhawm tak hi a hrang lova,a inang khat tlâng hle bawk a ni.chuti a lo nih si chuan kan duhthusâm mai mai atãn mai nilo,a tak tak a awm a thleng thei ang hial a ngaihna pawh a awm ngei a ni.

Heti hian han sawi dawn teh ang.mihring nun hian hemi țawngkam duhawmtak hi a tawngbaw thei in,a chang thei ngei thova, chumi ni thei tur chuan mitin hian mahni ah mawhphurhna liantak a nei a,chu chu mahni aia midang ngaihsakna nei tawn vek ilang,mahni in a kan duh ang kha midang chungah pawh thlentir ve duhna a khatliam chungin rilru țha leh thiltih țha in inhmangaihtawnna dik nen lêngza vek thei ilang chuan chutiang ang deuh typr chuan kan lei hringnun zinkawng hi kan hmangliam reng thei ngei tur hi a ni a, mahselangin,thawk lova neihbelh zel theihna erawh a awm thei dawn chuanglo a ni.engkim,mahni duhang thâl a lên theihna pawh a awm thei ngai dawn bawklo a ni.
Vânram kan lo suangtuah dan leh pialral kan lo suangtuah dan leh bible sawi ang a nuam chuan he lei hringnun zinkawng hi kan hmangral ngai dawn lova,bible chuan,he kan damchhûng hian Pathian nen a lêndun theihna,harsatna leh mangan,hrehawmna kârah pawh nunhlimna thurûk chan theihna leh rilru dik pu a midangte nen a nunnuam a lêndun a,inngeih dial dial a awmkhawm hi a theih thu a sawi ve bawk a, chutianga Pathian duhzâwng kan awm a, Krista a nun nei chung a Lalpa nen a kan lêndun zel phawt chuan,(chu chu Thlarau Thianghlim hruaina kan tih hi a ni.)leiah pawh vânnun temlâwkin,vân malsawmna te kan chang thei tih chu kristian kan lo nih hnu a Bible a kan hmuh leh chhüngril nun a Lalpa inpuanna kan chan chu a ni.

I DUHTHUSÂM THLENG THEI TUR CHUAN PATHIAN,LEI LEH VÂN SIAMTU HNENAH NUN NEI LA,A HMING ROPUI LANNA TURIN A DUHANG ZELIN NUN I HMAN ANGAI TIH CHU KAN PATHIAN THU IN MIN HRILH A, CHUMI NUN NEIH THEIHNA CHU PATHIAN NEN THILTHEIH A NI BAWK TIH BIBLE IN MIN HRILH BAWK A NI.

HE LEI AH HIAN NUNKHAW NUAM A LÊNG TURIN NUN TAM NEI LA,LAL PATHIAN A NUN NEI CHUNGIN AMA DUHZAWNG ANG IN HRINGNUN HMANGLIAM ZEL FO LA,LALPA AIA THLAN LEH DUH NEILO LA,I NUN HMAN LEH I HUN HMAN AH NIHLAWHNA LEH HLIM LEH LAWMNA THUHRÛK CHU I LO CHHAR ZEL FO NGEI ANG TIH LALPAN A THU AH A TIAM CHE A NI.

Vân Manna ka chhar țhin.

KAWNGTLUANIN ISUA NEN
😇🙏👼🍂💞🌸🌷🌺🚅🛥🚘🚎🛫🚶💖💐💫⭐️

MIHRING NUN LEH LALPAN MIHRING A A THILTUM CHU

Mihring chuan hmangaihna tâwpchin a nei a, Lalpan a mite hmangaih tâwplovin a hmangaih tih bible in min hrilh.

Mihring chuan kan nun diklolai chiah kan inhmuhsak a, Lalpan dik ah min puang thung a ni.

Mihring chuan kan sualna leh țhatlohnalai inhmuhsak a sawi nuam kan ti țhin a, Lalpa erawh chuan kan țhatna lai chiah min hmuhsak thung țhin a ni.

Mihring chuan kan thiltih tawh țhalo te kan inhmuhsak in kan inhriatsak reng a,Lalpa erawh chuan kan thilțhalo tih tawh țhin te chu a theihnghilh a,kan tun hun a Ama hming a kan thilțha tih te min chhiarsak in min hmuhsak thung a ni.

Mihring chuan kan chunga țhate chung chauh a țhatchhuah thei nun kan nei a, Lalpa lak a kan hmuh,kan neih theih siloh,kan duh hun hun a kan tihlan theihloh min pêk chu hmelmate chung pawh a țhatna dan zawk chu a ni.

Mihring chuan a chunga thilțhalo thlensaktu chu a ngaidam thei lova, Lalpa min pêk nun chu kan chung a thihna hial thlen duh tu leh min tiduhdahtute ngaihdam theihna nun chu a ni.

Mihring chuan a pûk a,a pe leh țhin lova, Lalpa chuan mi zawng zawng tan a thilțha leh hlu a thlensak a,a thlâwn in a pe.engkim(sual side pawh tiam vek in)neitu a nih vangin.

Mihring chuan a lang ram,midangte mithmuh,chawimawi leh lansarhna hmuna thilțha tih nuam a ti a,Lalpa erawh chuan a rûk, mi hmuhlohva thilțha ti turin min zirtir thung si a ni.

Mihring chu sualah a tlu a,sual a hneh theilo.Lalpa erawh Hnehtu Lal Ropui a ni.

Mihring chuan nun chapotak a nei a, Lalpa erawh chuan tlâwm ralraih turin min zirtir thung țhin a ni.

Mihring chuan a ti na a,a tuamdam leh țhin lova,Lalpa erawh Tidamtu a ni

HE NUN HI NANGMAN I DUH HUN HUN A I TIHLANCHAWP MAI MAI THEIH A NILOVA,LALPA INPUANNA I NUNA I CHAN ZELNA AȚANG ERAWH CHUAN A THEIH THUNG SI A NI.

LALPA NEN CHUAN ENGKIM TIHTHEIH A NI TIH BIBLE IN MIN HRILH VANGIN

🍂🍃🌷🌺🌸🙏🏻👼🏻👰🏻👸🏻🎅🏻👑🎓😇

LALPAN A THUTHLUN NAN AMI THLANBIK A NEI

Pathian chuan mihring a siam a,a nâwlpui a kan nihna chu Pathian fate, Pathian hnen ațanga chhuak kan nihna hi a ni.

Chu mihring a siam zawng zawng,khawvel a a dah zingah chuan chhuibîk a rawn nei ta hmiah mai a,chu chu khawvel chhandamtu pianna atan Israel hnam ni turin Abrahama ațanga kohchhuah a dahhran a chhui zui zelna kan hmu ta a ni.

Kan tûnlai hunah hian a nâwlpuiin khawvel a mi zawng zawng tân Fapa Isua Krista in min chhandam vek a, chumi chhandamna hna thawk tur leh Krista chanchințha hriltu tur hnam a rawn thlang leh ngei a,chu chu chi a tihthamloh,chi finglote tundin thar lehna a ni a,chu chu Thlarau a Israel thar chu a ni.

Mizote lo hi mission hna buaipui leh heti em a avaia hnam ang a Kristian hi an awm em?hnam tlêmtê leh chi finglo ni si,khawvel hriat a a tundin thar leh tur,Thuthlung Thar Israel chu.

Chûng mite chuan an nunah Pathian an dah pawimawh hmasa hle ang a,an nunah missionary rilru a awm nghet vek bawk ang.

Mizote hi kan nihloh chuan tumah an nilove.

Khawvel zawng zawng huap a chhandamna hnathawh sawivung ho leh tunlai hian hnam thlanbîk a neilova,avaia thlan vek kan ni ti ang zawng a kalpui thui tum ho hian Israelte țobul bihchiang deuh se,chu image(hlimthla)ngei mai chu a tak Krista avanga Thuthlung Thar Israelte lo la lang tur hlimthla chu a ni e.