THLARAU THIANGHLIM NEN A KAN INKAWMNA CHU

KEIMAH AH THLARAU THIANGHLIM CHUAN..

🕊🎸🎻🎺🎷🎧🎼

Enge i duhber tiin mi lo zawt a,chatuan nunna tiin ka chhâng a.

Enge i mamawh ber tiin mi zawt leh a, I hruaina tiin chhanna ka thawn a.

Enge i ngaihhlutber tiin mi han zawh leh chuan Lalpa duhzâwng tiin ka chhâng a.

Enge i tih țhin ber tiin mi zawt leh a, Pathian ram chanchințha puandarh zel tiin ka chhâng a.

Eng ber in nge i chhungril luahkhat țhin tiin mi zawt leh a,LALPA leh a Thu Thianghlim tiin ka chhang leh a.

I lei zinkawngah tu nen nge nun in hman țhin tiin mi zawh leh chuan Nangmah nen ka ti bawk.

enge i tlaina ber ti a mi zawh leh chuan Pathian ka a Thu tin chhuak tiin ka chhâng a.

I thih hun ah khawiahnge i awm a i rin ti a mi zawh leh chuan,Pathian hnenah ka awm ang ka ti a ni.

I lawmna leh hlimna enge ni ti a mi han zawh leh chuan Lalpa thiltih ka chan fona hi ka ti a.

I tan enge hluber tiin mi zawt leh a, Lalpa a hlu ber ka ti a.

Thlan tur awm ta se enge i thlan ang mi tih chuan i hruaina a awm zel tiin ka chhang ve tawp mai a ni.

i lei hringnun zinkawngah hian tunge i țhianțha ber ni a i hriat mi han tih chuan.Nangmah ka ti tawp mai.

I vânneih ni lo inherchhuah fo chhan enge ti a mi han zawh leh chuan Lalpan mi thlahthlam ngailoh avangin tiin ka chhâng ta a ni.

tunge engtiklaipawh a i bul a awm tlat reng țhin hriat i neih mi han tih chuan, Nangmah tiin ka chhâng leh ta a ni.

KAWNGTLUAN IN ISUA NEN

🌾🌺🍁🍂🍃🌿🌸
KEIMAH AH THLARAU THIANGHLIM CHUAN..

engtiangin nge i awm țhin ti a mi han zawh chuan,i tello chuan ka khua a har țhin tiin ka chhang tawp mai a ni.

Eng thil nge i tawh țhin mi ti a mi han zawh chuan thlemna leh harsatna ka tâwk fo țhin ka han ti leh pek a.

Chutia harsatna leh thlêmna hmuna i awmlai chuan engtianginnge i awm țhin min ti leh a,ka thla a phâng țhin a ni ka ti tawp mai.

Chutia i thlaphân hun chuan enge i dinhmun ram tiin mi han zawh chuan,ka daipelh lek lek a,rinhlelhna chhûmpui in mi bâwm țhin tiin ka chhâng leh ta tawp mai a ni.

Chutia i han awm a, tawrhna leh sawichhiatna hmuna i han awm chuan hrethiam tu che hringmi zingah an awm ve em?tiin mi han zawh leh chuan, an awmlo,luaithli ka nul fo țhin,ka vân ruai ruai mai țhin ka ti a ni.

Chutia i awm chuan engtianga hrehawmin nge i awm mi han ti leh a,Lalpa mahni inkhawngaihna nen ka khat fova,ka mittui a rûkin a tla țhin ka ti leh ta mai.

Chutianga hrehawm a i awm chuan muantu i nei em mi han tih chuan,aw,Lalpa nangmah avangin ka thla muangten a châwl țhin ka tileh pek a.

Keimah avanga i thlamuanna chu engtianginnge i dawnsawn(feel) ti a mi han zawh chuan, vân nun ka temlâwk țhin ka ti leh ta hmiah mai a ni.

Chutiang ang harsatna zawng zawng lo hmachhawn a,lo dai ve tawhtu țhianțha tunge i neih mi han tih chuan, Lalpa Nang chauh ini ka tân țhian rinawm belh tur tak chu Nang lo an awm lo tiin ka chhâng ta hial mai a ni.

Tichuan min be tu chuan mi biakna chu a titâwp ta rih a,ka harh zawk a,ka tawnmang ram a lo ni reng mai a.

Thlamuantu Nung Ropui Krista Thlarau Thianghlim awmpuina avangin muangten zânmu lo chhing tawh la, Zing khua a lo var leh hun ah chuan i tân Hruaitu Nung Ropui ni turin i hnenah a awm leh bawk dawn a ni.

ISUA HNENAH KA HIM ANG

🙏😇 😊

PATHIAN DAN THIANGHLIM HI HNAWL A NILO

PATHIAN DÂN THIANGHLIM HI HNAWL A NILO <>÷<>÷☆♡☆÷<>÷<> THUTHLUNG hmasa chu sawiselbo nilo sela chuan, THLUN nawn a ngailo tur tih hi mi tam tak in PATHIAN DAN THIANGHLIM hi hnawl a ni tawh,mosia hnena sinai tlâng a a pêk THUSAWM PÊK kha a hnawl a,a thaibo tawh an ti țhin.a nilo,a hnãwl bawklo a ni.a tinghet deuh deuh zawk a,chu chu FAPA ISUA KRISTA tlanna chuan kan hnenah a tinghet deuh deuh zawk a ni. An hnenah ka awm ang a,ka dân thianghlim ah chuan ka lêntir ang a ti a ni. THUTHLUNG HMASA sawisel a a hnawl dan chu: He chatuan Dân Thianghlim hi a hnawl a nilova,a thaibo heklo,FAPA tlanna zârah THLARAU THIANGHLIM chuan kan hnenah a tinghet ta deuh deuh zawk a ni. Chu chatuan Dân Thianghlim a kan awm theihloh,tlu tawh hnu lei a vaivut ho ten a Lalpa Dân Thianghlim kan zawm theihloh avangin Thuthlung Thar a siam ta a,chu Thuthlung Hlui hnâwl chu chatuan Dân Thianghlim hnawlna a ni hran lova,kha chatuan Dân Thianghlim zawm kim avanga(mihring thiltihțhat hmang a) Pathian lung tihawi theihna Thu a thlun kha a hnawl zawk a ni.a chhan chu,an theihloh vang leh an theih siloh vanga thiamloh changa an awm tur ai Pa Pathian chuan Ama Fapa neihchhun Krista Isua, Chatuan Fapa tak hmang khan tlanna hna a thawk a,chumi zarah chuan Pa lamah chu Chatuan Fapa tak thisen thianghlim chuan thiamloh chang kan nihna thinurna berhbu chu a han phelh ta(silfai)a,chumi ah chuan Pa lungawi kum hun lâwmawm chu lei mihringten a famkim a kan chan theih nan Thlarau Thianghlim pêk tiam chu kan lo chang ta a, chumi Thlarau Thianghlim chuan kan hnenah hna a thawk a, chu Pathian Dãn Thianghlimah chuan kan lolên leh theih nan leh Pathian Dân Thianghlim zâwm leh thei turin kan hnenah kan chakna leh theihna ni tawhlo in Ama chakna in hna min thawhsak ta a,min pui ta a,chumi Thlarau Thianghlim chakna rinchhan chuan Pathian Dân Thianghlim chu kan nun kaihruaitu atan kan lo hmang leh thei ta chauh a,chu ngei chu Pa lungawina mihring lama luangkawp ta leh Lal lungawi kumthu chu a lo ni ta a ni. Chatuan Fap chuan Pa Pathian lamah thisen hmang in silfaina hna a han thawk a,chumi tlanna zarah bawk chuan Thlarau Thianghlim chuan sual hneh thei tur leh Pa Pathian Dân Thianghlim a lêng leh thei turin leh zâwm leh thei turin hna a thawk/min pui/min thawhsak/zawmtir ta a,chu ngei chu Lal lungawi kumthu,hliam te tuam dam a an awmna,Damna famkim leh thiamchantirna hnathawh ropui tak chu a ni. RORELNA LOTHLENG TUR KA HLAULO, THIAMCHANLÂWKNA KA NEIH VÂNGIN, TUNGE KA LALPA HMA AH MIN HÊK ANG,A TA KA NI,KA TA A NI SI. Ti a lawm em em a Pathian Dân Thianghlim a i lo awm leh theihna ngei kha Pa hnen i thlen leh theihna tur chu a ni. Chu chu Chatuan Fapa tlanna nung ropui,khawngaihna avang chuan Pathian Dân Thianghlim zâwm kim theilo țhin, tlu leh țhin,tisual leh țhin nimahla,chu FAPA tlanna thisen thianghlim zara Thlarau Thianghlim ah chuan khawngaihna hnathawh kan tih,kha chatuan Dân Thianghlim zâwm kim theilo nunsual a khat, tluchhe tawhhnu lei mihring te thiamloh chang tur kha kha Chatuan Fapa tlanna thisen zar a a hming ringtu,tlan nih leh thiamchang ni a inhriatna nung nei, fa nihna tak changtute chu tisual leh țhin mahsela,kan tân kaihthawh lehna chance,tihsual leh țhin avanga thiamloh changa thi mai tur ai khan khawngaihna, hriatthiamna nung ropui lutuk tak mai, kan phuloh chu min siamthar sak ta a,chumi zar zo chuan Pathian Dân Thianghlim ah kan lolên leh theih phah ta a,chu chu Thlarau puihna chu a ni ta bawk a ni. Chu ngei chu Thuthlung hlui hnawl a nih chhan(mihring thiltih hmanga Pathian Dân zawm tumna)chu a ni a, Thuthlung Thar siamchhan(Pa Pathian in Fapa tlanna nung ropui zar a Thlarau Thianghlim a kan hnena a Dân Thuruat a awm leh thei tur a hna a thawhna leh zawm kim theihloh avang leh tihsual leh țhin avanga thiamloh chang kan nih tawhlohna tur a khawngaihna ropui,hriatthiamna zau lutuk tak mai a hawn tâkna) chu a ni. Thuthlung hlui ah chuan mihring thiltih rah hmanga Pa lung tihawi tumna a ni a,an tihsual khan inthawi reng a ngai a,a hahthlâk em em a,an nun a châwl/thlamuang/zalên theilo.an tihsual a an inthawi loh chuan thiamloh changa thihna a ni.hei hi a hnâwl zawk chu a ni. Pathian Dân Thianghlim a hnâwl lam a nilo a ni. Thuthlung Thar ah chuan kha Pathian Dân Thianghlim kha zâwm a,nun zalên leh thlamuanna famkim, thiamchang nih inhriatna nung nei chung,Fapa thisen a tlan,fa ni tawh,ringtu, Fapa tlanna thisen thianghlim nung ropui ringtu,fatak ni a inhria, chhungril a vânkai tur nih inhriatna nei chunga thlamuang tak a Pa Pathian Dân Thianghlim a lên leh theihna,Thlarau Thianghlim puihna avanga Pathian Dân zâwm a lâwm thei leh nun neihna.chu Pathian Dân zâwmkim theilotu, tisual leh fo țhin lei a hringmi hnamze tinte tan a khawngaihna( hriatthiamna nasa tak mai)leh tlusawp leh tawh pawh kaihthawh lehna chu a lo ni ta a ni. KA LAWM E. DAVID DA LORD'S HOVER RENTHLEI

NUNHLIMNA THUHRÛK KA CHHAR VE TA

MIN DAWN PUI SILO KA CHAN RENG HI KEI KA THINLAI A NA CHUANG E.. Hei hi a tak tak a thilthleng a ni e. Vawikhat chu mipakhat hian(a hming thup a ni e) Kan inkâwmdun a,a chanchin a a chhungten an tihdan tihian mi hrilh a,kei chuan ngun tak maiin ka lo ngaithla a.. A thilsawi chu hetiang hi a ni... Ka thiltawn leh keimah ah hian chhungril a natna siamsak in ka awm a, ka thiltawn lah chu a chhe zâwng lam hlir emaw tih mai tur hi a ni a,a hma chuan mihlimthei tak ka lo ni tawh țhin a,chu chuan ka nunah hlimni hmel ka hmuhna tur tam tak a lo hril tawh țhin. Nimahsela,hun a lokal zel a,thil duhawmloh tak ka chungah a lothleng a,bialnu ka nei ve a,chu nen chuan innei tur a insawirem tum mek kan ni tawh a,amah pawn a hnial hauhlo. Chutia hlimte a kan lêndun lai mek chuan hmelma ânka vâng liau liau in min țhen thei ang tih ngaihtuah pha hauh lova ka lênlai chuan țhenna thu a rawn sawi ta mauh mai,a chhan ka zawh lah in a sawi duh silova,a tâwi zawngin..ngawi reng a mi țhen avang chuan na hi ka ti em em mai a,khatia induhtak ni țhin kha enginnge a mawlh le ka hrethiam theilo,ka mittui hi a ruk in a sur zung zung mai a,ka hlimna chu lungngaihna in min thlâksak ta a ni.a tihngaihna ka hre theilo,ka han phone dawn a,mi chhang duh tawh silo,na hi ka ti hle a,ka ngaihtuahna kalthui zel ah chuan ruihhlo a inhnem zai ka rel ta a, a hma chuan ruihhlo khawih ngai ka ni miahlo,ka piantharloh avangin chulam chuan ka lung a len ta mauh mai a ni.a tir chuan ka inthiamlo hle a,ka han ti chho zel a,a ngawl ka lo vei ti tih ta mai a ni. Chutia ruihhlo ngawl vei a ti ta reng mai chu ka chhungte ngaihdan a pêl ta nge ni,keimah a awm natna kha min hriatpuilo lêk in min ngaisa a,ka hlim duh leh ruihhlo lam a ka tlân tâk zel na chu an thin a rim em em mai a,ruihhlo khawih ngailo ka han khawih regular ta chu an tan chuan hnawksak ka lo tling ta hial mai a ni tih hriat tak in police min man tir ta hial a, jail ah te min dah a, chulai pawh chuan ka nun chu a aia nasa in a hlimlo zual sauh mai a ni.ka chhungten a ka nun ruak leh khawhar ngawih ngawih,ka chunga thilthleng runthlâk tak avanga chutia ka awm sual ta chu min hriatthiampuilova,an tân hnawksak a min ngai ta ngawt leh chutia natna min la thlensak zui chu keichuan na hi ka ti hle a,keimah a na tawrh awm tawhsa tih nâk alai leh tihreh duh,reh thei silo awm tawh a lai a chutia ka chhungte ka thlamuan ve na leh ka innghahna ten ka nun min dâwnpui lo leh hriatthiamlohna avanga hliam damthei tawh ngailo tur min siam belh sakna avang pawh chuan ka rilru chhungril ber hi a kehchhe zo ta vek mai a ni.chhungkua a ka nihna hlu tak ka lo inngaihhlut ve na zawng zawng pawh chu keimah ah ngaihnêpna min siam a,min phehchimsak ta a ni. Hun a lokal leh deuh hnu chuan thilo a ruangin jail ka tânna hrehawm tak a natna tuar a thi tawh tur a ka inngaih lai chuan Pathian țhatna avangin ka chhuak ve leh ta hlawl mai a. Mahsela,ruihhlo ka khawih chu ka sim phahlo kher mai,a aia sual zual deuh deuh in ka awm leh ta tho a,a chhan chu ka rilru a a intuhnghet em em chu ka natna pawh ka chhungten min hriatpui lova,chumi avanga ruihhlo bawih a tâng ka nihna zawk pawh hrethiam duh lova natna reh thei tawhlo min thlenbelhsakna chuan leh min dawmkâng zawk aia chutia hrehawmna hmun a min han dah chu na ka tih em avang chuan ka chhuah ațanga rei pawh nilovah chuan angai te bawk in ka nung chho leh a,a aia nasa sauh in ka ti leh ta a ni. A tawi zawng zel in aw... Chutia ruihhlo ka tihlai pawh chuan ka hlim thei chuanglo,ruih a lo reh a,eng ka nilo,a aia nasa rilru natna dangah ka lûtthuk zel a ni. Chuan,an duhber chu chhandamna ka chan aiin an duhdan ang a mițha tluak tak ang a awm chu a ni mai a, campingah te min luhtir a,reilote ah angai bawk ah ka lut leh tho.Pathian lam ka hawi thei mawlh rihlo a ni. Chutia ka ruihhlo khawihleh zual zel avang chuan home ah min hnawhlut leh a,ka thinlung chu min hliam zual zel ta a ni. Ka rilru takah chuan aw..!!!ka chhungril natna min hriatpui a min dawmkâng tu tur hi awm mial tak ang maw he hringchan khawvel hrehawm ka dai mêk ah hian.awm se chuan ka tan dam man a awm ve deuh tur,intihlum ila chatuan hremhmun ah ka kal dawn bawk si tih ka hre pha tho bawk si.tuilai ka rap a, kal ngaihna reng ka hre theilo,natna hlir leh hrehawmna thuah tam tak ka chungah a lothleng reng ni hian ka inhria a,phurrit in min delh a,ka zolo a ni,ka chhungril a na a, engmah reng hian hlimna min thlen thei dawnlo a nih hi tiin ka suangtuah rauh rauh mai a,chutia rei tak home a ka awm hnu chuan ka chhuak leh ta hlawl mai a,ka chhuahni a lo inherchhuak chu ka thaw huai mai a ni Chutah ka han chhuak leh a,hun rei pawh nilovah a ngai te bawk ah ka tâl chhunzawm leh a,ka chhungril nun chu a hma aiin a na lehzual zel hi a ni ringawt,ka ruihtheih thil tih lai pawh chuan ka hrehawm reng tho mai a,ka harhfim hnu chuan aw..!!hetia awm reng hi ninawm bawk si,ruih lah a sâwt silo,nunkhaw nawmna tak tak ka nei thei chuanglo a,ka chhungte tan mi hnawksak ka ni a,tuman ka chan ram min hriatthiampui turin hun min pe duh silo,na ka va han ti tak em..!!tiin a ruk te hian ka mittui hi a far leh fap fap țhin a ni.a ti. Chutah le,ka rilru in vân Pathian chu ka au ve tawp mai a,Pathian i awm tak tak a nih chuan he hrehawmna lak ah hian min chhandam rawh.ka piangthar ve duh a, nun nuam hman ve ka duh ka ti ve tawp mai a,min puitu tur ka mihringpui mi pe rawh ka ti a,chutah amah chu ka hrelova, ka awmdan hrethiam em em mai kawm tur ka hmu hlawl a,ka nun engkim mai chu ka chhungte pawh ka hrilh duhloh,ka ruihhlo khawih chhan chu ka hrilh ta mial mial mai a ni.chuan min hrethiam in ka awmdan tur ang chu a hrethiam hle tih a hmelah chuan a lang reng mai a,chutah ka zawng zawng in ka inphawrh fai ta vek a, kan inkawm chhung chuan ngun takin a lo ngaithla a,hriatthiam hmel tak leh min ngaihsak hmel tak maiin mi ngaihthlâk sak a,ka thusawi zawh ah chuti zawk chu tih leh nundan țha nei tur a LalIsua a nuntak neih a țulzia te,hlimna hmu tur a LalIsua hnena awm zel leh a thuawih dan te mi kawhhmuh ta melh melh mai a,ka nun chu a veng hawk a,nuam hi ka ti hle mai a ni.chutah,LalIsua ka lo rin ve na satliah mai kha sakhuana leh vân kaipui tlâkloh,ka natna lakiang zolo rinna satliah anih thu min hrilh ta a,rinna tak nei tur a inhrilhfiah aiin keiman a Pathian dawrna tak nen nun inbunruak a LalIsua hma a kûn a țulzia min hrilh a,Lalpa ka mamawh tak tak che i ti dawnia.a chhâng ngei ang che a ti ta a, chuan kan vêngah camping an buatsaih dawnlai a ni a,ka duhna leh tuihalna neihna avangin keima duhna ngeiin campingah chuan ka lut ve leh ta a,chutah chuan a mi hrilh ang chuan LalIsua a chu ka zawng zawng in ka dawr ve ta a,chuta țang chuan nunhlimna thuhruk ka lo chhar ve ta,ka nun ruak chu tihkhah in a lo awm ta a,Lalpa ah nuntak tak ka lo nei thei ve ta hlawl mai a ni tiin mi hrilh a,ngaihnawm ti takin ka lo ngaithla a, a hnu a hlim takin kan in mangțha ta a ni. Awle,ka han sawilan tâk duh chu,ka pi,ka pu,ka țhalaipui leh nu leh pa duhtak te u,in bula awm kha nun hah leh beidawnna a khat an lo nih reng theih avangin anmahni chhan thei leh an nun hrehawmna ațanga chhuak thei tur a i pui theilo a nih chuan natna leh hliam siamsak belhchhahtu nilo la,an tan țhiantha tak ni turin theihtâwp chhuah hram hram la, a zawng zawng in ngaihsakna tilang ang che.i țanpui na mamawh an lo nih ngat phei chuan hihe lovin i theihna zawng nen pui thei turin anmahni tan i nun hawng ang che. HE THU HMANG HIAN MIDANG TAN MALSAWMNA I LO NI VE TAWH DAWNIA AW KA ȚHIAN. David Da Lord's Hover Renthlei