PATHIAN IN JOSEPHA LEH MARI A RAWN THLAN CHHAN

PATHIAN IN MARI LEH JOSEPHA A RAWN THLAN CHHAN BIBLE CHÂNG REFER 

TIHIAN KA NGAIHTUAH A

Isua pian khan Mâri leh Josepha kha Pathian in Isua pian nan a rawn thlang a.

7.  Nimahsela LALPA chuan Samuela hnenah, "A hmel lam emaw, a san lam emaw en suh; ani hi chu ka duh lo a ni; LALPA chuan mihring en dan angin a en ve si lo a; mihring chuan pawn lam lan dan an en thin a, LALPA erawh chuan thinlung lam a en zawk thin a ni," a ti a.

1Samuela,16

6.  Ngai teh, chhungril lamahte hian takina i duh thin a: Tichuan lang lo lamah hian finna mi hriattir ang.

Sam,51

An inhmehpui ka ti miahlo vân Pathian Fapa lopian nan hian. mahsela,an chhûngril nun thianghlim leh lawm tlâk kha Pathian thlan an nihna chu niin a hriat theih tlat a ni.

8.  Thinlunga thianghlimte chu an eng a thawl e; Pathian an la hmu dawn si a.
Matthaia,5

26.  Unaute u, a kohna che u hi ngaihtuah teh u, tisa lama mi fing tam tak te, mi chak tam tak te, mi tha tam tak te koh an nih lohzia hi;
27.  nimahsela Pathianin khawvel thil ate chu a thlang zawk a, mi fingte chu a tihmualpho theihna turin; tin, Pathianin khawvel thil chak lote chu a thlang a, thil chakte chu a tihmualpho theihna turin;
28.  tin, khawvel thil chhia leh thil hmuhsitawmte, thil awm lote nen lam Pathianin a thlang a, thil awmte chu engmah loa a siam theihna turin;
29.  chutichuan Pathian hmaah mi tumah an inchhuang thei lo ang.

1Korinth,1

19.  Tichuan, a pasal tur Josefa chu mi fel tak a ni a, tlangthantir a duh lo a, a rukin bansan a tum a.
22.  Tin, Lalpa zawlnei kaah nula thianghlim chu a rai ang a, fapa a hring ang a, A hmingah Emmanuela an sa ang, tia a sawi kha.
23.  A lo thlen theihna turin chung zawng zawng chu a lo awm a ni. (Emmanuela chu kan hnena Pathian awm tihna a ni).

Matthaia,1

46.  Tin, Marin, "Ka nun hian Lalpa a chawimawi e,
47.  Ka thlarau pawh mi chhandamtu Pathian chungah a lawm ta em em a.
48.  A bawihnu hnam tlawmzia a hmu a, a khawngaih a; Ngai rawh, tun achinah thangthar zawng zawngin nihlawh mi ti dawn a ni.
49.  Mi chak khan ka chungah thil ropui tak mi tihsak a, A hming pawh a thianghlim a ni.
50.  A tihtute chu thangthar thlengin a khawngaih zel thin.
Luka,1

5.  He rilru, Krista Isua pawha awm bawk kha, nangmahniah awm rawh se;
6.  ani zawngin Pathian anga awma Pathian tluka awm chu thil thlakhlelh hleih theihah a ruat lo a,
7.  mihringte anga lo piangin, bawih angah a insiam a, amah leh amah a intitlawm ta zawk a.
8.  Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu.
Philipi,2

11.  Inngaihlu apiang an tlawm ang a; inngaitlawm chu chawimawiin an awm ang," an hnenah a ti a.
Luka,14

29.  Ka nghawngkawl bat u la, ka hnenah zir rawh u; thuhnuairawlh leh rilrua inngaitlawm tak ka nih hi
Matthaia,11

Inngaihtlawmna leh LALPA tih man chu sum te, chawimawina te, nunna te a ni. Thufingte 22:4.

RINNA CHUNGCHÂNG SAWIFIAHNA BIBLE CHÂNG QUOTE

RINNA CHUNGCHÂNG SAWIFIAHNA BIBLE CHÂNG QUOTE

Hetah hian miin Rinna(Faith) a neih chuan thiltih a nei tel ngei ngei ang a ti.châng 19 ah khan Rinna nei inti a,thiltih neilo chu engmah a nihlohzia a tarlang a,kha Pathian pakhat awm rinna kha rinna satliah mai chauh a ni tih a tarlang chiang.heta Rinna chu thiltih tello chuan thi a tih hian,kan rin hnu in thil kan tihpui leh ang tihna lam a ni hran lova,chu keimahni a Rinna tak awm chuan thiltih hmuhtheih a nei tel nghal ang a tihna a ni e

22.  Rinna chuan a thiltih nen a thawk dun a, tin, thiltih avangin a rinna chu a famkim ta tih i hria e.

Jakoba,2
Hebrai,11:1 Rinna chu thil beiseite awm ngei a hriatna,thil hmuhlohte hriatfiahna a ni,hei hi Thlarauva Pathian in keimahni a a hriattirna hi niin a hriat theih.Rinna pêk angin sawi theih a ni.a chhan chu, tuman thil hmuhloh an hrefiah ngai silova,thil beisei te awm ngei a hre tur chuan Pathian in min hriattir mai loh chuan engtinnge ni thei ang le?
Hetah hian Rinna chu chhandam nihna a ni tih min hrilh a,kan Rin avangin chhandamna kan chang dawn tihna a nih chu

31.  Tin, anni chuan, "Lalpa Isua ring la, tichuan chhandamin i awm ang, nang leh i chhungte nen," an ti a.
Tirhkohte Thiltih,16
hetah hi chuan Rinna chu kan control theih a nihzia min hrilh

32.  Johana chu felna kawngah chuan inhnenah a lo kal a, amah chu in ring si lo a; chhiahkhawntute leh nawhchizuarte erawh chuan amah chu an ring a; nangni'n chu chu in hmuh hnu pawhin amah chu in rin theihna turin in lamlet chuang si lo a.
Matthaia,21
15.  "Hun chu a lo thleng ta a, Pathian ram pawh a lo hnai ta; sim u la Chanchin Tha hi ring rawh u," a ti zel a.

marka,1
hetah hian Rinna chu Pathian min pek ngei leh kan danglamna tur a nihzia min hrilh leh a

2.  He khawvel dan ang hian awm suh u la; Pathian duhzawng, a tha leh lawm tlak leh, that famkim chu in hriatfiah theihna'n, in rilru athara awmin lo danglam zawk tawh rawh u.
3.  Pathianin mi pek khawngaihna avang hian in zingah tumah in inngaihhlut tawk aliama inngaihlu loin, Pathianin mi tin hnena rinna tawk a pek ang zelin fel taka ngaihtuah zawk turin ka ti theuh a che u.
Rom,12
hetah hian Rinna chu kan thiam channa tur a nihzia min hrilh leh a.

15.  tupawh a ring apiangin amah avanga chatuana nunna an neihna turin.
16.  Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh a, chatuana nunna an neih zawkna'n.
17.  Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e.
18.  "Tupawh amah ring chu thiam lohin an awm lo ang, tupawh ring lo chu tun apangin thiam lohin an awm, Pathian Fapa mal neih hming an rin loh avangin.

Johana,3
hetah hian Isuan rin tur tak chu Amah ngei a ni tih min hrilh

9.  Kei kawngkhar chu ka ni; tupawh keimahah a luh chuan humhimin a awm ang a, a lutin a chhuak ang a, a ei tur a hmu bawk ang.
10.  Ruk hmang chu, ru tur leh tihlum tur leh tichhe tur lo chuan a lo kal lo; kei zawng nun an neihna'n, tam taka an neihna'n, lo kal ka ni.
11.  Kei beram vengtu tha ka ni; beram vengtu thain beramte tan a nun a pe thin.
Johana,10
hetah hian Rinna chu Pathian lawm zawng a kan awmna leh Pathian kan hnaih a,kan zawn hmuh theihna leh kan Rin avanga lâwmman kan hmuh theihna  hnaiber anih min hrilh a ni.

6.  Nimahsela, rinna loin ama lawmzawng mi nih rual a ni lo; Pathian hnena lo kal chuanin, ani chu a awm tih leh zawngtute hnena lawmman pek hmang a ni tih rin tur a ni.
Hebrai,11
Hetah ve thung hi chuan Rinna chu kan awmna tur a nih min hrilh.

5.  Rinnaah chuan in awm emaw, nangmahni ngei inchhin thin u la; nangmahni ngei in fiah thin rawh u. A nih loh leh, nangmahniah Isua Krista chu a awm tih nangmahni ngeiin in hre fiah lo em ni? Duh loh in nih nghal loh chuan.
2Korinth,13
hetah hian Rinna chu Pathian felna kan hmuhna tura Mosia dân(Dân 10)zawmkim avanga thiam channa lak ata zalenna a ni tih min hrilh leh a.

4.  Krista chu a ring apiangte tan felna an hmuh theihna turin Dan tibangtu a ni si a.
5.  Mosia chuan, "Dana felna zawm chu, chu felna avang chuan a nung ang," tiin a ziak a.
6.  Rinnaa felna erawh chuan heti hian a sawi: "In rilruin, 'Tunge vanah lawn ang?' emaw (chu chu chung lam ata Krista hruai chhuk tur tihna a ni);
7.  'Tunge leilawtah chhuk ang?' emaw (chu chu mitthi zing ata Krista hruai chhoh leh tur tihna a ni) ti suh u," tiin.
8.  A nih leh,eng nge a sawi? "Thu chuanin a hnaih a che,i ka leh i thinlungah pawh a awm," tiin a sawi a ni; chu chu rinna thu kan hrilh thin hi a ni;
9.  "I kain Isua chu Lalpa a ni tih i tan a, Mitthi zing ata Pathianin a kai tho tih i thinlunga i rin chuan chhandamin i awm ang," tih hi.
10.  Miten thinlungin an ring a, felna an hmu thin a; kain an tan a, chhandamna an hmu bawk thin a ni.
11.  Pathian Lehkha Thuin,"Tupawh amah ring apiang an mualpho lo ang,"a ti a ni.
Rom,10
hetah hian Rinna chu hmanrua a ni tih min hrilh leh bawk a.

33.  chungte chuan rinnain ramte an la a, thil fel an ti a, thutiamte an chang a, sakeibaknei khate an tihchihsak a,
34.  mei thiltihtheihna an timit a, khandaih hriam lam an pumpelh a, chak lohna ata chak taka siamin an awm a, indonaah chuan mi hrat khawkheng an lo ni a, hnam dang indo pawlte an tlanchhiattir a.
Hebrai,11
4.  Pathian hrin tawh phawt chuan khawvel a ngam zel si a; hei hi a ni, khawvel hneha ngamna chu, kan rinna hi.
5.  Isua hi Pathian Fapa a ni tih ringtu chauh lo chuan tuin nge khawvel ngam thin le?
1Johana,5
hetah pawh hian Rinna chu Pathian hnen ațanga khawngaih thilthlâwn pêk kan dawn a nihzia kan hmu a,hetah hian khawngaih chhandamna kan Rinna chu chhamdamna a ni a tih rual hian kan thawhchhuah nilo,Pathian hnen ami kan dawn a ni tih min hrilh leh a ni.

8.  Rinna avanga khawngaihnaa chhandam in ni; nangmahni thawh chhuah a ni lo a, Pathian thilpek a ni;
Ephesi,2
hetah hian Rinna chu Pathian hnen ațanga lothleng ngei a nih zia kan hmu leh bawk a.

22.  Nimahsela, Isua Krista rin avanga thiltiam chu a ringtute hnena pek a nih theihna'n Pathian Lehkha thu chuan sual hnuaiah engkim a kharkhip ta vek a.
23.  Nimahsela, rinna a lo thlen hma khan, rinna la lang tur atan kharkhipa, Dan hnuaia ven kan nih kha.
24.  Chutichuan, rinna avanga thiam kan chan theihna turin Dan chu Krista hnen lama min kaihruaitu a lo ni a.
25.  Nimahsela, tunah rinna a lo thlen hnu hian, kaihruaitu hnuaiah kan awm tawh lo e.
26.  Krista Isua rin avangin Pathian fate in ni vek si a;
Galatia,3
Ephesi,4:5 ah chuan Rinna chu pakhat chauh,hmunkhat a chanho tur a nih min hrilh a,rindan hrang hrang leh Rinna hrang hrang a awmlohzia min hrilh leh a ni.
hetah hian Rinna chu Isua Krista min siamsak leh a tihfamkim a nih min hrilh leh a,kan chhel theihna a nihzia a tarlang tel bawk a ni.

1.  Chutichuan, chhumpui nasa tak ang thlirtuten min hual vel avng hian, min tihnawk apiang leh sual keimahnia bet tlat chu i dah ve ang u, tin, Isua, kan rinna siamtu leh tifamkimtu lam chu enin, kan hmaa intlansiakna tur awmah chuan chhel takin i tlan zel ang u.
Hebrai,12
hetah hi chuan Rinna chu innghahna a nihzia a sawilang a ni.

LALPA ringtu, a rinchhan LALPA ni erawh chu a eng a thawl e. Tui kiangathingphun, lui kama zungkai, Khaw lum lo thleng pawh hlau lo, A hnahte hring reng si, Khawkhen kum pawisa lo. Rah chhuah thulh chuang si lo anghi a ni ang. Jeremia 17:6-7.
hetah hian Isua rin chu chatuana nunna a ni tih a sawi leh a.

25.  Tin, Isua'n a hnenah, "Kei hi thawhlehna leh nunna chu ka ni; tupawh mi ring chu thi mah se la a nung reng ang;
26.  nung apiangin mi ring chu kumkhuain an thi lo ang; chu thu chu i ring em?" a ti a.
27.  Ani chuan a hnenah, "Ring e, Lalpa, Krista, Pathian Fapa, khawvela lo kal tura chu i ni tih ka ring e," a ti a.
Johana,11
hetah hian Pathian rin chu chhandamna kan hmuhna tur a Pathian thiltihtheihna a nihzia a tarlang.kan rin chuan Pathian thiltihtheihna kan chang ang a,chhandam in kan awm ang a ti a ni.

16.  Chanchin Tha chu ka zahpui si lo a; tupawh a ring apiangte tan chhandamna tura Pathian thiltihtheihna a ni si a; atirin Juda mi tan a ni a, tin, Grik mi tan pawh a lo ni leh a.
17.  Chu miah chuan rin lehzualna'n, rinnain Pathian felzia chu a lo lang a, "Mi fel chu rinnain a dam ang," tia ziak ang khan.
Rom,1
hetah hian Isua kan rin chuan kan mualpho loh turzia min hrilh leh a.

33.  "Ngai teh, Zionah chuan tlukna lung leh dalna lungpui ka dah a, Tupawh amah ring apiang chu a mualpho lo ang," tih ziak ang khan.
Rom,9
11.  Pathian Lehkha Thuin,"Tupawh amah ring apiang an mualpho lo ang,"a ti a ni.
Rom,10
hetah hian Isua kan rin chuan Pathian ropuizia kan hmu ang a ti a,kan Rin chuan kan innghat a nihzia a lang chiang hle bawk.

40.  Isua'n a hnenah, "I rin chuan Pathian ropuizia i hmu ang, ka ti lo che em ni?" a ti a.
Johana,11
Awle,He Bible Thu ka han quote chhuah ah hian Rinna chi 3 Faith(Pathian hnen ațanga lothleng)

Believe(Pathian kan rinna innghahna)

Trust(Pathian kan rinna)a tarlang a.

Believe hi Faith avanga lo awm niin,Trust hi Faith leh Believe avanga lo awm niin he Bible Thu ațañg hian a lang thei a ni.

Faith(Pathian hnen ațanga kan dawn Thutak Rinna nung)

Believe(Thiltih nei lova innghah tawpna)

Trust(hei chu rin hrim hrimna,thiltih a tel ngei thei bawk ang.) 

SUAL THU CHUNGCHÂNG BIBLE CHÂNG REFER

A hmasa in țawngțial lam lâwm deuh tân tlem a zawng thailang ve keuh ilang aw...

hamartia - /həˈmɑːtɪə/ in Hebrew

hamartia derives from the Greek(HAMARTIA CHU GREEK ȚAWNG AȚANGA LÂK A NI) ἁμαρτία, from ἁμαρτάνειν hamartánein, which means(A AWMZIA CHU) "to miss the mark" or "to err (mizoțawng chuan tum țhelh emaw sual/kalsual tihna a ni)

SUAL CHU CHAPONA A NI

12.  Aw 'varparh,' 'zing lam fapa,' engtizia nge van ata i tlak tak chu le! Hnam tin titlawmtu, engtizia nge lai sahthlaka i awm tak chu le!
13.  I rilruah chuan, 'Vanah ka chho ang a, Pathian arsite chung lamah khian ka lalthuphah ka chawi sang ang; tin, inkhawmna tlang, hmar tawp reta awmah chuan, ka thu ang a:
14.  chhum aia sang zawkahte khain ka chho ang a; Chungnungbera ang maiin ka awm ang, i tih thin vei nen khan.
15.  Nimahsela Seol-ah, khuarkhurum tawp retahte chuan, hruai thlakin i awm dawn si.
16.  A hmu che apiangin an en ngun ang chia, 'He mi hi maw lei tikhura, ram tin tinghing a,
17.  khawvel thlaler anga siama, a khaw awmte tiboral a, a salte an in lama kal tura chhuah ngai loa chu?' tiin, i chanchin an la chhut ang.

Isaia,14

TANGKA SUM NGAINAT HI SUAL TINRENG BUL A NI

10.  Tangka sum ngainat hi sual tinreng bul a ni si a; chu chu thenkhatten an awt a, rinna chu an kal bosan a, anmahni leh anmahni lungngaihna tam takin an inchhun tlang ta chuk a.

1Timothea,6
THIL TISUALTU CHU DIABOLA HNEN AȚANGA CHHUAK A NI

44.  Nangni zawng in pa diabola hnena chhuak in ni a, in pa duhzawng tih in duh a ni. Ani chu atir ata tualthat a ni, thutakah a awm lo, a chhungah thu tak reng a awm loh avangin. Dawt thu a sawiin ama tihchhuah a sawi a ni thin; dawthei a ni si, dawt pa pawh a ni.

Johana,8
8.  Thil tisualtu chu diabolaa chhuak a ni; diabola chuan atir ata thil a tisual si a,

1Johana,3
SUAL CHU PATHIAN PAWISAKLOHNA HI A NI

SUAL CHU THUPÊK AWIHLOHNA HI A NI

14.  nimahsela Adama awm achin Mosia awm thlengin, Adama bawhchhiatna anga thil tisual lote chungah pawh thihna chuan ro a rel thin. Adama chu lo la kal tura nen tehkhinna a ni.

Rom,5
6.  Thutak hriatna famkim chu kan chan hnua thil kan tihsual luih si chuan sualte tana inthawina a awm tawh hauh lo ang a,
27.  rorelna hlauhawm tak lo thleng tur leh dotute kang ral tur thinurna mei kan hmabak a ni mai.
28.  Mosia Dan thu pawisa lo mi chu hretu pahnih pathum emaw thuin, lainatna tel loin an thi thin.
29.  Pathian Fapa rap beta, thuthlung thisen amah tihthianghlimna chu thil narana ruat a, khawngaihna Thlarau tivuitu chu, chu mi ai chuan eng tia hremna nasa zawk nge tuar tlaka ruat tur nia inngaih?

Hebrai,10
10. Tin,ani chuan,"Huan a i thawm ka hria a,saruak a awm ka nih avangin ka hlau ta a;tichuan,ka biru ta a ni,"a ti a.Tin,Ani chuan,"Saruak inih tuinnge hrilh che?Thing rah ei loh tur ka tih tlat che kha i ei ta a nimaw?"a ti a.

Genesis,3
22.  Tin, Samuela chuan, "LALPA chuan LALPA thu zawm chu a lawm angin halral thilhlante leh inthawinate hi a lawm em ni? Ngai teh, inthawina aiin thuawih chu a tha zawk a, berampa thau aiin a thu pawm chu a tha zawk a ni.
23.  Helna hi aienthiamna sualte nen a inang a, luhlulna hi milem biak leh Pathian lem biak tluk a ni. LALPA thu i duh loh avangin ani pahwin lal atan a duh ta bik lo che a ni," a ti a.

1Samuela,15
SUAL CHU TISA DAN A AWMNA HI A NI

7. tisa duhzawng chu Pathian dona a nih avangin.

13. Tisa dana in awm chuan in thi ngei tur a ni;

8. Chutichuan tisaa awmte chuan Pathian an tilawm thei lo.

Rom,8
19. Tin, tisa thiltihte chu a lang fiah a ni; chung chu he'ng hi a ni: inngaihna te, bawlhhlawhna te, hurna te,
20. milem biakna te, dawithiamna te, huatna te, inhauna te, thikna te, thinurna te, inkhinna te, awm hranna te, rin hranna te,
21. itsikna te, zu ruihna te, zu hmun hlimna te, chutiangte chu: chung kawngah chuan tun hmaa, "Chutiang thil tih hmangte chuan Pathian ram an chang lo ang," tia ka hrilh lawk che u ang khan ka hrilh lawk che u hi.

Galatia,5

SUAL CHU DÃN PÂWN AMI(OUTLAW) A NI

20.  Tin, sual a lan lehzual theihna'n Dan a lo awm leh nghal a.
Rom,5

SUAL CHU DAN BAWHCHHIATNA A NI

4.  Tupawh thil tisual apiangin dan pawh a bawhchhe thin; sual chu dan bawhchhiatna a ni si a.

1Johana,3 

SUAL CHU TISA CHÂKNA HI A NI

“Mi tin mahni châknaa hruai bo leh hîpa an awm chuan thlêmna an tâwk a ni zâwk e. Tin, châkna chuan no a pai a, sual a hring ṭhîn a; tin, sual chuan a lo puitlinin thihna a hring ṭhîn,” tiin zirtîr Jakoba chuan a ziak a. (Jak. 1:14, 15) 

Sual chu Pathian vahbosanna hi a ni

6.  kan za hian beram angin kan vak bo a; 
Isaia,53

17.  LALPA i Pathian chuan kawnga a hruai lai che a, I tlan bosan avangin, Chu chu i chunga i thlentir a ni lo'm ni? 

19.  I suahsualna chuan a tuartir ang chia, I hnung tawlh thinna chuan a zilhhau vang che; Mi tihna nei loa LALPA i pathian i kalsan hi, Thil sual tak leh kha tak a ni tih hi, Lo hre chhuak la, hmu fiah tawh rawh, tih hi Lalpa, Sipaihote LALPA thu chhuak a ni.

Jeremia,2

23.  Sual man chu thihna a ni si a;

Rom,6 

KUMSÂNG LALRAM CHUNGCHÂNG JUDA TE AȚANGIN

ONE THOUSAND KINGDOM FROM HEAVEN IN THE EARTH(KUMSÂNG LALRAM HE LEI A AWM)TUR A RINDAN HI...

Hriat ve mai mai atân aw...

He khawvel hi Isuan ka ram a nilo a ti a,a ram nise,a țhuihruaiten an bei ang a,an hneh tawh ang.

Ka ram chu he khawvel ami hi a nilo.(Johana,18:36)

heta țang hian he khawvelah hian tûna i hman bâk hi a hran a vânram chen i tum em kum sângkhat Lalram hi.

Bible chuan kumsâng Lalram hi a sawi ka hre miahlova,a teuhber chu Thupuan,21-22 chhoh vel kha a ni a,kha Thu leh Thuthlung Hlui a Pathian sawi,an chhungrilah ka Thupek ka dah ang a,an thinlungah ka ziak bawk a g(Jeremia,31:33,34)

Ezekiela 46:25-ah chuan tihian a lo sawi a, “Tin, in chungah tuifim ka theh ang a, in bawlhhlawhna zawng zawng leh in milimte lak ata ka tlengfai ang che u.Tin, thinlung thar ka pe ang che u a, in chhungah thlarau thar ka dah ang; in tisa ata thinlung, lung anga sak chu kala bo ang a, thinlung tisa anga nem ka pe zawk ang che u. Tin, in chhungah thlarau thar ka dah ang a, ka dan siamah ka lentir ang che u a, ka thupekte chu in vawng ang a, in zawm ang,” tiin. Chubakah Ezekiel 37:23 en la “An milimte, an thil tenawm te, an bawhchhiatna tein an intibawlhhlawh ngai tawh hek lovang: an tluka an sual thinnazawng zawng ata ka chhan chhuak ang a, ka tleng fai ang,tichuan ka mite an ni ang a, tinkei an Pathian ka ni ang.Ka rawngbawltu Davida chu an chunga lal a ni ang a, an zaa chungah berampu pakhat a awm ang; ka thupekte an awi ang a, ka dan siamte an zawm ang a, an hmang ang,”tiin.

Thuthlung Thar a LalIsua khawngaih rorelna leh LalIsua tlanna(Chhandamna) changtute awmdan tur Sinai tlang a Pathian in Israel fate hnen a dan 10 a pek,avaia an zawmkim chauh a Pathian Thu awih an nih theihna tur a a pêk, lei mihring faten tuman an zawm theihloh kha Isua Krista chhandamna zara Thlarau Thianghlim puihna hmanga Pathian dan ka zawm leh theihna a sawina nen enmil ta la,kha Thupuan bung 21:1-7 thu kha i hrethiam ang.

khatah khan Past thing(Isua tlanna),Present thing(Thlarau Thianghlim chênchilh nun/khawngaihna/Thuthlung Thar) leh nakin hun Future thing(vânram chungchâng)a sawi a ni tih i zuk hmu thiam ang.

Kumsâng Lalram(One Thousand Kingdom) hi Kristian Thurin a nih ka hre miah lova, Protestant thurin ah ngat phei chuan a awmlo mai a nilova,an pawm lêmlo a ni.

He Thurin lopianchhuah dan hi Jews(Juda) ho chungchâng ațangin han sawilang dawn teh ang aw...

Juda te chu Rom awpna hnuaiah kum BC-27-AD-476 lai vel(The Period of Year) an awm a,khatih hunlai khan zâwlnei(Prophet)Isaia hnenah Lalthar a lopian tur thu hriattir niin Isua pian hma kum 600-700 vel lai kal tawh ah khan a lo sawi a, (Isaia,9:6,7)

Chuvang chuan Messia(Tlantu atâna Hriakthih)chuan chu Rom ho rorelna hnuaia an kûnna lak ata chhanchhuak a,an hmelma te chung a Isua Krista(MessiaH) hova he khawvel a ro an rel an inring a,banphar meuhvin ka tlan ang che u.(Exodus,6:6); chhinchhiahna a phelh ta.(Thupuan,5:5); leithar leh vanthar(Thupuan,21:1-7)

chutiang chuan an rindan chuan an Messia chu an lo hmuak ta a ni.an hmelma te tukdawl a, Rom rorelna ata chhuah zalen a an awm an inring a,he khawvelah Messia nen chuan rorelin an awm an inring a ni.

Mahsela,an rinloh tak maiin vân Pathian Fapa chu mirethei tak leh tukhawkha hriatloh daikilkâr a mi Mâri leh Josepha te kârah Isua Krista chu a lopiang ta a ni.

chuvangin an rinloh leh beiseiloh tak in vân Pathian Fapa chu a lokal ta daih si a,Isuan a rawngbawl lai khan hun thu an hriatloh thu leh Amah ngei kha an hai zia a hrilhfiah lawm lawm pawn an hrefiah chuang hauhlova,an Messia chu Kraws ah an khêngbet ta a ni.a lopian chanpha pawh a ni tak hrelo mahla,December,25 ah i hman ziah hi.

chuan a thih champha pawh Good Friday ah i hmang bawk a,ropui tak a a thawhlehna ni pawh Easter Sunday ah i hmang bawk a,Lal ang a Jerusalem a a luhna pawh a champha tak nilo mahsela,palm sunday ah i hmang fo bawk.

chutichuan chu Messia an hai avang chuan an hai ber in (Abrahama hnenah i thlah avangin khawvel thawvenna a la awm ang a ti a nih kha.)a tihtur engkim a tih zawh san ta daih a,vân ah Pathian hnenah a lâwn san leh ta daih si a.chuvang tak chuan chu an hai Messia chu an la hmuak reng a,he khawvelah a hova ro rel a an la awm an la rin reng na hi a rei ah Kristian țhenkhat te zingah thurin pui ber pakhat ang maiin a lo awm ta reng mai a ni.

I HRIAT RENG TUR CHU,HE THURIN(KUMSÂNG LALRAM)HI BIBLE AH ZIAHLANNA A AWM MIAHLO TIH HI KA HRILH DUH CHE A NI E

THU THILTITHEI CHU BIBLE VERSE REFER

A hmasa a ka han sawilan duh chu kan thusawi leh kamchhuak hian thil a tithei a,chu kan thusawi chhuah chuan thiltihna hmun tur a mamawh a ni.

chutia i kamchhuak reng reng chu taksa nei ang in thil a ti ngei dawn a,ho lam takin a ral dawnlo a ni tih hria la,i țawngka chhuak ah fîmkhur țhin la, midang chunga țawngka uchûak leh țawngkam țhalo leh duhawmloh i chhâkchhuah mai mai chuan thiltihna hmun tur a zawng reng ang a, tuman kha i țawngka chhûak țawp tak kha an lo duh bik siloh chuan a kual a kual a, mahni chungah bawk a lêt leh țhin.mizo țawng upa ah pawh kan neih kha. kan mizo pi leh pu te hian thil hi an lo chîk in,an lo hria hi ka tia,Bible ah pawh kan hmu a ni.chuvangin i țawngkam chhûak hi i chunga lêt leh tur a i duhloh chu chhâkchhûak nazen suh ang che.

tin kan țawngkam chhuak chuan thiltih a neih theih avangin chu a thiltihna hmun a thil duhawm tak a hlawhtir che i duh chuan țawngkam țha satliah nilo, țawngkam țha tak tak chhâkchhûak fo țhin ang che.mizo țawng upa ah pawh țawngkam țha in sial a man an lo tih kha.he thil kalhmang awmdan hi an lo hria ka ti țhin.

He Thu ah hian Bible châng ka rawn refer chhuak a,Pathian lam a Thu(The Truth Word from God) leh mihring lam a Thu(The Right Word from Human)chungchâng ah ka rawn tarlang a,hetah hian Pathian Thuchhuak reng reng thiltih nei lova a awmloh thu kan hmu ang in,chu Thu thiltithei chu Pathian Thiltithei tak vang a lo awm a ni bawk a,keini hi Pathian anpui(Image)a siam leh din kan nih si chuan (Genesis,5:1-2;2:7;1:26-30)chu kan kamchhuak chu thiltithei turin Thunung/thu tisa a chang/Thu thiltithei ah a lo chang ve dawn a lo ni e.

Pathian Thu hi a nung kan tihna chhan chu,kan hnena a lo nun avang ngawt a nilova,kan hnena a lo nun,a va nung kan tih ngawih ngawih a kan duh em em theih tur a kan rilru min hneh thei tur a hna a thawh vang(thu thiltithei a a chan vang/thu chu a tak a tisa nei a a awm vang)a ni.

8.  Ka ngaihtuahte hi i ngaihtuahte a ni si lo a, i awm dante chu ka awm dan a ni hek lo, LALPA'n a ti.
9.  Van khi lei aia a sang zawk angin, ka awm dante hi in awm dante aiin a sang zawk si a, ka ngaihtuahte pawh hi in ngaihtuahte aiin a sang zawk bawk a ni.
10.  Ruah leh vur chu van atangin a sur thin a, khi lamah khian a kir leh ngai lo a, lei hi a chawm zawk a, thil a totirin a chawrtir a, buh chi thehtu hnenah buh chi a pe a, eitu hnenah ei tur a pe thin;
11.  Chutiang bawkin ka ka atanga ka thu chhuak chu a awm ang: engmah tih nei loin ka hnenah a kir leh lo ang a, ka duh ang chu a tizo zawk ang a, thil ti tura ka tirhnaah chuan a hlawhtling bawk ang.

Isaia,55
36.  Tin, ka hrilh a che u, mite'n thu lawi lo an sawi apiang, chu thu chu Rorel niah chuan an sawi fiah a la tul ang.
37.  I thu chuan thiam a chantir ang chia, i thu vek chuan thiam loh a chantir bawk dawn che a sin, a ti a.

Matthaia,12
18.  A thu chu a tir chhuak a, chung chu a titui a: A thli a tlehtir a, chutichuan tuite chu a lo luang thin.
Sam,147
20.  A thu chu a tir chhuak a, anni chu a tidam thin a, An boralna tur atate chu a chhandam thin.

Sâm,107
12.  Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a,thinlunga ngaihtuah leh tumte hi a hre nghal thei a ni.

Hebrâi,4
37.  Pathian thu chhuak reng reng thil tithei loin a awm lo ang," a ti a.

Luka,1
2.  Miin LALPA hnena thu a tiam emaw, chhechhama mahni intiamkamna emaw a neih chuan a hlen ngei tur ni; a thu ang zawng zawng chu a ti vek tur a ni.

Numbers,30
4.  Pathian hnena thu i tiam chuan ngaihthah suh: mi a chu a lawm si lo. I tiam chu hlen ngei rawh.
5.  Thu tiama hlen si loh ai chuan tiam loh law law hi i tan a tha zawk.

Thuhriltu,5
9.  Unaute u, thiam loh changa in awm lohna'n, inphun suh u; ngai teh u, Roreltu chu kawngka bulah a ding reng a ni.

12.  Nimahsela, ka unaute u, engpawh ti mah u la chhia chham suh u; van chhalin emaw, lei chhalin emaw, thil dang reng reng chhalin emaw chhia chham suh u; "Ni" in tih chu "Ni" ni se la, "Ni lo" in tih chu "Ni lo" ni rawh se; chutilochuan thiam loh changin in awm ang.

Jakoba,5
24.  Tawng chaltlai bansan la, mi bum ching suh

Thufingte,4
1.  Chhanna nemin thinur a tikiang thin a, tawng huatthlala erawh chuan thinur a chawk tho thin.
2.  Mi fing lei chuan fina thu dik a chhakchhuak thin a, mi a ka erawh chuan thu atthlak a chhakchhuak thin.

Thufingte,15
14.  A tiduhdahtu che u chu malsawmsak u la; malsawm u la, anchhia chu lawh suh u.

Rom,12
1.  Atirin Thu a awm, Thu chu Pathian hnenah a awm, Thu chu Pathian a ni.
2.  Chu mi chu atirin Pathian hnenah a awm.
3.  Engkim azain ama siam a ni;thilsiam zawng zawng hi ama siam loh engmah a awm lo.
4.  Amahah chuan nunna a awm; chu mi nunna chu mihringte enna a ni a.

14.  Tin, Thu chu tisaah a lo chang a, kan zingah a awm ta a, (Pa fa mal neih ropui angin a ropuizia kan hmu,) khawngaih leh thutakin a khat.
15.  Johanan a thu a hriattir a, a au a, " 'Ka hnunga mi zui tur khan mi lehkhalh tawh a ni, ka hmaa awm tawh reng a nih avangin,' tia a thu ka sawi kha amah hi a ni," a ti a.
16.  A famkimna kan chang theuh, khawngaih chunga khawngaih leh chhawnna nen.
17.  Dan thu Mosia'n a pe, khawngaihna leh thutak Isua Krista avangin a lo awm.

Johana,1

BACKGROUND,BORDER LEH TEXT COLOUR CODE

Background leh border leh text colour code.star paih la.<*div style*=*"*width: 960px; color: yellow; background-color: red; border: 3px solid blue; padding: 5px;text-align:center*;*"*>*<*p>Thuziak dah tur<*/*p><*/*div*>

PATHIAN BEISEINA(HOPE) CHUNGCHÂNG BIBLE CHÂNG REFER

PATHIAN BEISEINA CHUNGCHÂNG
🕊✨🌟💫💐🍄🌾🍁🍂🍃🌱🌿🎓👑👰🏻🤴🏻👸🏻✍🏻🙌🏻👼🏻🌺🙏🏻😇🌷🌸❤🌹💖

He Bible bung leh châng Thu ah hian Pathian beisei turin min hrilh a.

Lalpa-ah chuan chawl la,amah chu nghak fan fan rawh. (Sam 37:7)

He Bible bung leh châng Thu ah erawh hi chuan Pathian beiseitute nihlawhna a sawilang leh a.
"Pathian chu kan inhumhimna leh kan chakna,Mangan laia tanpui vartu hnai reng a ni." (Sam46:1).

18.  LALPA chuan mi tha famkim nite chu a hria a: An rochun tur chu kumkhuaa awm reng tur a ni.
19.  Hun tha loah an mualpho lo ang a; Tam kumahte pawh an puar ang.

He Bible bung leh châng Thu hi chuan Pathian duhzâwnga beisei tak a thil dil a sawilang leh a.

Chuvangin,engpawh a duhzawng ang a kan dil chuan anin min ngaihthlak sak țhin
(I Johana 5:14).

He Bible bung leh châng Thu hi chuan Pathian duhzawnga a hnena thil dil dân a sawilang  leh a.

7.  Nangni keimaha in awm reng a, ka thu nangmahnia a awm reng bawk chuan in duh apiang dil rawh u, in tan tihin a awm zel ang

Johana,15

Hetah erawh chuan kan thil dil apiang chu Pathian in min ngaihthlâksak țhin a ni tih kan hriat chuan kan hmu tawh tih kan inhria tih min hrilh leh a.

15.  tichuan engpawh kan dil apiang min ngaihthlaksak tih kan hriat chuan a hnena kan thil dila chu kan hmu tawh tih kan hria a ni.
Johana,5
He Bible bung leh châng Thu hi chuan Pathian chuan a Fapa mal neihchhun chu zuah lova a thlâwn ngei a min pêk si chuan thil zawng zawng pawh a thlâwnin min pêk tur thu min hrilh leh bawk.
"Ama Fapa ngei pawh zuah lova, kan zaa aia petu chuan thil zawng zawng pawh a thlawnin min pe tel lovang em ni ?"

Rom 8:32.
He Thu ah hian Pathian ringtute nihlawhna leh an beisei a tihthlawnloh tur thu a sawilang leh bawk a.

17. Pachhiate chu theihnghilhin an awm fo lo ang a, Retheite beiseina chu kumkhua chuan a bo hek lo ang.
Sâm,9

"Kei zawng rethei leh pachhe tak kani a, Nimahsela LALPAN mi ngaihtuah thin a"
Sam 40:17.

23.LALPA chuan an kalna turah a hruai thin a, A duhzawng titute chu a veng thin.
24. Tlu mah se la, an tlu hlen lo ang:LALPA'n a kutin a chelh reng si a.
25. Naupang ka lo ni tawh a, tunah tar ka lo ni ta a, Nimahsela mi fel chu kalsana a awm ka hmu ngai lo a, A thlahte chaw khawn pawh ka hmu ngai hek lo.

Sâm,37
He Thu ah hi chuan Lalpa ringtu nih engthâwlna(zalenna leh nihlawhna)leh nghehzia a târlang leh a.

LALPA ringtu, a rinchhan LALPA ni erawh chu a eng a thawl e. Tui kianga thingphun, lui kama zungkai, Khaw lum lo thleng pawh hlau lo, A hnahte hring reng si, Khawkhen kum pawisa lo. Rah chhuah thulh chuang si lo ang hi a ni ang.
Jeremia 17:6-7.
He Thu ah hi chuan Pathian rin avanga thilțha ti chuan lei a a thiltih apianga hmuingilna a hmuh tur thu a sawi leh a.

1.  Mi suaksualte remruat anga awm ngai lo a, Mi sualte kawng pawha ding ngai lo a, Hmusittute thutphah pawha thu ngai lo mi chu a eng a thawl e.
2.  A lawmna chu LALPA danah a ni zawk a; A dan thu chu achhun azanin a ngaihtuah thin.
3.  Ani chu tuiluang kianga thingphun A huntea rah thin. A rah pawh uai ngai lo ang hi a ni a; A thiltih apiang chu a hmuingil zel ang.
Sâm,1
He Thu ah hian Pathian a innghat chunga thilțha ti chu nihlawhna nasa tak a chan ngei tur zia tarlan a ni leh bawk a ni.

3.  Lalpa chu ring la, thil tha ti rawh; He ramah hian awm la, rinawmna um zel rawh.
4.  LALPA chungah chuan lawm bawk rawh; Tichuan i thinung duhzawngte chu a pe ang che.
5.  I awm dan tur chu LALPA chungah nghat la; Amah chu ring la, aman a ti vek ang.
Sâm,37
Hetah hi chuan Pathian dân țhat famkim zia kan hmu leh thung a

"LALPA dan chu a tha famkim a, nunna a siam tha thin: LALPA thuhriattir chu a rinawm a, mi mawla tifing thin; LALPA thununna thu chu a dik a, thinlung a tilawm thin: LALPA thupek chu a thianghlim a, mitte a tivar thin." (Sam 19:7-8).
He Thu ah hian Pathian chuan a Thu a tihnghehzia kan hmu leh a.

"Ka remruat chu a ding chhuak ang a, ka duhzawng zawng zawng chu ka ti vek ang," ka ti a:
11.  khawchhak lam ata sava koham tak, ram hla tak ata ka mi ruat chu ka ko a; a ni, ka sawi tawh a, ka hlen bawk ang; ka tum tawh a, ka ti bawk ang.

Isaia,46
He Thu ah hian Pathian Thuchhuak reng reng chu thiltih neilovin a awmlo tih kan hmu

11.  Chutiang bawkin ka ka atanga ka thu chhuak chu a awm ang: engmah tih nei loin ka hnenah a kir leh lo ang a, ka duh ang chu a tizo zawk ang a, thil ti tura ka tirhnaah chuan a hlawhtling bawk ang.

Isaia,55
37.  Pathian thu chhuak reng reng thil tithei loin a awm lo ang," a ti a.
Luka,1
Hetah hian Pathian Thu chu Thutak, rintlâk leh innghahna tlâk a nih zia kan hmu bawk.

17.  Anni chu thutakin tithianghlim rawh, i thu chu thutak a ni.
Johana,17

Hetah hian Lalpa chu rin ve angai tih a sawi a.

“LALPA chuan a kotu zawng zawngte chu a hnaih ṭhîn a. . . . An au thâwm a hria ang,” tih min tiam a ni. (Sâm 145:18, 19) Ni e, “LALPA mit chuan mi felte lam a en ṭhîn a, a beng chuan an au hre tûrin a ngaithla reng ṭhîn.” (Sâm 34:15) Mahse, Pathian ṭanpuina leh thlamuanna dawng tûr chuan,amah kan rinchhan tlat a ngai a ni. A ngaihzia chu fakna hla phuahtu Davida chuan hetianga hla sain a tilang chiang hle: “LALPA chu hnehchhiahna tuarte tân chuan kulhbîng sâng a lo ni ang a, mangan hunahte chuan kulhbîng sâng a lo ni ang; tichuan i hming hre tute chuan anring ang che; nang zawngin, LALPA, nangmahzawngtute chu i kalsan ngai si lo,”tiin.— Sâm 9:9, 10.

Hetah hian chuan Pathian ngaihsakna hi hlâwkna nasa tak a ni tih min hrilh

"Pathian ngaihsakna hi lungawina tel zawngin hlawkna nasa tak a ni reng ani. Khawvelah hian eng mah kan luhpui si lo va, eng mah kan chhuahpui thei bawk hek lo. Nimahsela, ei tur leh silh tur neiin, chungah chuan kan lungawi ang." (1 Timothea 6:6-8).

Awle,Bible châng quote chhuah tur tam tak a awm ngei ang a, mahsela,hemi bung leh châng Thû tê chauh hi ka han quote chhuak mai ang e.

He Bible châng ka rawn lâkchhuah ațang hian han en vang vang ta la,enge i hmuhchhuah le!?He Bible bung leh châng Thu a ka rawn tarlan tam tak ah hian a hmalam ațanga a tâwp thlenga i en chuan Lalpa beisei tur leh Lalpa a innghat tur te, Pathian a innghat leh ring tlat mite nihlawhna te, Pathian chu kan beisei ber tur leh min chhângtu a nihzia te i hmu thei ang a,hetah hian Lalpa ring a,a Thu a awm a,a Thu ang a nun hmang te leh Lalpa a nun neitute tan Lalpa rin hi a thlâwnlo a ni tih i hmu thei ang a,chutiang chuan Lalpan a chhân tur zia leh Pathian chu a Thu a dingnghet a ni a,a rintlâk hle bawk a ni tih he ka Bible bung leh châng refer ațang hian i hmuthiam ang.

chutichuan, Pathian beisei dan dik tak leh rindan dik tak chu he ka Bible châng refer ațang hian i lo hrethiam in a tak tak in i lo hmang ve tawh dawnia.

GOD BLESS U ALWAYS AND FOREVER.

AMEN