Chhandamna nghet awmzia

Krista chhandamna hi chatuan daih i tih si chuan,chumi changtu leh neitu pawh chatuan daih ini e. Chhandamna bo theilo anih chuan,chumi changtu tak pawh i bo thei chuanglovang. I bosan theih chhandamna hi nghet niin i hre si amaw? Chhandamna hi i bosan theih si chuan,i la changlo ti ila a dikber mai awm e. Chhandamna changtu chu a vuantu chu Krista a nih chuan chu chhandamna chu i vawn a ni leh thei dawn emni? Chhandamna hi kan thiltih a nilo anih ngai chuan,thilțha tih a hlawhchhuah nawn tumleh enge a ngaihna tur.i thiltih anih chuan,a thlâwn a ni theilo.i hlawhchhuah a ni ngei ang. Lalpa thiltihsak ring zolova, mahni tih ve kher ngai ni a hria aia zirtirna himlo a awm dawn chuang emni? I duhvanga chhandamna hi siam a nihlohva,Pathian Thu avanga siam anih phawt chuan, Pathian Thu avang bawkin chu chhandamna kawng(Rinna kalkawng)chu i zawh zel dawn tho a ni. Thlarau Thianghlim hruai a awm chunga hruaitu Pathian ring zolo hi zirtirna him a ni theilo. Lalpa a awm ni a inhria,nun châwl thei silo hi enge a hlutna chhan tur ni ta ang le? Lalpa ring bawk,mahni thiltih ring tel bawk hi rinna dik a nilo hrim hrim. Lalpa ringtu chu a rinchhan ber Lalpa a ni tur a ni.

AN RAH AH IN HMU ANG TIH HI

AN RAH AH IN HMU ANG TIH HI ÷÷÷÷÷÷÷÷÷÷÷÷÷÷÷ Thing tha apiang a rah a tha a,thing chhia apiang a rah a chhe thin tih thu ISUA sawi leh an rah ah in hmu mai ang tih hi.thlarau sual(eng tirhkoh) hmanrua mihring sawina atana hman ang a ngaih chu a ni ngei a,a dikna chen a awm ngei ang.LALISUA sawi a nih vangin kan awih tlang theuh chu a ni ngei a,kan ringsual lo bawk ang. chutih rual a ngaihdan kan lo siam fo diklo chu,LALPA THUTAK a piang tam tak te kan lo teh fo mai leh a pawng a tak a PATHIAN mi tirh tam tak te teh nan a kan lo hmang fo mai leh,an thusawi,LALPA THUTAK an ken,ringhlel tih hriat tak mai a kan lo teh leh kan lo enthla fo mai te,tluk leh daipelh chang an neih pawh a kan hnualsuat zui a,kha maw ka tih reng kha, ka lo rindan chiah a ni,Bible pawn a sawi alawm kan lo tih leh an tlukna leh daipelh te hriatthiampui a, daisual thei an nih ve tho zia hriatthiampui chunga dawmkan zawk kan tumlo fo mai hi kan tihsual leh kan tihdikloh fo a ni e. i rindan hi PATHIAN THU a nilova,PATHIAN THU ah rindan siam tum leh siam theih chi a nilo.PATHIAN THU a ni a,PATHIAN kut a dahthiam a pawimawh a ni.i kut a nilo,i THU a nilo tih hriat a tha. kan mihringpuite tihel leh hlamchhiah a,an harsatna tawhna a puitu nilotu,nang ngei kha misual leh thalo,tha ni a inngai, tha silo ini zawk e.i rilru a chhe hle tihna a ni. Tlu thei ini a,tisual ve thei tho ini tih hria ang che.LALPA tello chuan minute khat, second khat lek pawh hi engmah kan lo nilo tih hi i lo hre fo tawh ngei em le? A dawtleh ah chuan, PATHIAN THU hi PATHIAN THLARAU THIANGHLIM tanpuina tello chuan i awih theilo tih hi. chumi atana pawimawh chu rilru damna,rilru hlimna, rilru lawmna leh rilru thianghlimna atanga PATHIAN THU hi awih theih chauh a ni.chu chu AMAH PATHIAN vek in lei mihringte a hna ropui a thawhsakna ngei chu a lo ni hmasa ta ngei a,chumi i lo channa avanga LALPA lam hawi thei ta chu ini.hetah hian kan tih a awm tel ve bawk a,LALPA ah chuan chhuan tlak erawh a ni hranlo a ni. A dawt leh atan chuan,Samaria MITHA,LALISUA hnathawh dan entawntute kan lo nih si chuan,midang hliamtu leh hliamte kal heltu i nih mai a,a tuamdam theitu inih siloh phei chuan,i entawn,ISUAN nun chu nangmah ah a awmlo tihna a lo ni thei ngei ang a,tha ah i inngai ve ngawt ba in,i thalova,i inngaihdan a mitha ini a,mitha dik tak inilo tihna a lo ni bawk ang. Samaria MITHA, LALISUA chuan a hliam a tuam sak a, khualbukah a dah him ta a ni.ka lokal leh hma loh chu duli pahnih hian lo enkawl rawh a ti a ni. LALISUA,Samaria MITHA nun nei ni a i insawi ngam chuan i tih tur chu i zui,LALISUA tih ang chu a ni e.LALISUA bula awm ten LALISUA tih ang leh a duhzawng an ti thin. chutiang nilova,LALISUA duhloh zawng,mi hliam a awmte,tuar mek te,damlote tina zualtu leh heltu i lo nih mai a,i la sawichhe zui a nih chuan,nang zawk kha i dik lo zawk daih a ni tih inhre ringawt mai rawh. tha ah inngai mahla,i thatna LALPAN a lo hmu em tih hi i inenfiahna tur a ni. Engkim chu LALPA atanga teh a,enfiah tur a ni a,tehna leh bukna dik inilo, mihring ve bawk, tisual ve thei ini tih inhre fo rawh. A dawtleh ah chu,I thiltha tih avangin van PATHIAN chawimawi in a lo awm ang. PATHIAN tanpuina lovin,PATHIAN THU awih tum chu van chhem ang a beidawn thlak a ni,a vangchu,sual sa a piang,sual a hrin,sual ti a vakbo tawh hian LALPA lam i hawi thei ngawtlo tih lo inhre fo tawh rawh aw. LALPA THU a ni a, nangma thu a nilo tih hria la,nang ngei pawh tisual fo thintu ngei tho kha inih lo inhria la,mi teh thei inilova,mi sawichhe tur a midiktak inilo a ni.mi ensan a,nuihsawh tu leh mi hliamte tihbelhchhah tu leh heltu,tuamdam ngailotu ngei zawk, nangmah kha misual leh tenawm,setana mizepui putu,tha a inngai,tha hauh silo chu i ni e. A tawpna ber atan hei hi i lo hre fo dawnia aw.PATHIAN hminga PATHIAN ropui nan a tlawm leh zah pawh dawn lova an tih apiang chu lo judge kher duh suh,i lo enthla vel a ni tiraw!?i diklo sa tawh hrim hrim tih hre phawt la,PATHIAN THU chu a kuta dah thiam mai a lo tha e. LALPAN a sawi in,a ti zawk ang tih hi a lo tha zel fo nia.i rinloh leh han TEST ve teh le.i tihsual ka ringlo bur a ni. Ka chakna LALISUAN,min vengin min awmpui thin,kawng hlauhawm zawh mah ilang,LALISUAN min hruai zel thin.tiin.