HARSATNA LOTHLENG THIN HI

Tap i thlem thei emni nau tap takngial poh.thlem tum la,a tap zual sauh mai ang.ama tawrhchhuah turah inrawlh a tul rihlo.a awm awm khan awmtir a tha ber.a poimohber tur chu a intihhlum tumloh nan a venpui a nimai Mihring ah harsatna a lothlen a,hnemtu i mamawh hunah tak i bulhnai a awm tlat thin te hi i tan an hlu a,va hnem tum a tanlak vak lam aimah in an thlamuanpui tur atana an hnaih a lo awm te hi an tan a tha in a hlu a ni.i manganin belh tur i mamawh thin ang. PATHIAN kan tingawt zel a,kan mihringpuite belh tur an awm chuan chu chu PATHIAN hnathawh duhdan a ni thin a ni. Harsatna lothleng thin hi keimahni tan a thatna,nunze awmzia tarlanna a ni a,hlimna leh lawmna chauh a ni berlo a ni.nawmsak dawn chuan hrehawm tawrh hmasak angai thin ang hi a ni.chu harsatna chu kan nunchan zirna tur atana hmanraw hriam tak ang a ni a,chumi a paltlang thei tur a chakna nei tur a rilru pau tih khauh luih angai thin. No der der chuan hringnun hmanthiam a har hle a ni.pachang tak a nunchan zir angai fo a ni.keimah chauh in ka lo tuar biklo,midang pawn an lo tuarchhuah tawh hnu vek kan lo tuar ve a,kan chungah a lothleng thin a ni.chumi a nunze awmzia hre tur chuan mahni insiamrem thiam a lo ngai a,engkim hi kan ta tur a ruat leh duanlawk a ni a,kan chan atana dah a lo ni zawk a ni.ka ti thei tih hi inhrilh nawn fo a lo ngai thin a ni. Kan chungah thiltha a lothleng a,kan lawm em em a,midang aia thiltha dawng bik ta hliah hliah ah kan inngai a, kan chungah thil thalo,kan duhloh thil a lothlen in midang aia tuar bik ngawih ngawih ah kan inngai bawk thin a ni.kan indawmkun duh zel a,a then ten an nun an chan phah bawk thin.mahni inhmangaihna leh inkhawngaihna a lothleng vat zel a ni. Engkim tan hunruat a ni a,lawmlai ni te,nuih chang ni te,tah leh lungngaih ni te a lothleng a,chu chu keini lei mihringte hian kan huntawng lothleng tur a hmachhawn ngam zel thei tur a mahni lo inrin reng angai thin a ni.inti pachang tak a nunchan zir thiam a ngai a ni.chu kan huntawng a thiltha leh thalo lothleng thin ah chuan hmasawnna leh hriatthiamna,finna rahbi te,huaisenna nun te a kengtel tlat a,chumi rohlu chu zu man fuh a lo ngai ta a ni.chumi a hringnun a harsatna pawh hmachhawn ngamsak zeltute tan lei malsawmna rohlu chu dah a ni. Mi hausate hi an lo hausa thut bik lova, hausa sa an awmlo, an lo rethei ve viau tawh thin a ni.chutiang deuh chu a ni e.chumi ah chuan kan inhrilhnawn fo tur chu,KA TI THEI TIH THU HI A NI. Thilthalo kan chunga lothleng thin hi thiltha tak a chhuak turin hunin a duh fo a,a kawng pawh a bumboh a,a thui hle thin a ni.palchhuah tikni a awmlo bawk a ni.tluk leh ding awn in i nun i hmang a ni. Vanram thlen hmaloh chuan i huntawn ah a inchhawk tawn reng dawn a ni zawk I tan a tha i hrelova,i tan a hlu i haihchhuak thiamlo a ni.chumi a i theihna leh tlinna tarlan a a awm theihnan chuan hun harsa tak leh khirh tak hmachhawn te,hun hlimawm a dinchang te a lo awm mai a ni zawk a ni.i tumloh chuan hun harsa i tawn khan hringnun i huntawn lehzel tur a thiltha tak lothleng leh tur si chu hmu hman ta lo chuan mahni nun i chhat duh mai ang. Heng ang a mahni nun lak duhna kan neih mai hi midawihzep leh hmangchang hrelote nunzia ang mai a lo ni duh hle a ni.KA TITHEI TIH THU HI inhrilhnawn fo kan lo ngai ta thin a ni.