RINGTU NUNKAWNG

RINGTU NUNKAWNG

He khawvel hi Lalpa ram a nihloh avangin ringtute hian harsatna leh hrehawmna paltlang a,thlêmna te paltlang a lo ngai fo mai a ni. He zinkawnga kan tawn harsatna leh hrehawmna te, manganna te leh thlêmna te,tlâkchhamna leh chauhna te hi awmlo tur a siam rêng a nilova,ringtu leh ringlo mi tawh a inang ve ve a,ringtu chu a thiltawnah amah chauh a tuar a nihloh leh Lalpa awmpuina avangin tawrhdan a lo thiam a,lungawina nun leh hlimni a lo nei thei țhin a ni zawk. Tam tak chu an han piangthar a,chau leh theilo tur emaw an inti țhin.chak hunlai tak khan Pathian Thu ril tak tak te hriattirin an lo awm fova,an nunah Lalpa leh a Thu chauh a lalber țhin a ni.rawngbawl te an lo châk huam huam a,an phûlbut țhin a ni.helai nun hi Lalpan anmahni a la châwm rih a,an thawhrah nilo,Pa khawngaihna luangliam an chang a ni zawk a.chu khawngaihna an dawn nasa tak rahchhuah chuan Lalpa lamah a hruai hnai zel ta a,engmah pawlhloh,sual hnathawh in a chîmbuailoh nun ropui leh hlu an nei fo mai a ni.chuvang chuan Lalpa an lo ring a,an nunah Lalpan lalna a chang pumhlûm a ni deuhber.Lalpa Thu lam an tuichilh ber țhin a,nunhlang luahkhah nun an lo nei a ni.chu chu an thawhchhuah nilo, khawngaihna vang chauh chu a ni.anmahni a awm chakna ringin an awm a ni.anmahni theihna erawh a nilo. Tichuan hun a lokal zel a,chu anmahni a a thlâwna an dawn chu tlemin a lo tlahniam ve zel a,ringtu puitlinna lam an pan theih nan zirtirna an lo tawk țan ta a,harsatna an lo hmachhawn pang ta a,a hma a an hlimna a thlâwn a an dawn chu thawhchhuah a lo ngai ta.hetah tak hian thlêmsam tak chu an tlu leh ta țhin a ni.a hma a an nun ang kha tihhniamsak in an lo awm a,Lalpa lakah hla ta du a inngaiin,Lalpa Thlarau in a luahkhat talo ah ngaiin,chu an hlimna leh khahliamna nun chu a hma ang a an neihloh avangin.da leh ta emaw an inti ta țhin a ni Chuvangchuan an hnungtawlh leh mai țhin.da i nilova,kal i zir mek a ni zawk. Nangmah ah sual hnathawh a lo awm ang a,i rilru a hma a a thianghlim ang kha a ni tawhlo ang.khawvel lam i lo ngai leh tawh ang. Kha kha i inzir țanna tur a ni.Lalpa lova englawi i lo nih tak tak lohzia tarlangtu chu a ni.Lalpa i auh angai ta a,a țanpuina i dil angai a ni.Lalpa auh angaih hunlai tak ania.a chakna a inbel leh angai ta a ni. Nangmah chuan i aia chak i hneh theilova,i aia chak hneh turin a aia chak bawk hnehsaktu tur i mamawh a ni I auh hunah Puitua chu a lokal dawn a ni. A pui zel ang che.i țhanlen zel dan a zir in a hruaina che adang zel bawk ang. Angai rengin a hruai dawnlo che a ni.test na pawh i hmachhawn zeuh zeuh bawk ang.i thawhchhuah rah i ei dawn rualin,i kalthui zel dan azir a Thlarau thiltihtheihna pêk ini dawn a ni.hei hi khawngaih rawngbawl hna thawk tur a trainning lakna an ti bawk a ni. Awle,aw nang ringtu duhtak,he ka thu tlinglo tak ațang hian hriatfiahna tak lo chang tawh la,amaw inti mai mai lovin, nangma inhriatna dan nilovin,Lalpa lam chauh en ang che.i tum ram van kanaan thar khi i thlen hmaloh zawng,chawlh zai rellovin kal zel rawh. Hah leh chauh hun a lo thlen in Lalpa au la,a pui ngei ang che. I THU KA TAN NUNNA A NI SI TICHUNG ZEL A HE LEI RAM,I ZINNA RAM KHAWVEL HI I CHHUAHSAN VE THEIH NAN CHAK TAK LEH HUAI TAKIN AWM LA,HLAU SUH LA,ZÀM HEK SUH.LALPA I PHAW A NI SI A.I KULHBING SANG A NI BAWK E