MITIN TA TUR CHANCHINTHA THUTAK CHU

MITIN TA TUR CHANCHIN THA THUTAK THU. Isua Kraws lera a thu sawi pa 2 lek. Tin, ani chuan a hnenah," Tih tak meuhvin ka hrilh a che, vawiinah hian ka hnenah Paradis-ah i awm ve ang” a ti a (Lk.23:42-43). ☝🏻👉🏼 Isua thu sawi i chik ngai em, a thu sawi chuan abula an khenbeh ve misual kha “ vawiinah ka hnenah Paradis-ah i awm ve ang” a ti a nih chu avan ropui em. Vawiin ah ka hnenah Paradisah i awm ve ang a tih pa hian, sim chu sawi loh thiltha ti tur pawh awm hman lo, fel pawh fel hman lo khawp a nikhua lo, He misual pa hi, nimin maia tualthat, rukruk hmang kha rinna vang chauhin van mite bulah a cheng ve dawn ta a nih chu. I pawm thei em.? Abrahama chuan Pathian a ring a, tin, chu rinna chu a felnaa ruat a ni, Rom 4:3-4) Mi, a thiltih ngaihtuah lova, Pathianin fela a ruata chu mal a sawmsak thu Davida pawhin, An bawhchhiatnate ngaihdama awm leh, An sualte khuha awm chu An eng a thawl e, Rom 4:6-7) a ti thlawt mai a ni. 👉🏼 Unau duhtak, nang pawh eng ang mi pawh lo ni tawh in, eng sual rapthlak pawh lo khawi tawhin, sual khurthukah pawh tangin, Ruih hlo tin reng ti a, buaina siam reng mai, mi nin leh kawm peih loh thinhrik ni mah la, bawhchhiatna vanga kan chan tawh leh chhuahsan tawh, Krista angchhungah kan let leh theih nan kan engvangmah tel lovin, Krawsa Isua hnathawh leh Ataksa thisen chhuak vang chauhin, i ngaihtuahna sualte kha, Isua Lu-a thisen chhuakin, I kut-a i tih sual tawhte zawng zawng kha a kut-a thisen chhuakin. I kea i tih sual tawh zawng zawngte kha a ke-a thisen chhuakin, i thinlunga ngaihtuahna bawlhhlawh tak sualte leh ilo puitlin tawhte kha chu anak atanga luangchhuak leh a taksaa thisenin a silfai vek tawh sin, nimin maia misualpa kha vawiinah van mipuite nen tualkhatah in lengza ho tawh a sin. Krista hmangaihna angchhungah chuan misualber leh hringei mi pawnin hmun a nei tlat a sin. I-Korinth 6:11 Tin, nangni thenkhat chutiang mi in nih thin kha; nimahsela Lalpa Isua Krsta hmingah leh kan Pathian Thlarauvah tlenfai in ni tawh a, tihthianghlim in ni tawh a, thiam chang in ni tawh minti. Lalpa fakin awm rawh se. Isua Krista thihna Kross chuan a thisen zarah intaina(thiltih turahte thupek dan awm chu) a tisaa tibovin, pawl hnihte chu pumkhatah min siamin pindan bang chu tih chimin a awm tawh in van khua leh tuiah min siam ta a ni. Kolossa 1:13-14 Ani chuan thim thuneihna laka min chhan chhuakin, a Fapa hmangaih taka ramah chuan min kaitir ta a; dawn atilo. Ta minti. amahah chuan kan tlanna kan hmu a ni – kan sualte ngaihdamna chu. ( Jn.1:12; Kol.1:20; Eph.2:19). 👉🏼Ka Pathian, Ka Pathian, engah nge mi kalsan? (Mt.27:46-47; Mk.15:34-36). ☝🏻He au-aw hi ava ropui em. Pathianin fapa duhtak hi vawikhat mah a kalsan ngai lo, a hawisan ngailo, alungawina leh a lawm em em fapa ani a kalsan thu a awm lo (Mt.3:17,17:5). Mahse Kross athlen meuh chuanin A Pa chuan a kalsan ta. Engvanga kalsan nge a nih? Eden huan atanga Pathianin a kalsan tawh leh hnawhchhuah tawh chu nang leh kei hi kan ni a, Bawhchhiat vanga sualna chuan Pathian nen min then hrang a, a hnen thleng thei tawh lo turin sualin min uire Tak avangin Pathian nen inthen tawhte chan tur chu meidil a ni. Meidil chu Pathianin min kalsanna leh min hawisanna hmun a ni. Mahse afapa mi thianghlim sual nei lovin, Pathian leh kan inkara min daidangtu sual chu min phur bo sak vek in, Krossah ngei chuana thih pui tak avangin Pathian nen kan inkar min thenhrangtu a awm tawh lo a. Kan sual phura Isua Krossa a thih avangin misual "au aw" kha Lalpa a ngaihsak loin i chawh tiin, akalsan kha nang leh kei Pathian nen pumkhat kan nih leh na tur alo ni a. Chuvangin Unau duhtak, Pathianin nang hawisan che a tum tawh lo, i ai-awhin a fapa Adama au aw, kan sual phura hawisan tawh a, tunah chuan ahmangaihna hmel eng nen kan lam hawiin a ban a phar tawh zawk a sin (Rom.10:21). Kan ai-awh a Kristan “ Ka Pathian, engah nge mi kalsan” a tih tawh avangin meidilah kan au tawh dawn lo. Hei hi chanchin tha thutak thu chu a ni. Lalpan a thu malsawm rawh se. Amen