CHAWLHNA KIM KRISTA
***<>♡☆♡<>***
A hmasa a ka han sawifiah duh chu chawlhna tih a ni a, chawlhna tih chuan kan chawlh theihna tur a hmunbîk chu a ni a, châwl a awm chuan a hmun a awm a ngai a ni.chawl chuan chawlhna tur hmun a mamawh a,a chawlhna tur hmun tellovin a châwl theilo a ni.
A dawtleh atan chuan chawlhna kim tih a kim tihlai thumal tak hi a ni.kim tih thumal hrilhfiahna dangleh chu zawng zawng,zavai, hmaih awmlo tihna a ni.
Chawlhna kim chu Krista a nih si chuan châwl tur an awm angai a ni.chu chu keini lei mihringte hi kan lo ni e.
28. Nangni thawk rim leh phurrit phur zawng zawngte u, ka hnenah lo kal u la, keima'n ka chawlhtir ang che u.
29. Ka nghawngkawl bat u la, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang.Ka nghawngkawl chu a nuam a, ka phur pawh a zang a ni, a ti a.
30. Ka nghawngkawl chu a nuam a, ka phur pawh a zang a ni, a ti a.
← Matthew (11/28) →
"Khawvelah hian hrehawmin in awm thin; nimahsela thlamuang takin awm rawh u, keiin khawvel ka ngam ta." ( Johana 16:33).
Engvanginnge kan Lalpa Isua Krista chu chawlhna a nih theih nachhan ngawt?Pathian engkim tithei a nih vang a ni ngawt lova,kan châng tarlan hian kan phur min chhâwkzia a tarlang chiang hle a ni.
a dawtleh ah chuan chu chawlhna kim Krista a kan chawlh theihna chhan leh kan phur min chhâwk theihna chhan chu enge ni ang kan tih chuan
24. Sual lamahte thi tawhin felna lamah kannun theihna'n amah ngeiin thingah khan a taksain kan sualte a phur a; amah vuakna vualte chuan tihdamin in awm ta a.Beram bo anga in bo kha, tunah erawh chuan in thlarau vengtu leh Hotu hnenah chuan in kir leh tak hi.
25. Beram bo anga in bo kha, tunah erawh chuan in thlarau vengtu leh Hotu hnenah chuan in kir leh tak hi.
← 1Peter (2/5) →
amah ka hmuhin amah kan duhna turin mawina reng reng a awm lo.
3. Ani chu mihringte hmusit leh duh lohin a awm a; lungngaihna te nei mi leh natna hre mi a ni a: miten an hmai an huhsan ang chuan ani chu hmuhsitin a awm a, keini lah chuan ani chu kan ngaisang si lo.
4. Ani chuan kan natnate phurin, kan lungngaihna te pawh a phur ngei a: nimahsela keini chuan lungngaihna tlakbuakah, Pathian vuakah, tihretheihah kan ngai si a.
5. Nimahsela ani chu kan bawhchhiatnate avangin hliamin a awm a, kan khawlohnate avangin vuak thitlinin a awm a:kan thlamuanna tur thununna chu a chungah a tla a; a vuakna vualtea tihdamin kan awm ta.
6. kan za hian beram angin kan vak bo a; mahni kawng kawngah kan peng theuh a; Lalpa chuan ani chungah chuan kan za khawlohna chu a nghat ta a.
hei vang ngei hian kan tân chawlhna kim Krista a lo ni thei ta a ni.kan lungngaihna,manganna, retheihna,harsatna, natna leh hrehawmna, chungpikna,tawrhna te zawng nen kan tlâkchham ni ah pawh min tikhat turin kan engkim atâna chawlhna kim chu Amah kan Lalpa leh kan Pathian Krista chauh hi a ni.a chhan chu Amah ngei khan thing ânchhedawng Kraws a lo tuar tawh in,chu a tawrhna chu keini tân a lo ni ngei a,a vuakna vual leh a thisen thianghlim zar an tlanchhuah kan lo ni a,a thisen a tlanna ropui zaran kan natna te damna turin tholeh Krista chuan damna kim min puansak ta a ni.
chumi avang ngei chuan leh chatuan a kan tan a rin tur tak ni tur a a nun reng avangin
Hebrai 7:25 “Chutichuan, amaha Pathian hnena lo kalte chu a tawpkhawkthlengin a chhandam thei bawk a ni, anmahni tawngtaisak turin chatuana a nun reng avangin.”
a ni ta a ni.
Mathaia 28:18 Tichuan, Isua chu an hnenah a lo kal a, anniho chu a bia a, "Lei leh vana thuneihna zawng zawng ka hnenah pek a ni tawh.28:19 Chutichuan kal ula, hnam tina mi zirtirahte siam ula, Pa leh Fapa leh Thlarau Thianghlim hmingah chuan baptis ula,28:20 thu ka pek zawng zawng cheu pawm turin zirtir rawh u. Tin, ngaiteh u, kei kumkhuain, khawvel tawp thleng pawhin, inhnenah ka awm zel ang," a ti a.
lei leh van Lalber a lo ni ta mai a ni lova,engkim chunga thuneihna a neih tawhna,a Pa Thu awih a kan sual leh natna damna tur a a thihna leh tawrhna avangin a thawhlehna ah ngei chuan kan tan a chawlhna kim ni turin kan hahna leh kan hrehawm tawrhna zawng te chung a thuneihna nei pumhlûmtu ngei chu kan tân a rin tur tak lo ni ta in,chatuan atana kan nunna tur a ni tel nghal bawk a ni.
16. Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh a, chatuana nunna an neih zawkna'n.
17. Khawvel thiam loh chantir turin Pathianin a Fa khawvelah a tir lo, khawvel amah avanga an dam theihna turin a tir a ni zawk e.
18. "Tupawh amah ring chu thiam lohin an awm lo ang, tupawh ring lo chu tun apangin thiam lohin an awm, Pathian Fapa mal neih hming an rin loh avangin.
Johana,3
engkim chunga thu a neih tawhna,a tawrhna, a Pa Thu awih a kan sual lak a min tlanchhuahna leh kan natna te damna tur leh kan chawlhna kim ni tur a a tawrhna avangin a thawhlehna ah chuan rin tur tak leh kan innghahna tur tak a lo nih theih nan engkim chung a thuneihna ropui tak chu Pa in a pe ta a ni.
NATNA i nei țhin emni?i rethei em?hna i thawk hah țhin em?i nun a hlimlo ru emni?i thla a muanglo ru țhin em?i rilru a na emni?i taksa a na em le?hei erawh Bible in min hrilh chu a ni.kan tân a nun hahchawlhna leh thlamuanna kim Krista chu a ni tih hi.Pathian Thu awih tum a țan la a awih thei silo tla leh țhin,thiam chang zo tawhlo hnu te thiam channa leh kan tlinna chu Kristan kan hnena a Thlarau a hna a thawhsak,a Thu awih thei tur a min puihna ngei avang leh chumi nun chu kan lo chan takmeuhna avang ngei chuan thiamchan tum a Pathian Thu awih tum a țan la ho,awih thei silo nun hah te chawlhna kim chu Krista tho chu a lo ni ta a ni.
26. Thinlung thar ka pe ang che u a, in chhungah thlarau thar ka dah ang: in tisa ata thinlung, lung anga sak chu ka la bo ang a, thinlung, tisa anga nem ka pe zawk ang che u.
27. Tin, in chhungah ka thlarau ka dah ang a, ka dan siamah ka lentir ang che u a, ka thupekte chu in vawng ang a, in zawm ang.
Ezekiela,36
chuvang chuan tupawh amah ring apiang an mualpho lovang
33. "Ngai teh, Zionah chuan tlukna lung leh dalna lungpui ka dah a, Tupawh amah ring apiang chu a mualpho lo ang," tih ziak ang khan.
← Romans (9/16) →
8. A nih leh,eng nge a sawi? "Thu chuanin a hnaih a che,i ka leh i thinlungah pawh a awm," tiin a sawi a ni; chu chu rinna thu kan hrilh thin hi a ni;
9. "I kain Isua chu Lalpa a ni tih i tan a, Mitthi zing ata Pathianin a kai tho tih i thinlunga i rin chuan chhandamin i awm ang," tih hi.
10. Miten thinlungin an ring a, felna an hmu thin a; kain an tan a, chhandamna an hmu bawk thin a ni.
11. Pathian Lehkha Thuin,"Tupawh amah ring apiang an mualpho lo ang,"a ti a ni.
Rom,10
chuvang chuan kan chawlhna leh kan thlamuanna kim ni thei tura LalIsua rin chu kan hlawhchham lovang a, kan rin man kan hmu ngei dawn a nih chu.
40. Isua'n a hnenah, "I rin chuan Pathian ropuizia i hmu ang, ka ti lo che em ni?" a ti a.
Johana,11
tiang hi a lo ni ta a ni.
A tâwpber atana ka han sawilan duh chu,chawlhna kim chu Krista chauh hi a ni a,a chhan chu kan engkim kan nghah theih nan chhandamna famkim leh ngialnghet tak chu kan hnenah a duh apiang leh a ring apiangte tan a neih nghal mai theih tur in a rawn thlen pumhlûm ta a ni.
Ka han sawilan kher duh leh pakhat chu, Bible hi tehna diklo theilo,Pathian thâwkkhum a ni kan ti ngei a,a dik a,a dikna tak zawk leh Thunung, thiltithei leh rintlâk, belhchian dâwl tak ni tur a a tak ngei a thil a tihzia a lanna tur chu nang leh kei hi kan ni thung a,chu Thunung leh thiltithei ngei chu nangmah ngei khan midang hrilh leh dilsak ngailova a tak ngei a i lo chan ngei a ngai thung a ni.chu Thu tisa a a lo chan ngeina,i hnen a a lo awm ngeina ah chuan Pathian Thu chu a nung a,thil a ti thei tih hi i lo hrefiah ngei dawn zunia.
"Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a,thinlunga ngaihtuah leh tumte hi a hre nghal thei a ni." (Hebrai 4:12).
14. Tin, Thu chu tisaah a lo chang a, kan zingah a awm ta a, (Pa fa mal neih ropui angin a ropuizia kan hmu,) khawngaih leh thutakin a khat.
Johana,1
a tak ngeiin Pathian Thu in a sawi hi nangmah ngei khan chang ngei ang che.chumi avang ngei chuan,chu Thunung leh ropui chu Thutak a ni ngei,Thu a tak nei ngei,tisa a chang țhin Thunung ropui a nihna ngei chu i lo hriatchian takmeuh hunah chuan i tâna chawlhna kim chu KRISTA ngei hi a lo nihzia i hmuchiang ngei dawn a lo ni e.
khawvel thil a chawlhna zawng tawh,hlawhchhamte tan Krista chauh hi chawlhna kim a nih a lo la langfiah ngei dawn si a.
😇👑👰👸🙌🙏👼🌺🌿🍁🌾🍂🍃🌱🌷🌸💐☀️🌟⭐️✨💫☄🌹🌱
KAWNGTLUANIN ISUA NEN
No comments:
Post a Comment