THOLEH TAKSA

HEI HI MITTHI THAWHLEH A KAN AWM DAN TUR CHU A NI BAWK. tun a kan putlai taksa hian Pathian ram a luah lovang a,keimahni a awm tho,keimah kan intihna zawk thlarau hi tho tur leh Pathian hnen thleng tur zawk chu a ni.chu chu keimahni ah hian a awm a,nunna kan neihna pawh hi a ni e. Chuan,kan belh zauh duh chu,Pathian in Mihring a siamlai khan lei a vaivut a siam mihring kha a hmasa zawk a,thlarau chu a hnuhnung zawk a ni tih hemi bung leh châng thu hian a sawilang kalh bawk a ni.chumi awmzia chu Adama hmasa leh hnuhnung khan a awmzia a tehkhin tel bawk kha. I Korinth 15:21-22, 35-50 (MGB) Mihring vanga thihna a lo awm avangin, mihring avang vekin mitthi thawhlehna a lo awm ta bawk a. Adama-ah chuan mi zawng zawng an thi thin ang hian Krista-ah chuan mi zawng zawng tihnunin an awm bawk ang. Nimahsela tuin emaw, “Mitthite chu engtin nge kaihthawhin an awm dawn? Taksa eng ang puin nge an lo kal dawn?” a ti a ni ang e. Nang mi a, nangmah ngeiin i tuh thin pawh hi a thih zet loh chuan tihnunin a awm hlei nem; tin, i tuh thin hi, a taksa la awm tur chu i tuh lo va, a fang mai i tuh zawk thin, buh fang emaw, chi dang fang emaw a ni thei e; nimahsela Pathianin ama duh ang zelin taksa a pe thin, a fang tin hnenah mahni taksa theuh chu. Tisa zawng zawng hi tisa chi khat a ni lo va; mihring tisa a dang a, sa tisa a dang a, sava tisa a dang a, sangha tisa a dang a ni. Van taksate a awm bawk a, lei taksate pawh; nimahsela van taksa ropuina chu a dang a, lei taksa ropuina chu a dang a ni. Ni ropuina chu a dang a, thla ropuina chu a dang a, arsite ropuina chu a dang a; arsi leh arsi pawh ropuinaah chuan a inang si lo. Mitthi thawhlehna pawh hi chutiang bawk a ni. Tawih theia tuhin a awm a; tawih thei lova kaihthawhin a awm; chawimawi lohva tuhin a awm a, ropui taka kaihthawhin a awm: chak lova tuhin a awm a, thiltihtheihna neia kaihthawhin a awm; mihring lam taksaa tuhin a awm a, thlarau lam taksaa kaihthawhin a awm. Mihring lam taksa a awm chuan thlarau lam taksa pawh a awm ang. Chutiang bawkin, “Mihring hmasa ber Adama chu mi nung a lo ni,” tih ziak a ni; Adama hnuhnung zawk chu nunna petu thlarau a lo ni a. Nimahsela thlarau lam chu a awm hmasa lo va, mihring lam chu a awm hmasa zawk; chu mi hnuah chuan thlarau lam chu a awm a. Mihring hmasa ber chu leia mi, leia siam a ni a; mihring pahnihna chu vana mi a ni. Leia siam mi ang kha leia siam mite pawh hi an ni a; vana mi ang kha, vana mite pawh chu an ni. Tin, leia siam mi anna kha kan put angin, vana mi anna chu kan pu bawk dawn a ni. Unau te u, “Tisa leh thisen hian Pathian ram chu a luah thei lo vang a; tawih thei hian tawih thei lo

chu a luah hek lo vang,”tih ka sawi a nih hi.