BEISEINA

BEISEINA
@*@*☆♡☆*@*@

Beiseina han tih hian rilru a kan thil vei ngut ngut te,rilru a lo ruahmanlâwk ang chi te,tum bulfûk tak nei a hmathlir duanlâwksa tih te pawh in han sawi ilang,chutiang ang chu lothleng tur atana rilru in a a duhrûk em em, thleng thei tur a a duhthusâm,a tak chang thei si,a hmuah rûk tlat ang hi a ni mai âwm e.

Adanglehah chuan Pathian Thu a beiseina tak a tih ve thung chu, kan hnena Thu a a puanlâwk tawh lothleng tur a duh em em a thlir reng emaw a ni thei ngei ang.Pathian Thu ah chuan Thu a ri hmasa chu a takin a lothleng țhin tih a ni a, mihring lam thu ah ve thung chuan kan beisei reng reng chu kan rilru ah a lo awm lâwk tawh a ni.

Beiseina kan neih chuan a tak in kan la changlo, tawnglo,chutiang ang thil awm thei ngei a kan ngaih chu kan rin thlir emaw,kan hmuak a ni. Chumi avang chuan kan rilru ti paukhauh in,kan inti pachang ta țhin a, chumi avang chuan chutiang ang kan beisei ang dinhmun chu kan luah thei fo țhin a ni an ti.thleng thei leh a tak chang theilo tuman an beisei ngailova,beiseiloh tur leh beisei phâkloh beisei hi beidawnna min siamtu a ni an lo ti bawk a ni.

Bible a kristiante thurinah ve thung chuan beiseina chu Pathian Thutak ațanga teh vek a ni a,chumi kan beiseichhan lâwmman hmu tur chuan rinna kawng kan zawh zel țhin tih a ni a,chumi lo awm theihna chu Thlarau Thianghlim in kan hnena thil hmuhtheihloh,a tak ni si a puan vang tih a ni.chumi chu chang turin kan hmalam hun a thil lothleng tur chu kan hmuak a ni.

Engpawh chu nisela,beiseina kan neih chuan engemaw thil kan duh em em,chan leh tawn kan duh em em chu kan hmuak mek a,kan la chang silo a ni. Chumi kan thil tawn leh chan duh em em chang tur chuan engtiang kawng hrehawmah pawh kan chhel tlat thei a ni.chumi beiseina nasa tak mihringa a lo awm tawh chuan tumruhna nasa tak a lo nei thei ta țhin a,chumi avang bawk chuan hmalâkna thar chu kawng hrang hrang in a duang thei bawk a ni.