*PATHIAN DAN LEH MOSIA DAN*
Krista chu a ring apiangte tan felna an hmuh theihna turin dan tibangtu a ni. Rom 10:4.He thu an chhiar hian mi tam tak chuan, “Isua Kriata Kros-a a thih atang khan Amah ringtute tan chuan dan zawm a ngai tawh lo, Pathian Dan a bo tawh,” tiin an sawi thin. Tin, Kolosa 2:114-117 “Batna lehkha thupeka ziak kan chunga awm min dodal thin chu a thai bo tawh sia, chu ngei chu kros-ah khengbetin a la kiang ta a,” tih nen la kawpin heng thute hi Pathian dan thusawmpek hi a bo tawh tihna niin an ngai thin.Tin, Rom 3:31 “Anih leh, rin avangin dan chu engmah lovah kan siam em ni? Hnai love Dan chu kan ti nghet zawk a ni,” tiin Paula hian a sawi leh lawi si a, Paua hi a thu sawi amah leh amah a inkalh an ti thin.Amaherawh chu hei hi ngaihdan dik lo a ni a. Pathian thu kan chhiar chian loh vang leh a awmziadik tak kan hriatthiam loh vang zawk a ni. Tonsil natna leh Diphtheria natna hi a inang hle a, a awmna lai pawh a inang a, en ngun loh chuan hriat hran harsa tak leh hriatpawlh awl tak si a ni tlat a. Damdawi pek sual pawh a hlauhawm hle a ni.Chutiang bawkin Pathian Dan (thusawmpek) kan tihleh Mosia Dan hi mi tam takin an ngaihfin a an hre hrang lova, hei hian rinna kawngah nasa takin chhiatna a thlen a ni. Chuvangin tunah hian Pathian Dan leh Mosia Dan danglamna kan sawifiah dawn a ni.2 Lalte 21:8 “Thu ka pek zawng zawng leh, ka chhiahhlawh Mosia dana pek ang zawng zawng kha an pawm phawt chuan...” tiin a sawi a. Hetah hian Pathian thupek (Dan) an zawm bakah Mosia dan an zawm tur a ni tih a sawi hrang kher a ni. Chuvangin Mosia dan leh Pathian Dan hi a hrang a ni tih a lang chiang hle a ni.Daniala 9:11 ah pawh “Ani, Israel ho zawng zawngin I aw awih lo tura kalpengin I dan an bawhchhe ta a ni. Chuvang chuan Mosia dana ziak chhechham thu nen a chungah kan sual ta si a,” tiina sawi hrang bawk. Amaherawh chu “Mosia dan” tia Bible-in a sawi pawh hi Pathianin Mosia hnena asawi rorelna dan leh thupekte an ni ve tho tih erawhchu kan hriat a tha ang.Pathian Dan thusawmpek leh Mosia dan danglamnate chu I lo en the ang ule.Pathian Dan(Moral Law)Mosia Dan(Ceremonial Law)1.Pathian Dan chu Pathian ziak a ni. Exodus 24:12; 32:16.Mosia dan chu Mosia ziak. Deuteronomy 31:9,26.2.Lung pheka ziak. Deu 9:9; 10:4.Lehkhabua ziak. Deu 31:24,26.3.Bawmchhunga dah. Deu 10:5; Heb 9:4; I Lalte 8-9.Bawm sira dah a ni. Deu 31:26.4.Nunna tura thupek a ni. Rom 7:10; Neh 9:29.Mosia dan chu hlimthla a ni. Kol 2:16,17.5.Pathian Dan chu mihring zawng zawngte tan a tul.Thuhriltu 12:13.Mosia dan chu Israel-te tan bik a ni. Exo 34:27; Lev 26:46; Mal 4:4.6.Pathian Dan chu thlarau lam thil a ni. Rom 7:14.Mosia dan chu tisa thupek dan a ni. Heb 9:10,11.7.Pathian dan chu chatuan daih bo thei lo a ni. Mat5:17,18; Sam 111:1,8; 119:144.Mosia dan chu Kros-a tawp tur a ni. Kolo 2:13-17; Heb 9:10,11.Hengte hi an in an lohna leh danglamnate chu an ni.Pathian dan chu Jakoba 2:8-ah 'LAL DAN' tiin sawi ani a. Zalenna dan tiin a sawi bawk Jakoba 2:12. Hmun dang dangah 'LALPA DAN' tihtea sawi a ni bawk. Exodus 31:18,40:20-ahte chuan 'Thuhriat tirna' tiin sawi a ni bawk.Mosia dan ve thung erawh chu Eph 2:15 ah 'Thupek dan' a ti a. Malakia 4:4-ah leh T.T (Acts) 28:23-ahte, T.T (Acts) 15:1,2-ahte 'Mosia dan' tih a ni. Paula hian Galatia mite lehkha a thawnah hian Mosia dan hi Dan-tiin a sawi mai a. Pathian Dan pawh 'Dan' ti ringawtin a sawi a. Mahse ngun taka Bible zir chiang duhte tan chuan ngaihpawlh lohva hriat hrantheih vek a ni. Mosia dan hi chi thuma then sawm theih a ni a. Pakhatnaah chuan, hlim thla rawngbawlna serh leh sang dan, kut nite leh inthawina chi hrang hrang leh a bawlhlote. Krista thihna leh rawngbawlna lo entir lawktu, a taksa leh thisen entirtu ei leh in thil hlan rawngbawlna te leh, kut chawlhni te, thlathar te, serhtan dante Exo 29:38;Lev 2:1; 3:1 ; 4:1 Exo 17:10-13. Pahnihnaah chuan, Hriselna leh Thianghlimna dan a ni. Chungte chuan kros leh thil lo thleng tur lamah entur a nei ve lem lo. Ei leh ina thianghlimna leh hriselna lampang thil, sathau leh thisen ei loh te, sabawlhhlawh ei loh te, nupa nuna chin tawk neihna leh, thi neih laia inpawl loh te, etc. Lev 3:17; 7:24. Amaha thi sa ei loh te... hengte hi tuilet hma daih tawh khan a mite tan a lo pe tawh a ni. Gen 7:2; 3; Gen 9:4. Hei hi vawiin ni thlengin a la pawimawh a ni.A pathumnaah chuan Mosia kaihhruai Israel sorkar inawpna dan, tual thuchhe remna dan 'Civil Law' chawp leh chilh a thil ti sualte hremna dan leh venhimna dante. Tualchhung leh thenawm khawveng intih buaina chungchanga thuchhe remna dan ti ila a fiah mai awm e. Entir nan Exo 21:12 “Tupawhin mi lo vua sela, chu mi chu thi ta sela tihhlum ve ngei ngei tur,” tihte. Tupawh a nu emaw a pa emaw vua apiang chu tihhlum ngei ngei tur, tihte leh thu dang tam tak dan tha tak tak an awm a ni.Pathian dan pawh hi hmun hnihah Lal Isuan a then ve a. Chuvang chuan lungphek pahnihah a ziak hrang kher a ni. Deu 10:4; Exo 32:16,17.Dan hretuin amah fiah nan zawhna a zawh pawh khan, “Lalpa, I Pathian chu I thilung zawng zawngin, I rilru zawng zawngin, I chakna zawng zawngin I hmangaih tur a ni; nangmah I in hmangiah angin I vengte pawh I hmangaih tur a ni, tih hi,” tiin a chhang a nih kha. Luka 10:27,28; Mat 22:36-39.Lungphek hmasaah khan thupek pali a chuang a: (1) Keimah lo chu Pathian dang nei suh. (2) Milem be suh. (3) Pathian hming lam mai mai suh. (4) Lalpa chawlhni serh rawh, tihte hi. Lungphek pakhatnaah chuan, Pathian kan hmangiahna dan a chuang a. Lungphek pahnihnaah chuan keimahni anga kan mihring puite kan hmangaihna dan, mihringte chunga kan tih tur a chuang ve thung a ni.“Heng, uire suh, tual that suh, ru suh, awt suh, tih lehthupek dang la awm reng rengte hi, “Nangmah I in hmangaih angin I vengte I hmangaih tur a ni,” tih hian a khaikhawm vek si a, tiin Paula pawhin a sawi kha. Rom 13:9.SINAI TLANG HMA LAMAH DAN A AWM TAWHHe Pathian dan hi israel-te awm hma daih Sinai Tlanga ziaka a pek hma daih tawh khana thuin a lo dawm daih tawh a. Thil ti sual hmasa bertu chu Diabola a ni. “Diabola chuan atir ata thil a ti sual si a.” I Johana 3:8. “A ni chu atir ata tual that a ni.” Johana 8:44, tiin Bible-in min hrilh. Tin, Rom 7:7 “Dan avanga hriat ni suh sela chu sual hi ka hre lo tur,” tiin Paula'n a sawi a. Rom 3:21 ah “Dan avanginsual hriat famkimna a lo awm a ni si a,” tiin a sawi bawk a. I Johana 3:4-ah “Sual hi Dan bawhchhiatna a ni,” a ti a. Vanah Setana'n dan a lo bawhchhe tawha. Evi leh Adama te khan, 'awt suh' tih dante an bawhchhia a. Sualah an tlu ta a ni tih kan hria a. Tin,Adama fa hmasa ber, Kaina khan tual that suh tih dan bawh chhiain a nau Abela a that bawk a. Genesis 4:8- Lalpa pawh mihring a siam vangin a inchhir phah hial a ni.Josepha khan Potiphera nupuiin uirepuia a sawm khan, “Hetiang sual lian tak hi tiin Pathian chungah engtinnge thil ka tihsual theih ang?” tiin a chhang a nih kha. Uirena hi sual anihzia chu a hre chiang hle a, chu chuan Pathian dan sawm hi Sinai Tlang hma daih tawh khan Lalpan thuin a lo zirtir daih tawh a nitih a tilang chiang hle a ni.Tin, Paula'n Rom 5:13-ah “Dan awm hmain khawvelah sual a awm tawh si a; dan a awm si loh chuan sual chu suala ngaih a ni lo,” tiin a sawi a. Heta a sawi tum tak chu dan hi Sinai Tlanga ziaka pek kan nih hma pawhin, Bawm chhunga daha a awm hma pawh khan, dan bawhchhiatna sual hi a lo awm daih tawh a tihna a ni. A hnu chiaha a sawifiah lehnaah hian “Dan a awm si loh chuan sualchu suala ngaih a ni lo,” a ti leh a. Chuvangin Dan sawm hi Sinai Tlanga awm tan mai a ni lo tih a chiang hle a ni.A nih loh leh, Mosia dan ve thung hi engtik atanga loawm tan nge ni le? Tiin I zawt a ni mai thei. A thenkhatna, thlanna hlim thla emaw kros hlim thla dan kan tih kha Evi leh Adamate'n dan an bawhchhiat hnuah a lo awm tan ve a. Chu chu Isua thisen entirna atana ran thisen Abelate'n an lo hlan te kha a ni. A dang hi chu Aigupta an chhuahsan hnuin Sinai Tlangah Lalpan Mosia hnenah a sawi a, chu chu Mosian lehkhabuah a ziak chhuak ta a ni. Deu 31:24.Tin, Paulan Gal 3:19-ah “Bawhchhiatna hi sual a nih tilang fiah tura thutiam belhchhahna thuthiamin 'chithlah' a tih lo kal hmaa hman tur vantirhkohte hmanga palai kuta pek a ni,” tiin chiang takin a sawi.Dan bawhchhiat hi sual a nihzia tilang fiah tura dan belhchhah a nih chu.KROS-A DAN BANG TA CHUAnih leh Kros-a dan bangta chu eng dan nge ni ta le? Rom 10:4-ah Krista chu aring apiangte tan felna an hmuh theihna turin 'dan' tibangtu tih a ni a. Chu dan chu 'Mosia dan' lehkhabua ziak kha a ni. Isuan, “A kin ta.” a tiha a thih veleh khan, Pathian Biak In paunzar chu chunglam atangin alaiah a lo thler chhuak ta vek a. Biakbuk pindan chu a hawng dar tave a. Hei hian Biakbuka inthawina dan zawng zawng a ti bang ta ni tih a entir a. Juda leh Jentail-teinkar daidanna a ti chim bawk a ni. Eph 2:11-16.Batna lehkha thupeka ziak kan chunga awm min dodal thin chu a thai bo tawh si a, chu ngei chu Kros-ah khengbetin a la kiang ta. Kol 2:14 '... chutichuan ei thuah emaw, in thuah emaw kut ni thuah emaw, tuman sawisel cheu suh se; chung chu thil lo thleng turte hlim a ni a tak erawh chu Krista ta a ni.” Kol 2:16,17. He lai thu atang hian Kros-a dan bang ta leh thi lo ni ta chu thusawmpek ni lovin, HLIMTHLA rawngbawlna dan lehkhabua ziak kha a ni tih a chiang hle a ni. Pathian dan lungpheka ziak ni lovin, batna 'Lehkha' a ni zawk. Pathian Dan hi chu chhun han te tak te emaw thai han te tak te emaw pawh a boral ai chuan van leh khawvel boral a awl zawk tia Isuan a sawi ang khan bo chi a ni lo. Mat 5:17,18; Luka 16:17.Kum tina an kut hman thin te, an kut chawlhnite, an thlathar chawlhni te, kut nia an inthawna sa ei leh uain in chungchang dan ho zawng zawngte kha, Isua taksa leh thisen entirtu hlim thla a ni a, Isua Kros-a a thih hnu chuan a ngai tawh lo tihna a ni. Hman lama thil lo thleng tur Krista'n tlanna hna a rawn thawh tur chi hrang hrang lo entirtute kha an ni.Mi thenkhatin he thu an chhiar hian, “Chawlh ni serha tul tawh lo, hlim thla mai a ni a, a tak Krista-ah kanchawl tawh zawk a ni,” tiin he Bible chang hi an tan chhan fo thin. Mahse Pathian dan thusawm peka a palina chawlhni kha hlim thla chawlhni zingah khan a tel ve lo. Hmalama thil lo thleng turte entirtu hlim thla chawlh ni a ni ve lo. Pathian hi ni ruk chhunga khawvel siamtu Pathian a ni tih hriat tirtu leh thil siam hriat rengna leh Siamtu Pathian anihzia chhinchhiahna a ni zawk. Exo 2:8-11; Ezekiela 20:12,20. Chuvangin kartin chawlh ni hi chu hlim thla chawlh ni ho zingah a tel ve lova, chatuana ral thei lo thusawmpek danah a palinaah a dah tlat a ni.Kros-a hlim thla dan, Mosia dante a bo laiin, he thusawmpek nisarihna chawlh hi chu a bo ve lo tih hi kan hre chiang tur a ni.Pathian dan thusawmpek hi kros-ah khan thai bo lo ni ta tak tak se, chu dan zawm a ngai tawh lo,,milem biak a thiang tawh, uire, ruk ruk leh tualthah a thiang tawh tihna a ni anga a rapthlak hle dawn a ni.Paula'n “Anih leh rin avangin dan chu engmah lovahkan siam em ni?” a tih khan, “Hnai love, dan chu kanti nghet zawk a ni,” tiin amah vekin a chhang leh anih kha. Rom 3:31. Krista kan rin avanga dan kan zawm tlat tur a awm a, Krista kan rin vanga dan zawm tul ta lo a awm bawk a, chungte chu serh tan dante, inthawina dante, Juda-te vohbikna dante, kut ei leh in dante, kut chawlh ni, thlathar chawlh ni leh kum Sabbath-te kha a ni. Pathian dan thusawmpek chawlh ni erawh chu bo thei a ni lo. Pathian mite tan a la tul reng a ni. Heb 4:9; Mat 24:20.THIHNA RAWNGBAWLNAPathian dan hi a tha famkim a, nunna a siam thin, a zawmtute tana nun phahna a nih laiin, Sam 19:7; Ezekiela 20:11, lehlamah ve thung chuan a bawhchhetute tan chuan, thiam loh chantirtu, “thihna rawngbawlna lunga hawrawpa ziak,” a ni reng tlat a ni. 2 Korinth 3:7. Thuthlung hlui hunah khan, Pathian dan chu lungphekah a ziak a, bawm chhungah an dah a, Mosia dan chu lehkhabuah bawm sirah an dah ve thung a. Chu chu an zawm veve tur a ni. Mahse Kros-a Isua a thih atang khan lehkhabua ziak bawm sira dah Mosia dan chu a tawp tak avangin zawm a ngai ve ta lo. Pathian dan chu piangthar Isua ringtu apiangte rilru chhungah dahin an thinlung phekah ziak a ni ta a. Lungpheka chuang thu ngai reng kha thinlung phekah thlarauvin a ziak ve ta thung a ni. 2 Korinth 3:2-5. “An rilruah ka dan ka dah ang a, an thinlungah ka ziak bawk ang,” tia, a sawi ang hian. Hei hi Sap tawng a mi anga lehlin a ni “I will put my laws into their minds and write them on their hearts.” Heb 8:10. Chuvangin Mosia dan kan tih leh Pathian dan kan tih hi Bible hian fiah takin a lo thliar hrang a ni. Hei hi I lo hriatthiam chuan kawng dikah hruaiin I awm ngei ang.
No comments:
Post a Comment